ஒரு தீண்டாமை கொடுமை கிராமம் - ஒழிப்பு நடவடிக்கை

by **சிவா** Tue Sep 06, 2011 3:31 pm

பெரம்பலூரில் இருந்து அரியலூர் செல்லும் வழியில் 10 கிலோமீட்டர் தொலைவில் இருக்கிறது பேரளி கிராமம். இங்கு காலம்காலமாக தீண்டாமை கடைபிடிக்கப்பட்டு வருகிறது.

தலித் அல்லாத தெருக்களில் தலித் மக்கள் சைக்கிள் மற்றும் எந்த வாகனங்களிலும் ஏறிச்செல்ல ஊர் கட்டுப்பாடு இருக்கிறது.

தெருமுனை வந்ததுமே தலித் மக்கள் வாகனத்தில் இருந்து இறங்கிக்கொள்ள வேண்டும். வாகனத்தை தள்ளிக்கொண்டே செல்ல வேண்டும். தெருவை கடந்ததும் வாகனத்தில் ஏறிக்கொள்ள வேண்டும்என்கிற நிலை இருக்கிறது.

இந்த கட்டுப்பாட்டை மீறினால் கடுமையாக மிரட்டப்படுகிறார்கள்.

இது போன்று டீக்கடைகளிலும், ஓட்டல்களிலும் டீ குடிக்க தனித்தனி குவளை வைக்கப்பட்டிருக்கிறது. தலித் அல்லாதவர்கள் டீ குடித்த குவளையை கழுவாமல் வைத்துவிட்டு போகலாம். ஆனால், தலித் மக்கள் குவளையை கழுவி வைத்து விட்டுத்தான் செல்ல வேண்டும்.

இதே போல் டிபன் சாப்பிட வந்தாலும், தலித் மக்கள் பெஞ்சில் அமர்ந்து சாப்பிட அனுமதி இல்லை. தரையில் உட்கார்ந்துதான் சாப்பிட வேண்டும். தலித் அல்லாதவர்கள் பெஞ்சில் அமர்ந்து சாப்பிடுவர்.

கோயில்களுக்குள் செல்லவும் தலித் மக்களுக்கு அனுமதி இல்லை.

இது போன்ற பிரச்சனைகளால்/ கட்டுப்பாடுகளால் அவ்வப்போது இரு தரப்பினருக்கும் சலசலப்பு வரும். அதிகாரிகளும் அப்போதைக்குக் வந்து சரி செய்வார்கள்.

சமீபத்தில் இந்த பிரச்சனை மீண்டும் விஸ்வரூபம் எடுத்துள்ளது. இதையடுத்து காவல்துறை, வருவாய்துறை அதிகாரிகள் இந்த கிராமத்தை முற்றுகையிட்டு நேரடி விசாரணை மற்றும் ரகசிய விசாரணை நடத்தியுள்ளன்ர்.

நேற்று 5.9.2011 தலித் அல்லாத முக்கியஸ்தர்களை அழைத்து பெரம்பலூர் கோட்டாட்சியர் ரேவதி, பேச்சுவார்த்தை நடத்தினார்.

அதன்பிறகு இன்று காலையில் பேரளி கிராமத்திற்கு சென்ற கோட்டாட்சியர், தலித் மக்களை சந்தித்து பேசினார். இனி உங்களுக்கு விதிக்கப்பட்டிருக்கும் கட்டுப்பாடுகளை நினைத்து வருந்தத்தேவையில்லை.

இனி நீங்கள் அந்த தெருக்களில் செல்லும்போது வாகனத்தில் ஏறிச்செல்லாம். பெஞ்சில் அமர்ந்து டிபன் சாப்பிடலாம் என்று கூறியுள்ளார்.

தீண்டாமை ஒழிந்து இந்த நிலை தொடருமா? இல்லை வேதாளம் முருங்கை மரம் ஏறிய கதையாக மீண்டும் தீண்டாமை தலைக்தூக்குமா? என்பதுதான் சமூக ஆர்வலர்களில் கேள்வியாக இருக்கிறது.

நக்கீரன்

by **சிவா** Tue Sep 06, 2011 3:31 pm

by **சிவா** Tue Sep 06, 2011 3:31 pm

by **சிவா** Tue Sep 06, 2011 3:32 pm

by kitcha Tue Sep 06, 2011 4:02 pm

ஒரு தமிழன் இன்னொரு தமிழனை என்று தமிழனாக பார்க்கிறானோ, நினைக்கிறானோ அன்று தான் இதற்கு ஒரு முடிவு வரும்.

