லங்காஸ்ரீ இணையத்தின் புதிய திட்டம் தமிழ் மக்களே விழிப்பாக இருங்கள் !

தலைப்பின் பிரகாரம் நிதியுதவி அளிக்கப்பட்டுள்ளதாக பிரசுரிக்கப்பட்டுள்ளது.மேலும் என்பதை கிளிக் செய்து முழுமையான செய்தியை பார்க்கும் பொழுது “சுவிஸில் உள்ள அன்புத்துளிர் நிறுவனம் ஊடாக லங்காசிறி இணையத்தளம் தாயகத்தில் பாதிக்கப்பட்ட மக்களுக்கு 1.3 மில்லியன் ரூபா நிதியுதவி வழங்கவுள்ளது.” “இந்த நிறுவனம் ஊடான சேவைகளின் முதற்கட்டமாக வடக்கு கிழக்கு மாகாணங்களில் கடுமையாகப் பாதிக்கப்பட்ட மக்களுக்கு உதவியளிக்கவென லங்காசிறி இணையத்தளம் 1.3 மில்லியன் ரூபா வழங்க முன்வந்துள்ளது.”இச் செய்தியின் பிரகாரம் இன்னமும் நிதி வழங்கப்படவில்லை.இதுவரை காலமும் லங்காஸ்ரீ இணையதளத்தின் இயக்குனரின் சகோதரர் ஸ்ரீதரன்(பாராளுமன்ற உறுப்பினர்)அவர்களின் மூலமே வாட்டர் பம்,சைக்கிள்,மற்றும் சிறு உதவித்தொகை என்பவற்றை குறிப்பிட்ட பகுதி மக்களுக்கு ( கிளிநொச்சி,வட்டக்கச்சி)கையளிக்கும் வைபவங்களை படம்பிடித்து முக்கிய செய்தியாக பிரசுரித்த லங்காஸ்ரீ இப்பொழுது மற்றுமொரு புதிய வழியை கண்டுபிடித்துள்ளது.

ஸ்ரீதரன் எம் பி அவர்களை கைகழுவிவிட்டு அன்புத்துளிர் நிறுவனம் ஊடாக பெரிய தொகையினை தாயக உறவுகளுக்கு உதவ முன்வந்துள்ளதாம்.வரவேற்கத்தக்கது ஆனால் இந்த தொண்டு நிறுவனம் எந்தளவு நம்பகத்தன்மை கொண்டது என்பதுதான் கேள்விக்குறியாக உள்ளது.அன்புத்துளிர் நிறுவனத்திற்கும் இவர்களுக்கும் என்ன தொடர்பு என்ற கேள்வியும் அன்புத்துளிர் நிறுவனம் யாரால் இயக்கப்படுகின்றது என்ற கேள்வியும் இங்கே எழுகின்றது.அன்புத்துளிர் தொண்டு நிறுவனம் பற்றிய விபரங்களை நாங்கள் பார்க்கின்ற பொழுது அதில் வரும் தொடர்புக்கான விலாசமும் லங்காஸ்ரீ இணைய நிறுவனரின் விலாசமும் ஒரே விலாசமாகும்.

அன்புத்துளிர் என்கின்ற தொண்டு நிறுவனத்தை லங்காஸ்ரீ நிறுவனம் ஆரம்பித்துள்ளதாக மக்களுக்கு விபரமாக என் செய்தியை பிரசுரிக்கவில்லை.பல பதிவு செய்யப்பட்டுள்ள தொண்டு நிறுவனகள் தமது சேவையை தொடர்ந்தும் மக்களுக்கு வழங்கி வருகின்ற நிலையில் எதற்காக புதிது புதிதாக தொண்டர் நிறுவனங்கள் என்ற கேள்வியும் மக்களின் மத்தியில் விடைதெரியாத வினாவாகவே மாறிவிட்டது.மரணத்தில் உயிர் வாழும் மேல் குறிப்பிட்ட இணையத்தளம்,உயிர் வாழும் தமிழரையும் ஏமாற்ற முனைவது போல ஒரு ஐயம் மக்கள் மத்தியில் தோன்றியுள்ளது.

லங்காஸ்ரீ இணையத்தில் விளம்பரத்திற்கான தொலைபேசி இலக்கங்கள் பல ஆனால் அன்புத்துளிர் தொண்டு நிறுவனத்திற்கான தொடர்புகளுக்கான இலக்கமாக கைத்தொலைபேசி இலக்கம் மட்டும் உள்ளது.இதைவிட முக்கியமான விடயம் என்னவென்றால் ஒரு தொண்டுநிறுவனம் ஆரம்பிக்கும் பொழுது அந்த நாட்டு சட்ட விதிமுறைகளுக்கு ஏற்ப பதிவு செய்யப்பட்டு அரசால் அங்கீகாரம் பெற்ற பதிவு இலக்கமும் விளம்பரத்தின் பொழுது இணையத்தில் உறுதிப்படுத்த வேண்டும்.அன்புத்துளிர் இணையத்தில் பார்த்தால் அதற்க்கான ஆதாரங்கள் எதுவுமே இல்லை.இதை மக்கள் மிகவும் அவதானமாகவும் உன்னிப்பாகவும் கவனிக்க வேண்டிய விடயமாகும்.


இச்செய்தியை வெளியிட்ட லங்காஸ்ரீ இணையம் தனது இணையத்தின் விளம்பரத்துக்கு என்றில்லாமல் இத்தொகையினால் பலனடைந்த எமது உறவுகளை ஆதாரத்துடன் நிருபிப்பர்கள் என நம்புகின்றோம்.இந்த பெரிய தொகை பணத்தில் வடக்கு கிழக்கு மக்கள் எந்த அளவிற்க்கு பலனடைந்துள்ளனர் என்பதை பொறுத்திருந்து பார்போம்.தெரிவிப்பது நாமாக இருந்தாலும் தீர்மானிப்பது உறவுகளாகிய புலம் பெயர் தமிழர்கள் நீங்களே!!!

நன்றி.
ஈ தமிழ் நியூஸ்

ஒரு பிரபல தமிழ் கருத்துகள உரிமையாளரின் பெயரில் காம உலகம் என்ற இணையத் தளமும் செயல்படுகிறது.

இதெல்லாம் பணம் சம்பாதிக்க இவர்கள் போடும் இரட்டை வேடங்கள்.

பாலும் கல்லும் அருகருகே பகுத்தறிந்து பருகுவது பயனரின் திறமை