மக்களவையில் குறட்டை விட்டு தூங்கிய லாலு!

**இளமாறன்** · **இளமாறன்** Fri 2 Sep 2011 - 21:09

மக்களவையில் காரசார
விவாதம் நடைபெற்று கொண்டிருந்த போது ஆர்.ஜே.டி. கட்சித் தலைவர் லாலு
பிரசாத் யாதவ் குறட்டை விட்டு தூங்கிக் கொண்டிருந்தார். இதை பார்த்த
சபாநாயகர் மீராகுமார் தூங்கி வழிந்த லாலு பிரசாத்தை தட்டி எழுப்பும்படி
கேட்டுக் கொண்டார்.

மக்களவை கூட்டம்
இன்று காலை துவங்கி விவாதம் நடைபெற்று கொண்டிருந்தது. அப்போது முன்
வரிசையில் தனக்கு எதிரே அமர்ந்திருந்த முன்னாள் மத்திய அமைச்சரும்,
ஆர்.ஜே.டி. தலைவருமான லாலு பிரசாத் யாதவ் குறட்டை விட்டு தூங்கிக்
கொண்டிருந்ததை சபாநாயகர் மீராகுமார் பார்த்தார்.

லாலு பிரசாத்துக்கு பின் சீட்டில் அமர்ந்து கொண்டிருந்த அவரது கட்சி உறுப்பினர் உமாசங்கர் சிங்கை சபாநாயகர் அழைத்தார்.

""உங்கள் கட்சித்
தலைவரை உடனே எழுப்புங்கள்'' என்று சபாநாயகர் கேட்டுக் கொண்டார். உடனே உமா
சங்கர் எழுந்து சென்று லாலு பிரசாத்தின் தோளில் தட்டி எழுப்பினார்.
சபாநாயகர் பார்வையில் அவர் சிக்கிக் கொண்டதை நாசுக்காக எடுத்துச் சொல்ல
லாலு பிரசாத் வெட்கத்தில் நெளிந்தார். நக்கீரன்