இயற்கை காதலன்

Ilayaprabha · Ilayaprabha Mon 14 Mar 2022 - 14:12

கொஞ்சம் இயற்கையையும் காதலியுங்கள்..
கொஞ்சும் இயற்கையை காதலியுங்கள்...

பாதத்தோடு மட்டும்பேசும்
பச்சைப்பசும் புல்வெளி ..
ராகத்தோடு ராவைக்கழிக்க
நல்லதொரு திறந்தவெளி...

வானமகன் தந்ததூதை
பூமிமகள் காதில்சேர்க்க..
தபால்காரராய் தந்தியோடு
தவழ்ந்துவரும் வெள்ளிமேகம்..

பிக்காசோவின் ஓவியத்தை
பின்னிழுக்கும் அந்தி..
அந்திமறைய அவதரிக்கும்
அழகுமகள் நிலவு...

நெஞ்சோடு சாய்ந்துகொண்ட
நேசமிகு குமரிபோல..
ஆடைக்குள் ஊடுறுவி
அங்கம்தொடும் தென்றல்...

இன்னிசை நிறுத்திவிட்டு
இதழிசையில் காதல்பறவைகள்..

️
மெல்லிசையாய் தொலைவிலிருந்து
மிதந்துவரும் ரீங்காரம்...

சமைந்த குமரியின்
வளைந்த இடைபோல..
வளைத்து அணைக்கச்சொல்லி
வற்புறுத்தும் இயற்கை...

கண்ணிப் பெண்ணொருத்தி
கண்கள் சிமிட்டுவதாய்..
அவ்வப்போது வானத்தில்
அவதரிக்கும் மின்னல்...

️

ஒற்றைக்காலில் தவமிருந்தும்
ஒருவரமும் கிட்டாமல்
தனக்கேஉரித்தான தாய்மொழியில்
திட்டிப்புழம்பும் கொக்கு...🦩

இந்தக்காட்சி பார்க்கும்போது
என்னுடைய மனதுதுள்ளும்..
தவழ்ந்துஎழுந்து ஓடிவரும்
தாயைப்பார்த்த பிள்ளைபோல...

என்றும் அன்புடன்

இளையபிரபா. Am

**T.N.Balasubramanian** · **T.N.Balasubramanian** Mon 14 Mar 2022 - 17:21

வாழ்த்துகள் பல.
உள்ளங்கள் உவக்கும் உவமைகள்
உங்களது சொந்த கவிதை எனக் கூறினால்
சொந்த கவிதை பகுதிக்கு மாற்றிவிடுகிறேன்.

@Ilayaprabha

புதியவர் --அன்புடன் ஈகரை உங்களை வரவேற்கிறது.
அறிமுகப்பகுதிக்கு சென்று உங்களை அறிமுகம் செய்துகொண்டு
உங்களை பற்றிய மேலதிக தகவல்களை பகிர்ந்துகொள்ளுங்கள்.