சிக்காத கணம் வரை....

by **rameshnaga** Sun Sep 04, 2011 7:13 pm

மசூதித் தெரு "பள்ளி வாசலை"க் கடக்கையில்..
அனிச்சையாய் சொல்லிக் கொள்கிறேன்...
"இன் ஷா அல்லாஹ்".

மாதா கோவிலைக் கடக்கையிலும் இப்படித்தான்.
"கர்த்தருக்குத் தோத்திரம்" சொல்லி..
சிலுவைக் குறியிட்டுக் கொள்கிறேன்.

சிவன், பெருமாள், பிள்ளையார் ..
கோவில்களைக் கடக்கும் போதோ...
தோப்புக்கரணமோ..சேவித்தலோ..
அனிச்சையாய்ச் செய்கிறேன்.

ஒரே கடவுளைத்தான் பார்க்கிறேன்...
எல்லா இடங்களிலும்..
சில சிலந்திகளின் வலையில்
சிக்காத வரை.