பழம்பெரும் நடிகை காந்திமதி காலமானார்

ரேவதி · ரேவதி Fri Sep 09, 2011 11:03 am

அவர்
உடல்நிலை சரியில்லாத காரணத்தால் மருத்துவமனையில் அனுமதிக்கப்பட்டு
இருந்தார். மருத்துவர்கள் இனிமேல் வீட்டில் வைத்தே பார்த்து கொள்ளுங்கள்
என்று கூறியுள்ளனர்.

காந்திமதி தனது இல்லத்தில் இன்று காலை 6 மணிக்கு காலமானார்.

காமெடி நடிகையாக நடித்து வந்தாலும் 'மண் வாசனை' படத்தின் மூலம் தன்னை ஒரு குணசித்திர நடிகையாக வெளிக்காட்டி கொண்டார்.

பாரதிராஜாவின் '16 வயதினிலே', ரஜினி நடித்த 'முத்து' போன்ற பல வெற்றி படங்களில் நடித்து இருக்கிறார்.

ரஜினி,
கமல் உள்ளிட்ட முன்னணி நடிகர்களின் படங்களில் காமெடி காட்சிகளில் நடித்து
இருக்கிறார். டி.வி சீரியல் பலவற்றிலும் நடித்து இருக்கிறார்.

அவரது உடலுக்கு திரையுலகினர் பலரும் அஞ்சலி செலுத்தி வருகிறார்கள்.
விகடன்

**உமா** · **உமா** Fri Sep 09, 2011 11:05 am

அவரது ஆன்மா சாந்தி அடைய பிராத்திக்கிறேன்.

ranhasan · ranhasan Fri Sep 09, 2011 11:39 am

இப்பதான் இந்த பதிவை பார்க்குறேன், எனக்கு ரொம்ப பிடிச்ச நடிகை காந்தி மதி, அவுங்க நகைச்சுவை, குணச்சித்திர நடிப்பு இதெல்லாம் நான் ரொம்பவே ரசிச்சு பார்ப்பேன், "எடுபட்ட பயலே" இந்த வார்த்தை காந்தி மதிக்காகவே தமிழில் உள்ள வார்த்தை... விஜய் டிவி யில் வாங்க பேசலாம் வாங்க நிகழ்ச்சியில் கடைசியாய் அவரது பேட்டியை பார்த்தது, இத்தனை வயதிலும் ஒரு சின்ன குழந்தை போலவே நடந்து கொண்டார், நம் வீட்டில் இப்படி ஒரு பெண் இருக்கமாடாளா என்ற எண்ணம் இவரை காணும் ஒவ்வொரு படத்திலும் எனக்கு தோன்றும். இறப்பு இயல்பு, இழப்பு இயற்கை, இருந்தாலும் வலி வழிதான், வேதனை வேதனைதான்...