குடும்பதோடு தற்கொலை செய்துகொள்ள ஆசியரிடம் மனு

சேலம்: தானும் தன்னுடைய குடும்பமும் தற்கொலை செய்து கொள்ள அனுமதிக்க வேண்டும் சேலம் மாவட்ட ஆட்சியரிடம் ஒருவர் மனு கொடுத்துள்ளது அப்பகுதியில் பெரும் பரபரப்பை ஏற்படுத்தியுள்ளது.

புத்தூர் அக்கரகாரம் பகுதியில் கால்கொலுசுக்கு மெருகு போடும் வெள்ளி பட்டறை வைத்து தொழில் செய்துவரும் தர்மலிங்கம் என்பவர் சேலம் மாவட்ட ஆட்சியர் மகரபூசனத்திடம் ஒரு மனு கொடுத்துள்ளார். அந்த மனுவில், சேலம் மாவட்டம், வீரபாண்டி பக்கம் உள்ள அரியானூரில் எனக்கு சொந்தமான ஐந்து செண்டு நிலம் உள்ளது. இந்த நிலத்தை அறியானூரில் உள்ள தி.மு.கவை சேர்ந்த ஆறுமுகம் என்பவர் போலி பட்டா தயார் செய்து எனது நிலத்தை அபகரித்துக்கொண்டார்.






இப்போது எனது நிலத்திற்குள் சென்றால் கொலை செய்துவிடுவதாக அங்குள்ள ரவுடிகளை வைத்து மிரட்டுகிறார். எனது நிலத்தில் அத்துமீறி ஆறுமுகம் வீடு கட்டி வருகிறார். இதை தடுக்க சேலம் உரிமையியல் நீதிமன்றத்தில் வழக்கும் தொடுத்துள்ளேன். இது பற்றி சேலம் மாவட்ட காவல்துறை கண்காணிப்பாளர் அவர்களிடம் புகார் கொடுத்து முறையிட்டேன்.






எனது புகாரை ஆட்டையாம்பட்டி போலிஸ் எஸ்.ஐ ராஜுவை விசாரிக்கச் சொல்லி அனுப்பினார். முதலில் அவர்களை கூப்பிட்டு மிரட்டுவது போல பேசிய எஸ்.ஐ.ராஜு பின்னர், எண்ணை கூப்பிட்டு இது பற்றி நீ யாரிடமும் போய் புகார் சொல்லக்கூடாது. மீறி வேறு யாரிடமாவது போய் சொன்னால் உன் மீது பொய் வழக்குப்போட்டு உள்ளே தள்ளிவிடுவேன் என்று மிரட்டுகிறார்.






என் சொத்தை பிடுங்கிக்கொண்டு எனக்கு மிரட்டல் விடும் ஆறுமுகம், மாதப்பன், மற்றும் எஸ்.ஐ.ராஜு ஆகியோர் மீது நடவடிக்கை எடுக்க வேண்டும் அல்லது எண்ணை குடும்பத்துடன் தற்கொலை செய்துகொள்ள எனக்கு அனுமதியளிக்க வேண்டும் என்று அந்த மனுவில் கோரிக்கை வைத்திருந்தார் தர்மலிங்கம். மனுவை பெற்ற மாவட்ட ஆட்சியர் மகரபூசணம், உடனடியாக நடவடிக்கை எடுக்கும் படி மாவட்ட காவல் கண்காணிப்பாளருக்கு உத்தரவிட்டுள்ளார்.

இந்நேரம்.கொம்