“ஆலங்கட்டி மழை” தெரிந்தும் தெரியாத தகவல்கள்!

puthiyaulakam · puthiyaulakam Thu Sep 01, 2011 9:08 pm

வானில் இருந்து பனிக்கட்டிகளாகப் பொழிவது `ஆலங்கட்டி மழை’ எனப்படுகிறது. நம் ஊரிலும் சாதாரண மழையோடு மழையாக `ஆலங்கட்டிகள்’ விழுவதைப் பார்த்திருக்கலாம். ஆலங்கட்டிகள் எப்படி உருவாகின்றன? கோடை காலத்தில் நிலத்துக்கு அருகே உள்ள காற்றானது நிலத்தைவிட்டு உயரே இருக்கும் காற்றைவிட அதிக சூடாக்கப்படுகிறது. அவ்வாறு சூடாக்கப்பட்ட காற்று மேல்நோக்கிச் செல்ல முனைகிறது. அப்போது அக்காற்று, வானில் மேலும் கீழுமாகப் பல தடவைகள் செல்கிறது. அவ்வாறு மேலே செல்லும் காற்று அதிக உயரத்தை அடைந்து, அங்கு உறைவெப்பநிலை நிலவுவதால் சிறுபனிக்கட்டிப் படிகங் களாக மாறுகிறது.பின்னர் அந்தப் பனிக்கட்டிப் படிகங்கள் மேலிருந்து கீழாகச் சூடான காற்றினூடே விழுவதால் அவற்றைச் சுற்றி நீர் படிய ஆரம்பிக்கிறது. மேலே எழும் காற்று மறுபடியும் அவற்றை மிகவும் குளிர்ந்த நிலையில் தூக்கிச் செல்வதால், முன்பிருந்த பனிக்கட்டிப் படிகத்தின் மேல் இன்னுமொரு பனி ஏடு உருவாகிறது.
இவ்வாறு சூடானதும், குளிர்ந்தும் உள்ள காற்றுக்கிடையே மேலும், கீழுமாகப் பலமுறை தூக்கிச் செல்லப்படுவதால் அனேக பனி ஏடுகள் ஒன்றன் மேல் ஒன்றாகப் படிந்து கடைசியில் பெரிய ஆலங்கட்டியாக மாறுகின்றன. அவ்வாறு பெரிதாகிக் கொண்டே செல்லும்போது, அவற்றின் எடை அதிகரித்துக்கொண்டே சென்று, வானில் தாங்க முடியாத நிலையில் ஆலங்கட்டியாகப் பூமியின் மேல் விழுகின்றன. அதிகாரப்பூர்வமான கணக்குப்படி மிகப் பெரிய ஆலங்கட்டி, 1928-ம் ஆண்டு ஜுலை மாதம் 6-ம் தேதி `நெப்ராஸ்கா’வில் விழுந்துள்ளது. அதன் சுற்றளவு 17 அங்குலங்கள். எடை ஒன்றரை பவுண்டுகளாகும். இந்தியாவில் 1888-ம் ஆண்டு மொராதாபாத்தில் பெய்த ஆலங்கட்டி மழையில் 250 பேர் உயிரிழந்தனர்.
“ஆலங்கட்டி மழை” தெரிந்தும் தெரியாத தகவல்கள்! Hail-2-RF-CD

“ஆலங்கட்டி மழை” தெரிந்தும் தெரியாத தகவல்கள்! Hail-2-RF-CD

http://puthiyaulakam.com/?p=6700

**இளமாறன்** · **இளமாறன்** Fri Sep 02, 2011 1:30 am

நல்ல தகவல் நன்றி

அடிக்கடி இந்த மழையில் அடி வாங்குறேன் அழுகை

**krishnaamma** · **krishnaamma** Fri Sep 02, 2011 1:45 pm

இளமாறன் wrote:நல்ல தகவல் நன்றி

அடிக்கடி இந்த மழையில் அடி வாங்குறேன்

ஓ... பிரான்சில் நிறைய இந்த மழை பெய்யுமா?

நான் பலமுறை பார்த்துள்ளேன் என்றாலும், சௌதி இல் பார்த்தது பெரிய அளவுள்ள பனிக்கட்டிகள் புன்னகை

எனக்கும் கிருஷ்ணா கும் ரொம்ப ஜாலியா போச்சு, வீடியோ எடுத்தோம் புன்னகை

**krishnaamma** · **krishnaamma** Fri Sep 02, 2011 1:46 pm

தகவ்ல் பகிர்ந்தமைக்கு நன்றி புன்னகை

ரேவதி · ரேவதி Fri Sep 02, 2011 1:47 pm

நான் இதுவரை இதை பார்ததே இல்லை அழுகை

**krishnaamma** · **krishnaamma** Fri Sep 02, 2011 1:59 pm

ரேவதி wrote:நான் இதுவரை இதை பார்ததே இல்லை

மெட்ராஸ் இல் கூட பலமுறை வந்துள்ளது, மழை துவங்கும் முன் சில சமையம் சில நிமிடங்கள் "சட சட' வென கற்க்கள் போல விழும் பிறகு மழை துவங்கும். நான் சொன்னது போல சௌதி இல் அந்த சமையத்தில் கார்கள் மேல் இந்த ஆலம்கட்டிகள் விழுந்ததில் 'கார்கள் டெண்ட்' ஆகிவிட்டன சோகம்

