போலி பட்டு கண்டறியும் இயந்திரம் சேலம் கோ & ஆப்டெக்ஸ் அறிமுகம்

போலி பட்டு கண்டறியும் இயந்திரம் சேலம் கோ & ஆப்டெக்ஸ் அறிமுகம்


[color:3dd0=#900]பதிவு செய்த நாள் : 9/3/2011 0:50:56




சேலம் : பொதுமக்கள் வாங்கும் பட்டின்
தரத்தை அறிந்து கொள்ள கோ ஆப்டெக்ஸ் சார்பில் சேலம் ராஜகணபதி
பட்டுக்கூட்டுறவு சங்கத்தில் நவீன இயந்திரம் பொருத்தப்பட்டுள்ளது. கோ
ஆப்டெக்ஸ் நிறுவனம் தமிழக அளவில் காஞ்சிபுரம் மற்றும் சேலம் ஆகிய ஊர்களில்
பட்டின் தரம் அறியும் இயந்திரத்தை அறிமுகம் செய்துள்ளது. சுத்தமான பட்டுச்
சேலைகளில் வெண் பட்டுக் கூட்டில் இருந்து எடுக்கப்பட்ட பட்டு நூல்
பயன்படுத்தப்படுகிறது.

மேலும் இதன் ஜரிகை வேலைப்பாட்டில் 50
சதவீதம் வெள்ளி, 0.6 சதவீதம் தங்கம் மற்றும் தாமிரம் கலக்கப்படுகிறது. இவை
ஒவ்வொன்றும் எவ்வளவு உள்ளது என்பதை இயந்திரம் காட்டி விடும். இதன் மூலம்
போலிகளை எளிதாகக் கண்டறியலாம். இந்த இயந்திரம், இரண்டாவது அக்ரஹாரத்தில்
உள்ள ராஜகணபதி பட்டுக் கூட்டுறவு நெசவாளர் சங்கத்தில் வைக்கப்பட்டுள்ளது.

பொதுமக்கள்,
பட்டுப்புடவையின் தரத்தை அறிய சேலம் தங்கம் பட்டு மாளிகையை அணுகி புக்கிங்
செய்து கொள்ளலாம். தரம் சோதிக்கப்பட்டு பட்டின் தன்மை குறித்த விவர
அட்டையுடன் மறுநாள் பெற்றுக் கொள்ளலாம். கோ ஆப்டெக்ஸ், நெசவாளர் பட்டுக்
கூட்டுறவு சங்கங்களில் விற்பனை செய்யப்படும் பட்டுச் சேலைகளை சோதனை செய்து
கொள்ள ரூ.30ம், பட்டு வேட்டிக்கு ரூ.20ம், தனியார் ஜவுளிக் கடைகளில்
வாங்கும் பட்டுப் புடவைகளை பரிசோதிக்க ரூ.50ம் கட்டணம்
நிர்ணயிக்கப்பட்டுள்ளது.

சேலம் தங்கம் பட்டுமாளிகையில் உள்ள
வடிவமைப்பு மற்றும் உற்பத்தி மேலாளர் ரஞ்சனி கூறியதாவது: தற்பொழுது தான்
இது குறித்து மக்களிடம் விழிப்புணர்வு ஏற்பட்டுள்ளது. இந்த வசதியைப்
பயன்படுத்தி பட்டின் தரத்தை அறிந்து ஏமாற்றத்தைத் தவிர்க்கலாம். இவ்வாறு
ரஞ்சனி கூறியுள்ளார்.
தினகரன்