வசூலில் சாதனை படைக்கும் பாடிகார்ட்

jesudoss · jesudoss Tue Sep 06, 2011 11:42 am

சல்மான்கானின் பாடிகார்ட் படம் தொடர்ந்து வசூல் சாதனையை அள்ளிக் கொண்டுள்ளது.
முதல் நாள் வசூலில் சாதனை படைத்த இப்படம் பாலிவுட்டின் பல வசூல் சாதனைகளை முறியடித்துக் கொண்டுள்ளது.

சூப்பர் ஸ்டார் ஷாருக்கானின் வெளிநாட்டுப் பட வசூல் சாதனையை பாடிகார்ட் முறியடித்துள்ளது.

இங்கிலாந்தில் ஷாருக்கானின் மை நேம் இஸ் கான் படம் முதல் நாள் வசூலாக 1,91,000 பவுண்டுகளை வசூலித்திருந்தது. தற்போது இந்த சாதனையை முறியடித்துள்ள பாடிகார்ட் படம். முதல் நாள் வசூலாக 1,94,000 பவுண்டுகளை அள்ளியுள்ளது.

மேலும் மத்திய கிழக்கிலும் மிகப் பெரிய வசூலை நோக்கி போய்க் கொண்டிருக்கிறது பாடிகார்ட். முதல் இரு நாட்களில் மட்டும் இப்படம் 10.6 லட்சம் டொலர்களை வசூலித்துள்ளது.

இதற்கு முன்பு வெளியான சல்மானின் தபங் படத்தின் முதல் இரு நாள் வசூல் 10.7 லட்சம் டொலர்கள் என்பது குறிப்பிடத்தக்கது.

சர்வதேச அளவில் சல்மானுக்கு மிகப் பெரிய மார்க்கெட் மதிப்பை பாடிகார்ட் தேடிக் கொடுக்கப் போவதாக பாலிவுட்டில் கூறுகின்றனர்.

கரீனா கபூருடன் ஜோடி சேர்ந்து நடித்துள்ள சல்மான் கானின் பாடிகார்ட் படம் அமெரிக்காவில் 30.8 லட்சம் டொலர்களை இதுவரை வசூலித்துள்ளது. தபங் படம் அமெரிக்காவில் 50 லட்சம் டொலர்களை வசூலித்தது. ஆனால் பாடிகார்ட் அதையும் முந்தும் என்கிறார்கள்.