தூக்கம் விற்றத் திர்ஹம்ஸ்.. (ரசித்ததில் சுட்டது )

by **ஜாஹீதாபானு** Tue Sep 06, 2011 5:22 pm

கற்றதை விற்கக்
கடவுச் சீட்டுக்
கரத்தில்;
மிரட்சியில் விழிகள்;
மிரண்டது
விசாவா இல்லை
வெளியேற முடியா
மிசாவா!

முட்டியக் கண்ணீரால்
சொந்தங்களை
முகர்ந்துவிட்டு
விட்டுச் செல்கிறேன்
எல்லாவற்றையும்
எடுத்துக் கொண்டு
இதயத்தைப் பிடித்துக் கொண்டு!

கட்டிய மனைவி
கண்ணீருடன்;
ஆறுதல் சொல்ல
அருகில் சென்று
அழுதுவிட்டு நானும் வருவேன்!

உறவுகள் வாசலில்
முகாமிட;
பொங்கி வரும்
அழுகையைக்
கைக்குட்டைக்குச்
சமர்பிக்க!

கட்டி உருண்ட
நண்பர்களோ
கட்டிப்பிடித்து
என் சட்டையை நனைக்க!

கை அசைத்து
காருக்குள் நான்;
கனத்துப் போய்
வெறுத்துப் போய்;
எரியும் இமைகளை
இறுக்க மூடி;
மிச்சமுள்ளக் கண்ணீரையும்
கரைச்சேர்ப்பேன்!

உதடுத் தொட்டு
முத்தங்களை
கைப்பேசிக்குக் கொடுக்க
குதுகலிக்கும் குடும்பம்!

நகமும் சதையுமான
நண்பர்கள் நகர்ந்து
ஆளுக்கொருத் தேசத்தில்!

மச்சான் மாப்பிளே
குரல் போய்;
விரல் தொடும்
இயந்திர வாழ்க்கையில்
இணையத்தில்!

அழும் குழந்தையின் குரலை
ஆடியோவில் கேட்க;
புகைப்படம் கண்டு
பொருத்தம் பார்ப்போம்
அம்மா ஜாடையா
அத்தா ஜாடையா!

அழுது அழுது
மரத்துப்போனதால்
மறைத்துவிடுவேன்
மனைவியிடமிருந்து!

மாறி மாறி
மெய் மறைத்து;
பொய்யுறைப்போம்;
சந்தோஷம் என்று!

வலிக்கொடுக்கும்
வளைகுடாவில்
விழிப்பிதிங்கி
வழியில்லாமல்;
தூக்கம் தொலைத்து
துக்கம் அடைத்து;
திரைக் கடல் தாண்டி
திர்ஹம்ஸிர்க்காக!

-யாசர் அரஃபாத்

by **உமா** Tue Sep 06, 2011 5:25 pm

பானு,,,மன்னிக்க...வேலை அதிகம் ...அதான் உன் பதிவுகளை பார்க்க தாமதம்...
சோகம்

உண்மை நிலையை சொல்லி இருக்கு இந்த வரிகள்.பகிர்வுக்கு நன்றி.
அன்பு மலர்

திர்கம்ஸ் என்றால் என்ன ? வேலையா...

by உதயசுதா Tue Sep 06, 2011 5:33 pm

எத்தனை நிதர்சனமான வரிகள் இவை.
உலகில் அதிகம் பாவ பட்டவர்கள் இது போல உறவுகளை துறந்து வெளிநாட்டில் வந்து வேலை பார்ப்பவர்கள்.நாம் நினைப்போம் இவர்கள் எல்லாரும் சந்தோஷமாக இருக்கிறார்கள் என்று.ஆனால் ஒவ்வொருவர் மனதில் எத்தனை வலிகள்,வேதனைகள்.
குழந்தை பிறந்து இருக்கு என்று தெரிந்தாலும் சரி,பெத்தவங்களோ இல்ல மனைவிக்கோ ஏதாச்சும் அசம்பாவிதம் நடந்துள்ளது என்று தெரிந்தாலும் போக முடியாமல் கலங்கி துடிக்கும் நிறைய பேர் இங்க இருக்காங்க.வாங்குரா சம்பளம் எல்லாம் ஊருக்கு அனுப்பிட்டு ஏதாச்சும் நடக்கும்போது கையில் எதுவும் இல்லாம நண்பர்கள் கிட்ட அழுது கடன் வாங்கி இவங்க ஓடும்போது அங்க எல்லாமே முடிஞ்சு போய் இருக்கும்

by உதயசுதா Tue Sep 06, 2011 5:34 pm

உமா wrote:பானு,,,மன்னிக்க...வேலை அதிகம் ...அதான் உன் பதிவுகளை பார்க்க தாமதம்...

