எத்தனை நடிகர் கட்சி தொடங்கினாலும் விடுதலை சிறுத்தைகள் வளர்ச்சியை தடுக்க முடியாது

by மீனு Sat Sep 19, 2009 9:27 pm

கிருஷ்ணகிரி மாவட்ட விடுதலை சிறுத்தைகள் கட்சி சார்பில் ஓசூர்அருகே பாகலூரில் இரட்டைமலை சீனிவாசனார் நினைவு அஞ்சலி, வீரவணக்க நாள் பொதுக்கூட்டம் நடைபெற்றது.

பாகலூர் பஸ் நிலையம் அருகே நடந்த கூட்டத்திற்கு ஒன்றிய பொறுப்பாளர் கே.எஸ். வெங்கடேஷ் தலைமை தாங்கினார். ஒன்றிய பொறுப்பாளர் ராஜா, நகர பொறுப்பாளர்கள் ராமச்சந்திரன், பில்லப்பா, முனிராஜ் ஆகியோர் முன்னிலை வகித்தனர்.

கூட்டத்தில் கலந்து கொண்டு கட்சியின் மாநில தலைவர் தொல். திருமாவளவன் எம்.பி. பேசியதாவது:-

இந்தியாவின் அரசியல் அமைப்பு சட்டத்தை எழுதிய டாக்டர் அம்பேத்கார் மிகப்பெரிய அறிவாற்றல் படைத்த மகான். தந்தை பெரியார், புத்தர், முகமது நபி ஆகியோருக்கு இணை யான சிறப்பு பெற்ற அம்பேத்காருக்குத்தான் புத்தருக்கு அடுத்தபடியான ஏராளமான சிலைகள் வைக்கப்பட்டுள்ளது.

உலகில் மிகப்பெரிய நூலகம் லண்டனில் தான் உள்ளது. அங்கு இரண்டே 2 தலைவர்களின் படம் தான் வைக்கப்பட்டுள்ளது. ஒருவர் காரல் மார்க்ஸ், மற்றொருவர் அண்ணல் அம்பேத்கார் படம்தான். அப்படிப்பட்ட பெரும் புகழ் படைத்த அம்பேத்காரின் சிலைகளை திறக்கவும், சிலைகள் வைக்கவும், அரசு ஆணை தடுப்பதாக கூறி அதிகாரிகள் அனுமதி மறுக்கின்றனர் தாசில்தார் அலுவலகங்களிலும், காவல் நிலையங்களிலும் கூட அம்பேத்காரின் படத்தை வைப்பதில்லை.

நாம் ஆளுங்கட்சி கூட்டணியில் இருப்பதால் ஆட்சியாளர்களுக்கும், அதிகாரிகளுக்கும், காவல் துறையினருக்கும் தர்ம சங்கடம் ஏற்படுத்தக்கூடாது என்று எண்ணுகிறோம். எங்களுக்கு நாணயம் உள்ளது. இது நமது மண், நாம் மண்ணின் மைந்தர்கள், இது நமது சேதம், மண்ணுரிமைக்காக தொடர்ந்து போராடுவோம்.

சேரி மக்களுக்காக மட்டு மின்றி அனைவருக்கும் விடுதலை சிறுத்தை கட்சி தொடர்ந்து பாடுபடும்.

எத்தனை நடிகர் கட்சி தொடங்கினாலும், விடுதலை சிறுத்தைகளின் வளர்ச்சியை தடுக்க முடியாது. இது ஒரு பேரியக்கம். தமிழ் நாட்டில் நமது இயக்கம் மிகவும் அழுத்தமாக வளர்ந்து உள்ளது.

டாக்டர் அம்பேத்கார், தந்தை பெரியார், இரட்டை மலை சீனிவாசராவ், அயோத்தி தாசர் போன்ற தலைவர்களின் வழி காட்டுதலின்படி, அணி திரண்டு போராடுவோம். வருகிற 2011 சட்டமன்ற தேர்தலில் நாம் நமது எழுச்சியை நிலை நாட்டுவோம் இவ்வாறு தொல். திருமாவளவன் பேசினார்.

இக்கூட்டத்தில் மாவட்ட செயலாலளர் கோவேந்தன், சிறுத்தை சம்பங்கி, நிதி, விளம்பரம்மற்றும் வரவற்பு குழு பொறுப்பாளர் நாகராஜ், மாவட்ட தொழிலாளர் விடுதலை முன்னணி செயலாளர் கி. செந்தமிழன், முத்துக்குமாரன் மற்றும் மாவட்ட, மாநில, நகர, ஒன்றிய, முகாம் பொறுப்பாளர் களும், கட்சி தொண்டர்களும் திரளாக கலந்து கொண்டனர்.

முன்னதாக ஓசூர் அருகே “உலியாளம்” கிராமத்தில் கட்சி கொடியினை திருமாவளவன் ஏற்றி வைத்தார். மேலும் சூளகிரி, ஓசூர், மாரசந்திரம் ஆகிய இடங்களில் திருமாவளவனுக்கு சிறப்பான வரவேற்பு அளிக்கப்பட்டது.

by பிரகாஸ் Sat Sep 19, 2009 10:02 pm

எத்தனை நடிகர் கட்சி தொடங்கினாலும் விடுதலை சிறுத்தைகள் வளர்ச்சியை தடுக்க முடியாது

எத்தனை நடிகர் கட்சி தொடங்கினாலும் விடுதலை சிறுத்தைகள் வளர்ச்சியை தடுக்க முடியாது

Re: எத்தனை நடிகர் கட்சி தொடங்கினாலும் விடுதலை சிறுத்தைகள் வளர்ச்சியை தடுக்க முடியாது