தமிழச்சி !!!

**பிஜிராமன்** · **பிஜிராமன்** Fri 9 Sep 2011 - 19:11

துள்ளித்திரிந்தாள் மான்குட்டியாக
சிறகடித்துப் பறந்தாள் சிட்டாக - அவள்
வயதினை அடைந்ததும் அத்துள்ளலானது
குறைக்கப்பட்டது அச்சிறகானது உடைக்கப்பட்டது
உலக்கை தன் குறுக்கே இடப்பட்டது- தமிழச்சியே
கலங்காதே இதுநம் கலாச்சாரம் - மாறாய்
உனக்காக இயற்கையே இருக்கிறது

ஆச்சர்யம் கொண்டிட்டேன் தமிழச்சியே - உனக்கும்
இயற்கை அன்னைக்கும் உள்ள தொடர்பைக் கண்டு
நீ தாவணி பருவம் எய்தினாய் - உனக்காக
தென்னை ஓலையால் ஆனா இடம் பரிசளிக்கபட்டது

நீ திருமண வயதை அடைந்தாய் - உனக்காக
தென்னை பாலை அலங்காரமும் வாழைமரத்
தோரணமும் உன் மணப்பந்தலை அலங்கரிக்க வந்தன

தமிழச்சியே! உன் கூந்தலை அலங்கரிக்கவே படைக்கப்
பட்டனவோ அனுதினமும் பூத்திடு மப்பூக்கள் - உன்
கூந்தலில் மட்டுமே அவற்றின் வாசனையும் பொலிவும்
கூடிடுதல் கண்டேன்

நீ பெண்ணாய் மட்டும் பிறந்திருந்தால் - மேல்க்

கூறிய அனைத்து சிறப்பினையும் நீ இழந்திருப்பாய்
மாறாய், நீ தமிழச்சியானாய் இயற்கை உனதானது

விலையற்ற இயற்கையே உனதான போது - நீயேன்
செயற்கையான வாழ்க்கைக்கு பழகிப்போனாய்
நெற்றிப்பொட்டும் சூடிடும் பூவும் விலையுயர்ந்ததாம்
பட்டும் தாவணி சேலையும் இவையும் இயற்கை தான்
இவ்வழகான விஷயங்களை நீ வெறுத்ததேனோ - அயல்
நாட்டார் உனைக்கண்டு ஏங்கிடும் போது - அவ்வயல்நாட்டு
மோகம் உனக்கெதற்கு கூறு? அயல்நாட்டார் அறிந்திடுவர்
நாம் கலாச்சாரம் பற்றி புத்தகத்தின் வழியாய் - நம்மையும்
அவ்வாறு காணும் படி செய்யாய் - மனதிர்கொள்
நம் கலாச்சாரம் காலாவதியாகும் நாள் - உன்
சிறப்பனைதும் காலாவதியாகும் நாள் - உன்னை
இயற்கையே அணைக்க வரும் போது - அதைநீ
தடுக்காதே ஏற்றுக்கொள்

தமிழச்சி !!!

தமிழச்சி !!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக