சச்சின் சதம்: சாதித்தது இந்தியா!சென்னை டெஸ்டில் அபார வெற்றி

சென்னை: சென்னை டெஸ்டில் தோனி தலைமை யிலான இந்திய அணி சாதித்து காட்டியது. சச்சின் சதம் விளாச, இங்கிலாந்தை 6 விக்கெட் வித்தியாசத்தில் சூப்பராக வீழ்த்தியது. யுவராஜ், காம்பிர்அரைசதம் கடந்து வெற்றிக்கு துணைநின்றனர். பவுலர்கள் ஏமாற்றியதால் இங்கிலாந்து அணியின் வாய்ப்பு நழுவியது.
மும்பை தாக்குதலுக்குப் பின் பாதுகாப்பு பிரச்னைகளை கடந்து இரண்டு போட்டிகள் கொண்ட டெஸ்ட் தொடரில் பங்கேற்க இங்கிலாந்து அணி, இந்தியா வந்துள்ளது. முதல் டெஸ்ட் சென்னையில் நடந்தது. முதல் இன்னிங்சில் இங்கிலாந்து 316, இந்தியா 241 ரன்கள் எடுத்தன. 75 ரன்கள் முன்னிலையுடன் இரண்டாவது இன்னிங்சில் விளையாடிய இங்கிலாந்து 9 விக்கெட் இழப்புக்கு 311 ரன்கள் எடுத்து "டிக்ளேர்' செய்தது.சவாலான 387 ரன்கள் என்ற வெற்றி இலக்கை சேஸ் செய்த இந்தியாவுக்கு சேவக் 68 பந்தில் 83 ரன்கள் எடுத்து அதிரடிதுவக்கம் தந்தார்.


இந்தியா நான்காவது நாள் முடிவில் ஒரு விக்கெட் இழப்புக்கு 131 ரன்கள் எடுத்திருந்தது.டிராவிட் ஏமாற்றம்: நேற்று ஐந்தாவது மற்றும் கடைசி நாள் ஆட்டம் நடந்தது. வெற்றிபெற 256 ரன்கள் தேவை என்ற சூழ்நிலையில் களமிறங்கிய இந்திய அணிக்கு டிராவிட் மீண்டும் ஏமாற்றம் அளித்தார். இவர் வெறும் 4 ரன்களுக்கு பிளின்டாப் பந்தில் அவுட்டானார்.


காம்பிர் அரைசதம்: அடுத்து வந்த சச்சின், காம்பிருடன் ஜோடி சேர்ந்தார். பொறுப்புடன் பேட் செய்த காம்பிர், டெஸ்ட் அரங்கில் 8வது அரைசதம் கடந்தார். சுவான், பிளின்டாப் பந்துகளை வரிசையாக பவுண்டரிக்கு விரட்டினார். இவர் 66 ரன்கள் எடுத்தநிலையில் ஆன்டர்சன் பந்தில் அவுட்டானார். லட்சுமண் 26 ரன்களுக்கு பெவிலியன் திரும்பினார். இதையடுத்து இந்திய அணியின் வெற்றி பயணத்தில் லேசான சறுக்கல் ஏற்பட்டது.


யுவராஜ் அசத்தல்: அடுத்து களமிறங்கிய யுவராஜ், சச்சினுடன் ஜோடி சேர்ந்தார். இங்கிலாந்து பந்துவீச்சை ஒருகை பார்த்த இந்த ஜோடி மோசமாக வீசப்பட்ட பந்துகளை பவுண்டரிக்கு விரட்டியது. டெஸ்டில் பங்கேற்க கிடைத்த வாய்ப்பை நன்றாக பயன்படுத்தி கொண்ட யுவராஜ் அரைசதம் கடந்து, தேர்வாளர்கள் தன்மீது வைத்திருந்த நம்பிக்கையை காப்பாற்றினார்.


