அட மனுசா

பிரகாஸ் · பிரகாஸ் Sun Sep 20, 2009 4:02 pm

கொட்டாவி உடும்போதும் வானத்தப் பாக்கிறான்
கடவுளை நெனச்சாலும் வானத்தப் பாக்கிறான்
கைகெட்டு நிக்கச்சயும் வானத்தப் பாக்கிறான்
சொந்தமா தன்ன நம்ப எவன்எண்ணிப் பாக்கிறான்?

ஏலாமே போச்சுன்னா விதிதான்னு சொல்லுறான்
வறுமய பாத்தாலும் விதியேன்னு சொல்லுறான்
எருமைங்க நாடாள ஓட்டையும் போட்டுட்டு
இருந்ததும் எழந்ததும் விதிதான்னே சொல்லுறான்.

கோயிலச் சுத்துறான் கொளந்தேடி அலையறான்
பசியாலே வாடுறேன் குடுசாமி எங்கிறான்
எல்லாமே இருந்துமே இல்லாமஏன் இருக்குது?
இயற்கையா, செயற்கையா? கடவுளா, குத்தமா?

என்னிக்கி எங்காச்சும் எதுக்காவ நின்னாலும்
எல்லாமே எனக்குத்தான் எங்கின்ற ஏக்கந்தான்
எல்லாரும் நல்லாவ இல்லாமே செய்யுது
எல்லார்க்கும் நிம்மதி இல்லாமே செய்யுது.

மனம்மூடி இருந்துதோ, தொயரந்தான் நொழைஞ்சிடும்
மனந்தொறந் திருந்தாத்தான் தெய்வம்குடி புவுந்திடும்
மனசாலே மனுசரா வாழநாம் படிக்காட்டி
மனுசஉரு வத்திலே மிருவமா வாழுவோம்.