தாய்மை,பெண்மை மதிக்கப்படவேண்டியதே..!!

நம் சமூகத்தில் பெண்கள் என்பவர்கள் எவ்வாறு நோக்கப்படுகிறார்கள். அவர்கள் மனதை புரிந்து நாம் செயற்படுகிறோமா! பெற்ற தாயை மதிக்கிறோம் அவள் நம்மை பத்துமாதம் சுமந்து பெற்றதால், சகோதரிகளை மதிக்கிறோம் நம்முடன் கூடப்பிறந்தவள் என்பதால், மனைவியை மதிக்கிறோம் நம்முடனே கூடவே வாழ்பவள் என்பதால். மற்ற பெண்கள் விடயத்தில் நம் பார்வை எவ்வாறிருக்கிறது.

பெண்களை காமப்பொருளாகவே பார்க்காதீர்கள், அதையும் தாண்டி அவர்களிடம் ஓர் புனிதம் இருக்கிறது! அதுதான் தாய்மை. அதை மதிக்காவிட்டாலும் கலங்கம் செய்யாமல் இருக்கலாமே. பெண்களின்றி இவ்வுலகில் இன்பமேது, அழகேது, நாமேது. அவர்களையும் சாதாரணமானவர்களாகவே பாருங்கள். ஆண்களை போலவே அவர்களுக்குள்ளும் உணர்வுகள் உண்டு, ஆசைகள் உண்டு குடும்பத்தை வழிநடத்தும் காப்பாற்றும் கடமையும் உண்டு. அதை மதியுங்கள் போற்றுங்கள். அவர்களுக்குரிய பாதுகாப்பை வழங்குங்கள். ஆண்களிடத்தில் வேறொன்றும் அவர்கள் பெரிதாய் எதிர்பார்ப்பதில்லை!

நமது வாழ்க்கையின் ஒவ்வொரு கால கட்டத்திலும் பெண்களுடனே ஒன்றித்து வாழ்கிறோம். பிறந்ததும் தாய் மடி வளர்கையில் சகோதரிகள் அரவனைப்பு. வளர்ந்து மணந்தபின் மனைவியின் பாசம், வயதானவுடன் பிள்ளைகள் பேரக்குழந்தைகள் அன்பு. பெண் தொடர்பில்லாமல் நம் வாழ்கை நினைத்தும் பார்க்க முடியாதது.. எல்லோரையும் தாயாக சகோதரியாக பார்க்க வேண்டுமென்பதில்லை. அது சாத்தியமுமில்லை.. ஒரு சக மனிதராக மனுசியாக மதித்தாலே போதும்..!
அன்மையில் நான் பேஸ்புக்கில் வாசித்த வசனகவிதையொன்று இங்கே. . புல்லட் பாண்டி என்பவருக்கு சொந்தமானது.

மதிலை தாண்டி
அழகாய் பெரிதாய் வளர்ந்திருக்கும்
செம்பருத்தம் பூவின் செடி.
கிணற்றடில் இருந்து நீர் இறைத்து
இரு கையிலும் குடம் பிடித்து
எல்லா செடிகளுக்கும் நீர் இறைப்பது
எனது காலை வேலை.
இன்றும் செம்பருத்தம் பூக்கள்
அழகாய் அதிகமாய் பூத்திருக்கின்றன
வழக்கம் போல் நீர் ஊற்றும்
வேலையில் நான் இருந்தேன்.
"மாமி ........." .....ம் வந்துவிட்டாள் எதிர்வீடு ராட்சசி
"என்னம்மா........ ."
"பூ வேணும் மாமி...... "
" பறிச்சிகோ.........ஏலே...பாண்டி ...பறிச்சிகுடு "
"எத்தனை வேணும் ......".......இது நான்
"எல்லாம் பறிச்சி குடுடா ....".......அம்மா.
வெறுப்புடன் எல்லாம் பறித்து நீட்ட
அவள் தாவணியில் ஏந்தி கொண்டாள்
கோபமும் வெறுப்புமாய் இருந்தது
அப்பொழுது எனக்கு தெரியாது
" செம்பருத்தி பூ ........மாதவிலக்கிற்கு
சிறந்த மருந்து என்றோ.....அல்லது
பல மண பொடியுடன் செம்பருத்தியும்
கருவேப்பிலையும் தேங்காய் எண்ணெயில்
.சேர்த்து காய்த்து தலைக்கு தடவினால்
நன்கு முடிவளரும் என்றோ ..........."
காலம் தான் சில விசயத்திற்கு
பதில் தருகிறது..!


ரியாஸ் வலைப்பூவில் இருந்து ...

ஒரு சக மனிதராக மனுசியாக மதித்தாலே போதும்..!

பெண்ணை மதிக்க வேண்டும், சக உயிராய் பார்க்க வேண்டும் என்ற உணர்வு குடும்பம்> பள்ளி> கல்லூரி> அலுவலகம்> சமூகம் என்ற வரிசையில் ஒவ்வொருவருக்கும் தொடர்ந்து அறிவுறுத்தப்பட்டுக் கொண்டே இருக்க வேண்டும் என்பது என் எண்ணம். ஒரு குழந்தைக்கு முதல் உறவு குடும்பம்தான், குடும்பம் முதல் சமூகம் வரை தன்னை சுற்றி உள்ளோர் பெண்ணை மதிப்பதை கண்டாலே ஒரு ஆணுக்கு பெண்ணை மதிக்க வேண்டும் என்ற எண்ணம் தாமாய் தோன்றிவிடும். ஆணை பெண்ணோ பெண்ணை ஆணோ எதிரியாய், அடிமையாய், அடக்குபவராய் பார்த்தல் கூடாது. உங்கள் நண்பராய், தோழியாய் பாருங்கள். அதுவே அனைத்து மாற்றத்திற்கும் முன்னோடி. அருமையான தலைப்பில் நல்ல பதிவை பகிர்ந்த திரு. புரட்சி அவர்களுக்கு எனது மனமார்ந்த நன்றிகள்.

செய்தித் தாளில் பார்த்தால் எத்தனையோ பேரின் வாழ்க்கை தவறான பாதைகளில் பயணம் செல்கிறது.காரணம் காமம்.காமம் தான் பலரது கண்களில் உள்ளது.



பெண்களை மதிக்கும் குணம் பற்றி இக்காலத்தில் கற்பிக்க வேண்டிய கற்றுக் கொடுக்க வேண்டிய ஒரு விஷயம்.



நல்ல அருமையான பதிவு.நன்றி புரட்சி