(இப்படி ஒரு நல்ல நிலமை வந்துவிட்டால் எப்படி அரசியல் நடத்த முடியும் என்று அரசியல் தலைவர்கள் எங்கோ முணுமுனுப்பது கேட்கிறது )

by உதயசுதா Tue Sep 06, 2011 4:04 pm

இன்னுமா தீண்டாமை எனும் கொடுமை இருக்கிறது?இதற்கு அரசு தக்க நடவடிக்கை எடுக்க வேணும்

by kitcha Tue Sep 06, 2011 4:10 pm

உதயசுதா wrote:இன்னுமா தீண்டாமை எனும் கொடுமை இருக்கிறது?இதற்கு அரசு தக்க நடவடிக்கை எடுக்க வேணும்

என்ன இப்படி கேட்டுவிட்டீர்கள், நீங்கள் தமிழ் நாட்டில் அதிகமான இடங்களை சுற்றிப் பார்த்ததில்லை என்று நினைக்கிறேன் .

by உதயசுதா Tue Sep 06, 2011 4:13 pm

kitcha wrote:
உதயசுதா wrote:இன்னுமா தீண்டாமை எனும் கொடுமை இருக்கிறது?இதற்கு அரசு தக்க நடவடிக்கை எடுக்க வேணும்

என்ன இப்படி கேட்டுவிட்டீர்கள், நீங்கள் தமிழ் நாட்டில் அதிகமான இடங்களை சுற்றிப் பார்த்ததில்லை என்று நினைக்கிறேன் .

உண்மைதான் கிச்சா,தமிழ் நாட்டில் எனக்கு கல்யாணத்துக்கு முன்னாடி திருச்சி,கல்யாணத்துக்கு அப்புறம் பொன்னமாரவாதி,மதுரை தான் தெரியும்

by சாவித்ரி Tue Sep 06, 2011 4:22 pm

kitcha wrote:ஒரு மனிதன் இன்னொரு மனிதனை என்று மனிதனாக பார்க்கிறானோ, நினைக்கிறானோ அன்றுதான் இதற்கு ஒரு முடிவு வரும்.

(இப்படி ஒரு நல்ல நிலமை வந்துவிட்டால் எப்படி அரசியல் நடத்த முடியும் என்று அரசியல் தலைவர்கள் எங்கோ முணுமுனுப்பது கேட்கிறது )

இந்தியா முழுதும் தீண்டாமை உள்ளது, தெற்கைவிட வடக்கில் அதிகம், இன்னும் விசாலமாக பார்த்தால் உலகம் முழுதும் தீண்டாமை உள்ளது, எனவே தங்கள் மறுமொழியில் ஒரு சிறிய திருத்தம் செய்துள்ளேன்.

by kitcha Tue Sep 06, 2011 4:34 pm

சாவித்ரி wrote:
kitcha wrote:ஒரு மனிதன் இன்னொரு மனிதனை என்று மனிதனாக பார்க்கிறானோ, நினைக்கிறானோ அன்றுதான் இதற்கு ஒரு முடிவு வரும்.

(இப்படி ஒரு நல்ல நிலமை வந்துவிட்டால் எப்படி அரசியல் நடத்த முடியும் என்று அரசியல் தலைவர்கள் எங்கோ முணுமுனுப்பது கேட்கிறது )

இந்தியா முழுதும் தீண்டாமை உள்ளது, தெற்கைவிட வடக்கில் அதிகம், இன்னும் விசாலமாக பார்த்தால் உலகம் முழுதும் தீண்டாமை உள்ளது, எனவே தங்கள் மறுமொழியில் ஒரு சிறிய திருத்தம் செய்துள்ளேன்.

என்னுடைய பின்னூட்டத்தை நீங்கள் திருத்த நினைத்தால்,அதில் ஏதாவது தவறு இருக்க வேண்டும் அது இல்லாத பட்சத்தில், நீங்கள் வேற ஏதாவது சொல்ல நினைத்தால், அந்த வார்த்தையை மேற்கோள் இட்டு உங்கள் எண்ணத்தை பின்னூட்டம் இடுங்கள்.ஆனால் நீங்கள் என்னுடைய பின்னூட்டத்தை திருத்தியது தவறு.

ஒரு தமிழன் இன்னொரு தமிழனை என்று தமிழனாக பார்க்கிறானோ, நினைக்கிறானோ அன்றுதான் இதற்கு ஒரு முடிவு வரும்.
முதலில் நம்ம தமிழ் நாட்டில் உள்ள பிரச்சனையை தீர்க்கலாம். அதற்குப் பின் மற்றவை (ஒரு மலையாளி இன்னொரு மலையாளியை ஜாதி வெறி கொண்டு பார்ப்பது இல்லை, ஒரு மலையாளியாகவே பார்க்கிறான்)