மூவர் உயிர்வாழ தீயில் வெந்தாள் (கவிதை)

**kirikasan** · **kirikasan** Fri 2 Sep 2011 - 2:14

தீதாகிப் புன்மைகொண்டப்பூமியென்றே நீயும்
தீயாகிப்போக மனம் கொண்டதென்ன
நீயாகிப்போக என்ன நேர்ந்ததம்மா- உன்
நினைவெங்கும் தீஎழுந்த காரணமா
தூதாகித் தேவரிடம் சென்றனையோ -எமன்
தோன்றாது வழிநிறுத்த தொழுதனையோ
வாதாடி வெல்லவழி இல்லையென - மூவர்
வாழவென நீஉயிரை தந்ததென்ன ?

ஆளுபவன் நீதிகொடும் ஆட்சியென்று - அதை
அழித்தவளாம் கண்ணகிக்கு தங்கையம்மா
நீளுலகில் நீதிகேட்க நீயிருந்தால் - எம்
நெஞ்சினிலே இன்னுமுரம் காணுமம்மா
வாழ்வழிந்து போகஎன்ன வைத்துவோ உன்
வயதினிலே வானழைத்து கொண்டதுவோ
பாழுமுயிர் போனபின்பு வருவதில்லை - இந்தப்
பாரினிலே வீழ்ந்த உடல் எழுவதில்லை

தேவை எங்கள் விடுதலையைக் கேட்பதற்கு ஒன்று
சேருமிளம் சந்ததியின் வீரஒலி
சாவைவிடுத் தொன்றுபட்டுச் சாதிப்பதே உனைச்
சார்ந்திருக்கும் கடமையென்று கொள்மகளே
கூவியெழ நீதிகேட்க குரல் கொடுங்கள் -விட்டு
கூடியழ வைப்பதெல்லாம் கைவிடுங்கள்
வீரமுடன் நீதுடித்துப் பொங்கியெழு அந்த
வேகுமுடல் நீசர்களை வெல்லவம்மா

முப்புரங்கள் தீயிலிட்டான் முக்கண்ணவன்- அனல்
மூளத்தீயை தீவில் இட்டான் அனுமன், ஒரு
கைப்பிடித்த சிலம்புடனே கண்ணகியோ ஆளும்
காவலனின் குற்றம் கண்டு ஊரெரித்தாள்
முப்படைகள் கண்டு தமிழ்ஈழ மண்ணை- அன்று
மேதினியில் சேர்ந்தரசு மூட்டியதீ
இப்பொழுதும் எரியுதம்மா ஈழமண்ணில் அது
ஏன் எரித்துவிட்டதுவோ உன்னைவீணில்!

**சிவா** · **சிவா** Fri 2 Sep 2011 - 2:27

கிரிகாசன் அண்ணாவின் இந்த அழகுக் கவிதையினை ஒலிவடிவில் இங்கு கேளுங்கள் உறவுகளே! ஐ எல் சி வானொலியில் ஒளிபரப்பானதன் குரல் வடிவம்.

தரவிறக்கம் செய்ய:
http://eegarai.com/kirikasan/senkodi.mp3

**kirikasan** · **kirikasan** Fri 2 Sep 2011 - 2:33

மிகுந்த நன்றிகள் சிவா தங்களுக்கு!
ஒலிவடிவில் இணைப்பை தந்ததற்கு. மிகவும் மகிழ்கிறேன்!

**சிவா** · **சிவா** Fri 2 Sep 2011 - 2:47

kirikasan wrote:மிகுந்த நன்றிகள் சிவா தங்களுக்கு!
ஒலிவடிவில் இணைப்பை தந்ததற்கு. மிகவும் மகிழ்கிறேன்!

உங்கள் கவிதைகள் மேலும் புகழ்பெற வாழ்த்துகள் அண்ணா. அதற்கு என்னால் இயன்றவற்றைச் செய்ய என்றும் காத்திருகிறேன்.

**பிஜிராமன்** · **பிஜிராமன்** Fri 2 Sep 2011 - 8:22

மிக அருமையா இருக்கு கிரிகாசன் கவிதை..........சிவா மிக்க நன்றி ஒலி வடிவில் தந்தமைக்கு........ மூவர் உயிர்வாழ தீயில் வெந்தாள் (கவிதை) 224747944

மூவர் உயிர்வாழ தீயில் வெந்தாள் (கவிதை) 677196

**உமா** · **உமா** Fri 2 Sep 2011 - 14:27

முப்புரங்கள் தீயிலிட்டான் முக்கண்ணவன்- அனல்
மூளத்தீயை தீவில் இட்டான் அனுமன், ஒரு
கைப்பிடித்த சிலம்புடனே கண்ணகியோ ஆளும்
காவலனின் குற்றம் கண்டு ஊரெரித்தாள்
முப்படைகள் கண்டு தமிழ்ஈழ மண்ணை- அன்று
மேதினியில் சேர்ந்தரசு மூட்டியதீ
இப்பொழுதும் எரியுதம்மா ஈழமண்ணில் அது
ஏன் எரித்துவிட்டதுவோ உன்னைவீணில்!

ஈழத்தின் சோகத்தினை எடுத்துசொல்லவே இந்த கவிதையா!
சோகம்