சந்தேகநபர்களான தமிழர்கள் எக்காரணம் கொண்டும் வெளியே வரக்கூடாது என்பதே மஹிந்தவின் இலக்கு

by **இளமாறன்** Fri Sep 02, 2011 7:58 pm

சந்தேகநபர்களான தமிழர்கள் எக்காரணம் கொண்டும் வெளியே வரக்கூடாது என்பதே மஹிந்தவின் இலக்கு
[ வியாழக்கிழமை, 01 செப்ரெம்பர் 2011, 06:35.09 AM GMT ]
சந்தேகநபர்களான தமிழர்கள் எக்காரணம் கொண்டும் வெளியே வரக்கூடாது என்பதே மஹிந்தவின் இலக்கு Mahinda-Rajapaksa

சந்தேகநபர்களான தமிழர்கள் எக்காரணம் கொண்டும் வெளியே வரக்கூடாது என்பதே மஹிந்தவின் இலக்கு Mahinda-Rajapaksa

இலங்கையில்
சந்தேகத்தின் பேரில் சிறையில் உள்ள ஈழத் தமிழர்கள் விடுதலையாவதைத் தடுக்க
அந்நாட்டு அதிபர் ராஜபக்ச, பயங்கரவாத தடுப்புச் சட்டத்தைப்
பயன்படுத்தியுள்ளார்.

சிறையில் உள்ள அனைவரும் விடுதலைப்புலிகள் என்ற
சந்தேகத்தின் பேரில் கைது செய்யப்பட்டவர்கள். இவர்கள் எக்காரணத்தைக்
கொண்டும் வெளியே வந்துவிடக் கூடாது என்பதற்காக பயங்கரவாதத் தடுப்புச்
சட்டத்தை ராஜபக்ச கையில் எடுத்துள்ளார். அந்தச் சட்டத்தில் மிகக்கடுமையான
கட்டுப்பாடுகளைக் கொண்டு வந்துள்ளார்.

இலங்கையில் சமீபத்தில்தான் அவரசகாலச் சட்டம் திருப்பப் பெறப்பட்டது.
இதையடுத்து சந்தேகத்தின் பேரில் சிறையில் உள்ள தமிழர்கள் விடுதலையாவார்கள்
என்று எதிர்பார்க்கப்பட்டது.

சமீபத்தில் இது தொடர்பாகப் பேசிய அந்நாட்டு நீதித்துறை அமைச்சர் ரவுஃப்
ஹக்கீம், விடுதலைப்புலிகள் என்ற குற்றச்சாட்டில் சிறையில் அடைக்கப்பட்டுள்ள
1,200 தமிழர்கள் விடுதலையாவார்கள் என்று தெரிவித்திருந்தார்.

இந்நிலையில் கொழும்பில் செய்தியாளர்களிடம் புதன்கிழமை பேசிய அந்நாட்டு
அட்டார்னி ஜெனரல் மொஹான் பீரிஸ், பயங்கரவாதத் தடுப்புச் சட்டத்தின்படி
கட்டுப்பாடுகளைக் கொண்டுவர வேண்டுமென அதிபர் ராஜபக்ச கூறியுள்ளார்.

எனவே அவசரநிலை அமலில் இருந்த காலகட்டத்தில் சந்தேகத்தின் பேரில் கைது
செய்யப்பட்டவர்கள் சிறையில்தான் இருப்பார்கள். எவரும் விடுதலை
செய்யப்படமாட்டார்கள்.

தோற்கடிக்கப்பட்ட தமிழ் ஈழ விடுதலைப்புலிகள் இயக்கத்தின் மீதான தடை
அப்படியேதான் உள்ளது. இதனையும் பயங்கரவாதத் தடுப்புச் சட்டம் உறுதி
செய்கிறது என்றார் அவர்.

முன்னதாக விடுதலைப் புலிகளுக்கு எதிரான போர் 2009-ல் முடிவுக்கு வந்தது.
அப்போது புலிகள் இயக்கத்தைச் சேர்ந்த சுமார் 1,2000 பேரை பிடித்துள்ளதாக
இலங்கை அரசு தெரிவித்தது.

கடந்த இரு ஆண்டுகளில் இவர்களில் சிலர் விடுவிக்கப்பட்டுள்ளதாகவும்,
இப்போது எவ்வளவு பேர் சிறையில் உள்ளார்கள் என்பதை சரியாகத் கூறமுடியாது
என்றும் தெரிவிக்கப்பட்டது.

அவசரகாலச் சட்டம் அமுலில் இருந்தபோது சந்தேகப்படும் எவரையும் கைது செய்ய இலங்கை இராணுவத்துக்கு அதிகாரம் வழங்கப்பட்டிருந்தது.

ஐ.நா. மனித உரிமைகள் குழுக் கூட்டம் ஜெனிவாவில் அடுத்த மாதம்
நடைபெறவுள்ளது. இதில் இலங்கையில் நடந்த போர் குற்றங்கள் குறித்து
விவாதிக்கப்படவுள்ளது. இதையடுத்தே இலங்கை அரசு அவசர நிலையைத் திரும்பப்
பெற்றது.

தமிழ் வின்