சிலரின் கண்ணாடிகள் உடைந்து விட்டது. அவ்வளவு 'force' ஆக விழும். தலை இல் விழுந்தால் சிலசமையம் வலிக்கும் புன்னகை

**இளமாறன்** · **இளமாறன்** Fri Sep 02, 2011 2:11 pm

krishnaamma wrote:
இளமாறன் wrote:நல்ல தகவல் நன்றி

அடிக்கடி இந்த மழையில் அடி வாங்குறேன்

ஓ... பிரான்சில் நிறைய இந்த மழை பெய்யுமா? நான் பலமுறை பார்த்துள்ளேன் என்றாலும், சௌதி இல் பார்த்தது பெரிய அளவுள்ள பனிக்கட்டிகள் எனக்கும் கிருஷ்ணா கும் ரொம்ப ஜாலியா போச்சு, வீடியோ எடுத்தோம்

அடிக்கடி விழுகிறது ..கார் கண்ணாடிகள் கூட நொறுங்குகிறது ... இதனால் அதிகம் பாதிக்க பாடுபவர்கள் விவசாயிகள் தான் ஆப்பிள் திராட்சை அதிகம் படிக்க படுகின்றன

dsudhanandan · dsudhanandan Fri Sep 02, 2011 2:12 pm

நான் ஆலங்கட்டி மழையை ரசித்துள்ளேன்... அது ஒரு மழைக்காலம் @ ஊட்டி என் பள்ளிபருவத்தில்...

**krishnaamma** · **krishnaamma** Fri Sep 02, 2011 2:20 pm

இளமாறன் wrote:
krishnaamma wrote:
இளமாறன் wrote:நல்ல தகவல் நன்றி

அடிக்கடி இந்த மழையில் அடி வாங்குறேன்

ஓ... பிரான்சில் நிறைய இந்த மழை பெய்யுமா? நான் பலமுறை பார்த்துள்ளேன் என்றாலும், சௌதி இல் பார்த்தது பெரிய அளவுள்ள பனிக்கட்டிகள் எனக்கும் கிருஷ்ணா கும் ரொம்ப ஜாலியா போச்சு, வீடியோ எடுத்தோம்

அடிக்கடி விழுகிறது ..கார் கண்ணாடிகள் கூட நொறுங்குகிறது ... இதனால் அதிகம் பாதிக்க பாடுபவர்கள் விவசாயிகள் தான் ஆப்பிள் திராட்சை அதிகம் படிக்க படுகின்றன

ஓ.. இதனால் பயீர்களும் பதிக்கப்படுமா? அதிர்ச்சி

பாவம் தான் சோகம்

நாம வேடிக்கை பார்க்க நல்ல இருக்கு, அவர்களுக்கு வாழ்வாதாரமே பாதிக்கப்படுகிறது, எத்தனை முரண் பாடு இல்லை? புன்னகை

கடவுளின் படைப்பில்?

puthiyaulakam · puthiyaulakam Sun Sep 04, 2011 2:09 pm

நான் முதல்முதலாக இதை ரசித்தது சுவிசில்தான். வியப்பாக இருந்தது. அமாடியோவ் எவளவி ஆலங்கட்டிகள் . என்ன ஒரு வேகம். முதல் அனுபவம் எப்பவும் மறக்க முடியாது. மகிழ்ச்சி

Sponsored content · Sponsored content

“ஆலங்கட்டி மழை” தெரிந்தும் தெரியாத தகவல்கள்!

“ஆலங்கட்டி மழை” தெரிந்தும் தெரியாத தகவல்கள்!

Re: “ஆலங்கட்டி மழை” தெரிந்தும் தெரியாத தகவல்கள்!

Re: “ஆலங்கட்டி மழை” தெரிந்தும் தெரியாத தகவல்கள்!

Re: “ஆலங்கட்டி மழை” தெரிந்தும் தெரியாத தகவல்கள்!

Re: “ஆலங்கட்டி மழை” தெரிந்தும் தெரியாத தகவல்கள்!

Re: “ஆலங்கட்டி மழை” தெரிந்தும் தெரியாத தகவல்கள்!

Re: “ஆலங்கட்டி மழை” தெரிந்தும் தெரியாத தகவல்கள்!

Re: “ஆலங்கட்டி மழை” தெரிந்தும் தெரியாத தகவல்கள்!

Re: “ஆலங்கட்டி மழை” தெரிந்தும் தெரியாத தகவல்கள்!

Re: “ஆலங்கட்டி மழை” தெரிந்தும் தெரியாத தகவல்கள்!

Re: “ஆலங்கட்டி மழை” தெரிந்தும் தெரியாத தகவல்கள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக