மகாத்மா காந்தி நிலத்தை அபகரித்த மாஜி பாமக எம்.எல்.ஏ. சேலம் சிறையில் அடைக்கப்பட்டார்

முன்னாள் பாமக எம்.எல்.ஏ. நெடுஞ்செழியன், மகாத்மா காந்தி பெயரில் உள்ள இடத்தை ஆக்கிரமித்த வழக்கில் அதிகாலை 3 மணிக்கு கைது செய்யப்பட்டு சேலம் சிறையில் அடைக்கப்பட்டார்.

1950 ம் வருடம் சாமியப்ப செட்டியார் என்பவர் 17 உறுப்பினர்களைக்கொண்ட காந்திஜி நினைவு மன்றம் என்ற அமைப்பை தொடங்கினார். இந்த மன்றத்திற்கு 1.73 ஏக்கர் நிலத்தை வாங்கி டிரஸ்ட் தொடங்கினார்.

இந்த இடம் காந்தி பெயரில் உள்ளது. டிரஸ்ட் உறுப்பினர்கள் 17 பேரும் 1976ம் வருடத்திற்குள்ளாகவே இறந்துவிட்டனர். அதன்பின்னர் இந்த இடம் பராமரிப்பதற்கு ஆட்கள் இல்லாத நிலையில் கேட்பாரற்று கிடந்தது.

2006ம் ஆண்டு கபிலர்மலை சட்டமன்ற தொகுதி உறுப்பினராக பாமகவைச்சேர்ந்த மருத்துவர் நெடுஞ்செழியன் பதவிக்கு வந்த பின்னர், அவரும் பேரூராட்சி மன்ற தலைவராக இருந்த பொன்மனி, வக்கீல் காமராஜர் ஆகியோர் போலி பத்திரங்கள் தயார் செய்து பரமத்தி வட்டம் வேலூர் கிராமத்தில் உள்ள சர்வே எண்: 33/1 பட்டா எண்:142ல் காந்திஜி நினைவு மன்றத்திற்கு சொந்தமான இந்த நிலத்தை தங்கள் பெயருக்கு எழுதிக்கொண்டனர்.

இந்த இடத்தில் புதிதாக கட்டப்பட்ட்டுள்ள கட்டிடத்திற்கு மின் இணைப்பு வாங்குவதற்காக, இந்த இடம் எனக்கு சொந்தமானது என்று சட்டமன்ற உறுப்பினர் நெடுஞ்செழியன் ஆவணங்களை கொடுத்துள்ளார்.

அதேபோல் வக்கீல் காமராஜ் இந்த இடம் தனக்கு பாத்தியப்பட்டது என்று அரிமா சங்கத்திற்கு வாடகைக்கு கொடுத்துள்ளார்.

இது பற்றி பொத்தனூர் மக்கள் குடிமை இயத்தை சேர்ந்த மதியழகன் என்பவர் நாமக்கல் மாவட்ட காவல்துறை கண்காணிப்பாளர் பிரவீன்குமாரிடம் 25.7.2011ல் புகார் கொடுத்துள்ளார்.

புகாரை விசாரித்த எஸ்.பி. தலைமையிலான டீம், மோசடி நடந்திருப்பதை உறுதிப்படுத்திய பின், இன்று அதிகாலை 3 மணியளவில் முன்னாள் எம்.எல்.ஏ. நெடுஞ்செழியன் மற்றும் காமராஜ், பொன்மணி ஆகியோரை கைது செய்தது.

மூவரையும் பரமத்தி நீதிமன்றத்தில் ஆஜர்படுத்தினர். வழக்கை விசாரித்தி நீதிபதி, நெடுஞ்செழியனை 15 நாள் நீதிமன்ற காவலில் வைக்கும்படி உத்தரவிட்டார். இதையடுத்து அவர் சேலம் சிறையில் அடைக்கப்பட்டார்.

பொன்மணியும் சேலம் சிறையில் அடைக்கப்பட்டார். வக்கீல் காமராஜுக்கு இருதய மாற்று அறுவை சிகிச்சை செய்யப்பட்டுதால் நாமக்கல் மருத்துவமனைக்கு அவரை அழைத்துச்சென்று பரிசோதனை செய்தபின்னர் சிறையில் அடைக்க உத்தரவிட்டார்.

நக்கீரன்

முதலில் சுவாமி கோவில் நிலங்களை அவரவர்கள் எடுத்துக்கொண்டார்கள். எவ்வளவோ கோவில்களுக்கு மன்னர்கள் மான்னியமாய் அளித்த நிலங்கள் 'ஸ்வாகா ' ஆகின, இப்ப பாவம் காந்தி தலை இலும் கை வைத்துவிட்டார்களே