ம. ரமேஷ் கஸல்கள் 1

by **முனைவர் ம.ரமேஷ்** Fri Sep 09, 2011 7:29 pm

First topic message reminder :

ம.ரமேஷ் கஸல்(கவிதை)கள் 26 - Page 4 Rameshgazhal1

by **முனைவர் ம.ரமேஷ்** Fri Nov 25, 2011 7:20 pm

உனக்கும் எனக்குமான
இரவுகள் மட்டும்
எப்போதும் விடிந்தே இருக்கின்றன
இருவருமாக என்றுதான் உறங்குவது
ஒரே கல்லறையிலாவது?

உன்
ஒவ்வொரு
கவிதை வாசிப்பின் முடிவிலும்
அழுகைதான் வருகிறது
கண்களில் நீர் இன்றி

நள்ளிரவுப் பொழுதுகளில்
யாருக்கும் கேட்காமல்
சத்தமாகக் கதறி அழும்
நான் சிந்தும்
கண்ணீர்த் துளிகள்

by **முனைவர் ம.ரமேஷ்** Sat Nov 26, 2011 11:14 am

• சிதைந்து போன கனவுகள்
ஒன்று கூடி வருகின்றன
காயங்கள் ஆறியிருக்கின்றன

• என்
தோல்விக்கான வடு
கழுத்தில் தாலி

• உனக்குத் துணையாக
கூந்தல் பூக்கள் இருக்கின்றன
எனக்கு
ஒன்றும் இல்லாமல் செய்துவிட்டான்
இறைவன்

by **முனைவர் ம.ரமேஷ்** Sat Nov 26, 2011 5:19 pm

நம் காதல்
மீண்டும்
இணைகிறது
இளமை தீர்ந்த பின்

(இங்கு இணைபவர்கள்:
காதலன் காதலி பல ஆண்டுகள் கழித்து
தோல்வியடைந்த (வேறுவேறு திருமணம் செய்துகொண்ட)காதலன் காதலி மீண்டும் பல ஆண்டுகள் கழித்து
மனிதன் கடவுளிடம் பல ஆண்டுகள் கழித்து
இளமை தீர்ந்த பின் - பல ஆண்டுகள் கழித்து)

by **முனைவர் ம.ரமேஷ்** Sat Nov 26, 2011 6:43 pm

நம்
காதலைத் தரிசிக்க
இறைவன்
நம்மைத் தேடி வருகிறான்

• துன்பம் வந்தால்
சிரிப்பேன்!
எதிரே வருகிறாய்
சிரிக்கிறேன்!
நினைத்துக்கொள்வாய்:
தோல்வியை மறந்து
மகிழ்ச்சியாக இருக்கிறானென்று.

• நீ
என்னை
நண்பர்களிடமிருந்து மட்டுமல்ல
இறைவனிடத்திலிருந்தும்
தனிமைப்படுத்திவிட்டாய்

• நீ
விருந்தாளியாக வந்தாய்
போய்விட்டாய்
உறவுமுறையாக
காதல் மட்டுமே இருக்கிறது

by **முனைவர் ம.ரமேஷ்** Sun Nov 27, 2011 8:32 am

தாகம் தீர்க்க
அடைக்கலமானேன்
விரட்டுகிறது
உன் நினைவுகள்

பார்க்கும் சமயமெல்லாம்
குனிந்து செல்கிறாய்
மன்னித்துவிடு என்பதுபோல

உன் விழியும் சொல்லும்
என்னை
உயிர்வாழச் சொல்லுமா?

by **முனைவர் ம.ரமேஷ்** Wed Nov 30, 2011 3:11 pm

• என் கண்ணில் கொட்டுவது
கண்ணீரல்ல
நீ பேசிய
ஆசை வார்த்தைகள்

• நீ
என்னை
மறந்துபோய்
நினைத்திருக்கலாம்
துன்பத்தில்
நினைக்கும்
பக்தன்போல

• நீ
என் கனவுகளைப் புதைத்து
நினைவுகளை எரித்த
வெட்டியான்

by முகம்மது ஃபரீத் Wed Nov 30, 2011 5:05 pm

அனைத்தும் அருமை சூப்பருங்க

by **முனைவர் ம.ரமேஷ்** Wed Dec 07, 2011 3:25 pm

உனக்குத்
திருமணம் ஆனாலென்ன?
புதிய கோவில் கட்டினாலென்ன?
காதல் காதல்தான்
கடவுள் கடவுள்தான்

காதலும்
மரணமும்
ஒன்றுதான்
நினைக்கும்போதெல்லாம்
கண்ணீரைத் தரும்

‘மன்னித்துவிடு’ என்ற
வார்த்தையின் வலியை
நான் உச்சரித்தபோதுதான்
அறிந்துகொண்டேன்
உன் வலிகளை

by **முனைவர் ம.ரமேஷ்** Fri Dec 09, 2011 3:54 pm

என் காயங்களுக்கு
உன் நினைவுகள்
மருந்திடும்
இருப்பினும் குணமாகவில்லை என்பது
பிரிதொரு நாளில் வரும்
கண்ணீரில் தெரியும்

உன்னைப் பிரிந்ததின்
அடையாளமாக
நான்
கோவிலுக்குச் செல்வதில்லை
தினமும் கால் நோக
கடவுள் வாயிலில் காத்திருக்கிறாராம்

நாம்
முடிவெடுத்தபோது
இறந்துபோய் இருந்தால்
என்னவாகியிருக்கும் பாவம்
நம் காதல்?