கூடங்குளம் அணுமின்நிலையத்தை எதிர்த்து 11-ந்தேதி முதல் உண்ணாவிரதம்: அணுசக்திக்கு எதிரான மக்கள் இயக்கம் அறிவிப்பு

**இளமாறன்** · **இளமாறன்** Fri Sep 02, 2011 7:30 pm

நெல்லை, செப்.2-

அணுசக்திக்கு எதிரான மக்கள் இயக்கத்தின் அமைப்பாளர் உதயகுமார் நெல்லையில் நிருபர்களிடம் கூறியதாவது:-

கூடங்குளத்தில்
மக்கள் வாழ்வாதாரத்தை பாதிக்கின்ற அணுமின் நிலையம் அமைக்கப்பட்டுள்ளது.
இதன் மூலம் பல்வேறு வகையான நோய்கள் வரக்கூடிய வாய்ப்புகள் ஏற்பட்டுள்ளது.
இதன் பாதுகாப்பு தன்மை குறித்து அரசு வெளிப்படையாக அறிவிக்க தயார் இல்லை.
இது தொடர்பாக நாங்கள் மாவட்ட நிர்வாகத்துடன் பேச்சுவார்த்தை நடத்தினோம்.
அப்போது செப்டம்பர் மாதம் அணுமின்நிலையம் செயல்படும் என்று அணுமின் நிலையம்
சார்பாக அறிவிப்பு வெளியிடப்பட்டது.

இதனை
கண்டிக்கும் வகையில் வருகிற 11-ந்தேதி முதல் நெல்லை, தூத்துக்குடி, குமரி
ஆகிய 3 மாவட்ட மக்களையும் திரட்டி கூடங்குளம் அருகே உள்ள இடிந்தகரையில்
வைத்து தொடர் உண்ணாவிரத போராட்டம் நடத்துவது என்று முடிவு செய்துள்ளோம்.

இந்த
போராட்டத்தில் மீனவர்கள், விவசாயிகள், தொழிலாளர்கள், அனைத்து சமுதாய
மக்கள், அரசியல் கட்சியினர் ஆகியோர் கலந்து கொள்வார்கள். உண்ணாவிரதத்தில்
கலந்து கொள்ள சமூக ஆர்வலர்களான அன்னாஹசாரே, மேதாபட்கர், அருந்ததிராய்,
சந்தீப்பாண்டே ஆகியோருக்கு அழைப்பு விடுத்துள்ளோம். அவர்கள் வந்து கலந்து
கொள்ள இருக்கிறார்கள். அணுமின் திட்டத்தை அரசு கைவிடும்வரை தொடர் போராட்டம்
நடைபெறும்.

எத்தனை ஆயிரம் கோடிகள்
செலவழித்திருந்தாலும் மக்களுக்காக இந்த திட்டத்தை கைவிட வேண்டும்.
உண்ணாவிரதம் நடைபெறும் நாட்களில் மீனவர்கள் கடலுக்கு மீன்பிடிக்க
செல்லமாட்டார்கள். மாணவர்களை பள்ளிக்கு அனுப்பமாட்டோம்.

இவ்வாறு அவர் கூறினார்.

அப்போது இயக்கத்தை சேர்ந்த ராஜலிங்கம், தூத்துக்குடி அன்டன்கோமாஸ், சகாயநிலா, ரிட்வின் ஆகியோர் இருந்தனர்.

மாலைமலர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக