ஈகரை விதிகள் (சில) -2000 வது பதிவு -கே.பாலா

by **கே. பாலா** Tue Sep 06, 2011 11:33 pm

ஈகரை இன்பத் தேன் சோலை
இணைந்த பூக்களின் மலர்மாலை

ஈகரை இணைந்து வளம் பெறுக!
உறவை பெருக்கி நலம் பெறுக!

ஈகரை விதியை உணர்வோம் நன்றாய் !
இடறில்லை விதிப்படி நடப்போம் ஒன்றாய் !

பண்பட்ட சொற்களில் பயனர் பெயர் கொள்க !
புண்பட்ட வார்த்தைகளை புறம்கொண்டு தள்க !

இன, மொழி, மத, துவேசம் வேண்டாம்
இணக்கம் அன்பு இனிமையே வேண்டும்

மங்கையருக்கு மடலிட வேண்டா -விருப்பம்மில்லையேல்
தங்கையெனினும் தனிமடல் வேண்டா !

விளம்பரப் பதிவுகள் விரும்புவதில்லை
மீறிப் பதிவிட்டால் விளைந்திடும் தொல்லை

இரண்டொரு வரிக்காக திரி தொடங்கலாமா?
குவளை நீருக்காக குளம் வெட்டலாமா?

மாறுபட்ட கருத்துகள் மதிப்புரைகள்
வேறுபடட் சிந்தனைகள் வியக்க வைக்கும் அறிவியல்
கூறுபட்ட மாந்தர்களை கூடவைக்கும் செய்திகள்
அரட்டைகள் அனுபவங்கள் கருத்துரைகள்- கணினியுகத்
தகவல்கள் தததுவங்கள் அத்தனையும் தருக -எனினும்
எந்த தளம் எடுத்ததெனச் சொல்க !

ஈகரை இறுதியாய் சொல்வது ஒன்றே
அன்புக்கு அடிபணிவோம் நாங்கள்
வீம்புக்கு வரவேண்டாம் வேறிடம் போங்கள், !

:வணக்கம்:

500 வது பதிவு: ஈகரை உருவங்கள்
1000 வது பதிவு : ஈகரை உறவுகள்

by **சிவா** Tue Sep 06, 2011 11:39 pm

இனிமேல் விதிமுறைகள் பகுதியில் இக்கவிதையை இடம் பெறச் செய்யலாம் போலிருகிறதே பாலா சார். மிகவும் அருமையாக விதிமுறைகளைக் கவிதையாக்கியுள்ளீர்கள். பாராட்டுக்கள்.

விரைவில் நீங்கள் 3000 பதிவுகளைக் கடக்க வாழ்த்துகள். மேலும் ஒரு புதுமை ஈகரைக்குச் செய்வீர்களே, அதனால்தான்.