பாவம்! இவள் ஒரு.....

by **rameshnaga** Fri Sep 09, 2011 7:55 pm

First topic message reminder :

இந்தக் கவிதை உனக்கானதுதான்.

எல்லாக் கவிஞனின் தமிழும்
உன்னை முத்தமிட்டிருக்கிறது
உனது சம்மதத்திற்காக காத்திராமல்.

உனது புன்னகை மட்டுமே
எங்களால் இரசிக்கப் பட்டிருக்கிறது
அது அழுகையால்தான் ஆனது...
என்பது எல்லோருக்கும் தெரிந்திருந்தாலும்.

கனவுகளால் நிறையும் உனது உலகத்தில்..
நிஜம் அழகாயிருப்பதில்லை.

இங்கே--
இழப்பதற்கு எதுவும் இல்லை..
என்ற உண்மை...ஏனோ
உனக்கு மட்டும்தான்
அம்மாவின் கர்ப்பத்திலேயே...
சொல்லப் பட்டிருக்கலாம்.

இளமையின் துள்ளல் வரை
வாழும் உனது வாழ்க்கை...
வாழும்போதே..
தற்கொலை செய்துகொண்டு விடுகிறது.

ஒரு எரிந்து வீழ்ந்த நக்ஷத்திரமாய்..
அலையும் ....
நீ நிராகரித்த வாழ்க்கையில்
உனக்கு நிகழும் மரணம்
எப்போதும் முதல் மரணமாய் இருப்பதில்லை.

திரைகளில் வெளிச்சத்திற்கு வந்துவிடும்
உனது வாழ்க்கையின்...
இருட்டுப் பக்கங்களின் கண்ணீர்
எங்களது "கிசு கிசு"ப்புக்களின்
இரசிக்கும் பக்கங்களாகி விடுகிறது.

எப்போதும் உன்னைப் பார்க்கையில்
எனக்கும் தோன்றும்..
கடவுளின் நேர்மை குறைந்து போனதாய்.

http://www.eegarai.com/rameshnaga/?p=127