காதலித்து திருமணம் செய்ய மறுத்த காதலன் வீட்டில் உட்கார்ந்து பெண் போராட்டம்

by **சிவா** Sun Sep 04, 2011 12:53 pm

First topic message reminder :

காதலித்து திருமணம் செய்ய மறுத்த காதலன் வீட்டில் உட்கார்ந்து பெண் போராட்டம் - Page 2 Tnj

காதலித்து திருமணம் செய்ய மறுத்த காதலனின் வீட்டில் தங்கி பெண் போராட்டம் நடத்தி வருகிறார். அவரது புகாரின்பேரில் காதலனின் தந்தையை போலீசார் கைது செய்தனர். காதலின் தாய் உள்பட 4 பேரை வலைவீசி தேடி வருகிறார்கள்.

காதலித்து திருமணம் செய்ய மறுப்பு

தஞ்சை மாவட்டம், பாபநாசம் தாலுகா, பூண்டி கிராமம் தெற்கு தெருவை சேர்ந்த கிருஷ்ணனின் மகள் ராதா (வயது 22). இவரது எதிர்வீட்டில் வசித்து வரும் பாலுவின் மகன் சுரேஷ்பாபு (24). இவர் எம்.பி.ஏ. படித்தவர். இருவரும் கடந்த 4 ஆண்டுகளாக காதலித்து வந்தனர்.

இந்தநிலையில் ராதாவின் குடும்பத்தினர் அவருக்கு மாப்பிள்ளை பார்க்க தொடங்கினர். உடனே ராதா, தனது காதலன் சுரேஷ்பாபுவிடம் தன்னை திருமணம் செய்து கொள்ளும்படி வற்புறுத்தியபோது, அவர் மறுத்ததாக தெரிகிறது. சுரேஷ்பாபுவின் பெற்றோர் மற்றும் உறவினர்களும் இவர்கள் திருமணத்திற்கு எதிர்ப்பு தெரிவித்ததாக கூறப்படுகிறது.

காதலின் தந்தை கைது

ஊர் பஞ்சாயத்திலும் முறையீட்டு எந்த பலனும் இல்லாததால் ராதா, பாபநாசம் அனைத்து மகளிர் காவல் நிலையத்தில் புகார் செய்தார். இதை தொடர்ந்து காதலன் சுரேஷ்பாபு, அவரது பெற்றோர்கள் பாலு (49), சாந்தி, தங்கை உமா கவுரி, பெரியப்பா ஜெயராமன் ஆகிய 5 பேர் மீது போலீசார் வழக்குப்பதிவு செய்து விசாரணை நடத்தி வந்தனர்.

இந்த நிலையில் சுரேஷ்பாபுவின் தந்தை பாலுவை போலீசார் கைது செய்து, பாபநாசம் கோர்ட்டில் ஆஜர்படுத்தினர். மற்ற 4 பேரும் வீட்டை பூட்டி விட்டு தலைமறைவாகி விட்டதால் அவர்களை தேடி வருகிறார்கள்.

பெண் போராட்டம்

இதற்கிடையில் ராதா, காதலன் சுரேஷ்பாபு தன்னை திருமணம் செய்யும் வரை அவரது வீட்டிலேயே தங்கி இருப்பேன் என்று கூறி, அங்கு போராட்டம் நடத்தி வருகிறார்.

தினதந்தி