சச்சின் சதம்: இந்த ஜோடியை பிரிக்கஇங்கிலாந்து கேப்டன் பீட்டர்சன் மேற்கொண்ட முயற்சிகள் அனைத்தும் தோல்வியில் முடிந்தன. சுவான் பந்தில் பவுண்டரி அடித்த சச்சின் டெஸ்ட் அரங்கில் 41வது சதம் கடந்து, இந்திய அணிக்கு சாதனை வெற்றி தேடி தந்தார். இந்தியா 98.3 ஓவரில் 4 விக்கெட் இழப்புக்கு 387 ரன்கள் எடுத்து, 6 விக்கெட் வித்தியாசத்தில் வென்றது. சச்சின் 103, யுவராஜ் 85 ரன்களுடன் ஆட்ட மிழக்காமல் இருந்தனர். இந்த ஜோடி ஐந்தாவது விக்கெட்டுக்கு 163 ரன்கள் எடுத்தது. ஆட்டநாயகன் விருதை 68 பந்தில் அதிரடியாக 83 ரன்கள் சேர்த்த சேவக் தட்டிச் சென்றார். டெஸ்ட் தொடரில் இந்திய அணி 1-0 என்ற முன்னிலை பெற்றுள்ளது. இரண்டாவது டெஸ்ட் வரும் 19ம் தேதி மொகாலியில் நடக்கவிருக்கிறது.


இரண்டாவது வீரர் : நேற்று சச்சின் 13வது ரன் எடுத்த போது, சென்னையில் நடந்த டெஸ்டில் அதிக ரன்கள் எடுத்த வீரர்கள் வரிசையில் குண்டப்பா விஸ்வநாத்தை (785) முந்தி 2வது இடம் பிடித்தார். சச்சின் இதுவரை சென்னையில் 9 டெஸ்டில் விளையாடி 4 சதம், ஒரு அரைசதம் உட்பட 876 ரன்கள் எடுத்துள்ளார். முதலிடத் தில் கவாஸ்கர் (1,018 ரன்) இருக்கிறார்.

ரூ. 3 கோடி உதவி: * இந்திய கிரிக்கெட் போர்டு (பி.சி.சி.ஐ.,) சார்பில், மும்பை தாக்குதல் சம்பவத்தில் உயிரிழந்த வீரர்கள் குடும்பத்தினருக்காக இரண்டு கோடி ரூபாயும், காயமடைந்தவீரர்களின் குடும்பத்தினருக்காக ஒரு கோடி ரூபாயும் வழங்கப்பட்டுள்ளது.
* சென்னை டெஸ்ட் போட்டியில் சிறப்பாக பாதுகாப்பு ஏற்பாடுகளை செய்திருந்ததற்காக, சென்னை போலீஸ் கமிஷனர் ராதாகிருஷ்ணனுக்கு இங்கிலாந்து கிரிக்கெட் வாரியம் சார்பில் கேடயம் பரிசளிக்கப்பட்டது.


கிரிக்கெட்டுக்கு வெற்றி: மும்பை தாக்குதல் சம்பவத்தை அடுத்து இங்கிலாந்து அணி டெஸ்டில் பங்கேற்பது குறித்து சந்தேகம் நிலவியது. பின்னர் பாதுகாப்புக்கு சர்ச்சைகளை கடந்து இங்கிலாந்து வீரர்கள் துணிச்சலாக சென்னை வந்தனர். தற்போது போட்டி சுமுகமாக முடிந்துள்ளது. இது கிரிக்கெட்டுக்கு கிடைத்த வெற்றியாக கருதப்படுகிறது.


தோனியின் "சூப்பர்' நேரம் : இந்திய அணியின் எழுச்சி கேப்டன் என்பதை தோனி மீண்டும் ஒரு முறை நிரூபித்துள்ளார். ஒரு நாள், "டுவென்டி-20' போட்டிகளில் சாதித்த இவர் டெஸ்ட் அரங் கிலும் வெற்றிக்கேப் டனாக ஜொலிக்கிறார். இதுவரை கேப்டனாக செயல்பட்டுள்ள 5 டெஸ்ட் போட்டிகளில் 4ல் இந்தியாவுக்கு வெற்றி தேடி தந் துள்ளார். ஒரு போட்டி "டிரா'வில் முடிந் துள்ளது. இவர் தலைமையில் இந்திய அணி தோல்வியடையவில்லை.