உண்மை நிலையை சொல்லி இருக்கு இந்த வரிகள்.பகிர்வுக்கு நன்றி.

திர்கம்ஸ் என்றால் என்ன ? வேலையா...

திர்காம்ஸ் இந்த ஊரு பணத்தோட பேரு உமா.

by **ஜாஹீதாபானு** Tue Sep 06, 2011 5:35 pm

இல்லை உமா ஐக்கிய அரபு நாடுகளில் பணத்தை திர்ஹம்ஸ் என்று சொல்லுவார்கள் நன்றி உமா

by **ஜாஹீதாபானு** Tue Sep 06, 2011 5:36 pm

உதயசுதா wrote:எத்தனை நிதர்சனமான வரிகள் இவை.
உலகில் அதிகம் பாவ பட்டவர்கள் இது போல உறவுகளை துறந்து வெளிநாட்டில் வந்து வேலை பார்ப்பவர்கள்.நாம் நினைப்போம் இவர்கள் எல்லாரும் சந்தோஷமாக இருக்கிறார்கள் என்று.ஆனால் ஒவ்வொருவர் மனதில் எத்தனை வலிகள்,வேதனைகள்.
குழந்தை பிறந்து இருக்கு என்று தெரிந்தாலும் சரி,பெத்தவங்களோ இல்ல மனைவிக்கோ ஏதாச்சும் அசம்பாவிதம் நடந்துள்ளது என்று தெரிந்தாலும் போக முடியாமல் கலங்கி துடிக்கும் நிறைய பேர் இங்க இருக்காங்க.வாங்குரா சம்பளம் எல்லாம் ஊருக்கு அனுப்பிட்டு ஏதாச்சும் நடக்கும்போது கையில் எதுவும் இல்லாம நண்பர்கள் கிட்ட அழுது கடன் வாங்கி இவங்க ஓடும்போது அங்க எல்லாமே முடிஞ்சு போய் இருக்கும்

நிஜம் தான் சுதா சோகம்

by உதயசுதா Tue Sep 06, 2011 5:36 pm

ஜாஹீதாபானு wrote:இல்லை உமா சவுதியில் பணத்தை திர்ஹம்ஸ் என்று சொல்லுவார்கள் நன்றி உமா

இல்ல பானு ஐக்கிய அரபு எமிரடெஸ்ல திர்காம்ஸ்.சௌதில ரியால்

by dsudhanandan Tue Sep 06, 2011 5:38 pm

ஜாஹீதாபானு wrote:இல்லை உமா சவுதியில் பணத்தை திர்ஹம்ஸ் என்று சொல்லுவார்கள் நன்றி உமா

உங்களவர் திர்ஹம்ஸ் அனுப்ப ஆரம்பிச்சாச்சா? சிரி

by **ஜாஹீதாபானு** Tue Sep 06, 2011 5:40 pm

dsudhanandan wrote:
ஜாஹீதாபானு wrote:இல்லை உமா சவுதியில் பணத்தை திர்ஹம்ஸ் என்று சொல்லுவார்கள் நன்றி உமா

உங்களவர் திர்ஹம்ஸ் அனுப்ப ஆரம்பிச்சாச்சா?

இப்போ தான ஒரு வாரமா போறாங்க அதுக்குள்ள எப்படி அனுப்ப முடியும் புன்னகை

by **ஜாஹீதாபானு** Tue Sep 06, 2011 5:41 pm

உதயசுதா wrote:
ஜாஹீதாபானு wrote:இல்லை உமா சவுதியில் பணத்தை திர்ஹம்ஸ் என்று சொல்லுவார்கள் நன்றி உமா
இல்ல பானு ஐக்கிய அரபு எமிரடெஸ்ல திர்காம்ஸ்.சௌதில ரியால்

அப்படியா அரபு நாடுன்னு மாத்திறேன் நன்றி சுதா சூப்பருங்க