படியில் பயணம் செய்த மாணவன் பரிதாப சாவு

முஹைதீன் · முஹைதீன் Wed Sep 07, 2011 6:53 pm

>>> படியில் பயணம் செய்த மாணவன் பரிதாப சாவு!
புதன், 07 செப்டம்பர்

சிதம்பரம்: பேருந்தின் படிக்கட்டில் தொங்கியபடியே பயணம் செய்த 10ம் வகுப்பு மாணவன் தலை மின்கம்பத்தில் வேகமாக மோதியதில் அந்த இடத்திலேயே மாணவன் உயிரிழந்த சம்பவம் அங்கு பெரும் சோகத்தை ஏற்படுத்தியுள்ளது.

சிதம்பரத்தை அடுத்த வல்லம்படுகை பிரதான சாலையை சேர்ந்தவர் சந்தோஷ். இவரது மகன் ரகு என்கிற சின்னராசு (வயது20). சிதம்பரத்தில் டூடோரியல் சென்டரில் பத்தாம் வகுப்பு படித்து வந்தார். நேற்று காலை வல்லம்படுகையில் இருந்து சிதம்பரம் நோக்கி தனியார் பேருந்தில் நெரிசல் காரணமாக பின்புறத்தில் உள்ள படியில் தொங்கி கொண்டே பயணம் செய்தார். அப்போது சாலையோரத்தில் இருந்த மின்கம்பம் அருகில் பேருந்து கடந்து சென்றபோது, மின்கம்பத்தில் சின்னராசுவின் தலை வேகமாக மோதியது. இதில் தலையில் படுகாயமடைந்து, சம்பவ இடத்திலேயே பலியானார்.

அண்ணாமலைநகர் காவல்துறையினர் சின்னராசுவின் உடலத்தை கைப்பற்றி பிரேத பரிசோதனைக்காக சிதம்பரம் அரசு மருத்துவமனைக்கு அனுப்பி வைத்தனர். இந்நிலையில், வல்லம்படுகையில் பல பேருந்துகள் நிற்காமல் செல்வதால், சில பேருந்துகளில் கூட்டம் அதிகமாகி விபத்துக்கள் அதிகளவில் நடக்கின்றன. எனவே அனைத்து பேருந்துகளும் நின்று செல்லவேண்டும் என்று வல்லம்படுகை ஊராட்சி மன்ற தலைவர் கலையரசன் தலைமையில் 100க்கும் மேற்பட்ட மக்கள் அப்பகுதியில் சாலை மறியலில் ஈடுபட்டனர்.

தகவல் அறிந்து வந்த மண்டல போக்குவரத்து அதிகாரி இந்துமதி, தாசில்தார் ராஜேந்திரன் மற்றும் அண்ணாமலை நகர் காவல்துறையினர் மக்களிடம் பேச்சுவார்த்தை நடத்தினர். பேருந்துகள் நின்று செல்ல நடவடிக்கை எடுக்கப்படும் என அதிகாரிகள் கூறியதையடுத்து மக்கள் கலைந்து சென்றனர்.

இந்நேரம்.com

படியில் பயணம் செய்த மாணவன் பரிதாப சாவு

படியில் பயணம் செய்த மாணவன் பரிதாப சாவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக