விடைபெற்றார் திரு எஸ் ஆர் நாதன், புதிய அதிபர் பணியைத் தொடங்கினார்

by **சிவா** Sun Sep 04, 2011 9:06 am

சிங்கப்பூர்: திரு எஸ் ஆர் நாதன் கடைசி முறையாக மரியாதை அணி வகுப்பைச் சென்ற வியாழக் கிழமையன்று இஸ்தானாவில் பார் யிட்டு ஏற்றுக்கொண்டார். 12 ஆண்டுகள் அதிபராகப் பதவி ஆற்றி ஓய்வு பெற்ற திரு நாதன் பிரியாவிடை அளித்து சிறப்பிக்கப்பட்டார். அமைச்சர்கள், நாடாளுமன்ற உறுப்பினர்கள், அவர்களது துணைவியர், உயர் அரசாங்க ஊழியர், பிற நாட்டுத் தூதர்கள் முதலிய விருந்தினர்கள் இந்த நிகழ்ச்சியில் கலந்துகொண்டனர். திரு நாதன் முன்னாள் மதியுரை அமைச்சர் திரு லீ குவான் இயூவோடு கை குலுக்கினார். பிறகு கூடியிருந்தவர்களிடம் திரு நாதனும் அவரது துணைவியாரும் விடைபெற்றனர். அதன்பிறகு புதிய அதிபர் டாக்டர் டோனி டான் இஸ்தானாவுக்கு வந்தார்.