ஆக்சிஜன் இல்லாததால் அரசு ஆஸ்பத்திரியில் 10 குழந்தைகள் பலி

by **இளமாறன்** Fri Sep 02, 2011 7:17 pm

நகரி, செப். 2-

ஆந்திர
மாநிலம் கர்னூல் அரசு ஆஸ்பத்திரி உள்ளது. இங்கு பச்சிளம் குழந்தைகளுக்கான
சிறப்பு பிரிவு ஒன்று செயல்படுகிறது. மாவட்டத்தின் பல்வேறு பகுதிகளில் உள்ள
மருத்துவ மனைகளில் சிகிச்சை பெறும் குழந்தைகள் மேல் சிகிச்சைக்காக இங்கு
அனுமதிக்கப்படுவார்கள். இங்கு பச்சிளம் குழந்தைகளுக்கு சிகிச்சை
அளிப்பதற்கான நவீன கருவிகள், ஆக்சிஜன் வசதி போன்றவை உள்ளன.

இந்நிலையில்
நேற்று முன்தினம் 20-க்கும் மேற்பட்ட குழந்தைகள் இங்கு
அனுமதிக்கப்பட்டனர். அவர்களுக்கு டாக்டர்கள் தீவிர சிகிச்சை அளித்தனர்.
பின்னர் அவர்களுக்கு கடுமையான மூச்சுத் திணறல் ஏற்பட்டதால் ஆக்சிஜன்
அளிக்கப்பட்டது. ஆனால் சிலிண்டர்களில் ஆக்சிஜன் தீர்ந்து போனது. இதனால்
போதுமான ஆக்சிஜன் கிடைக்காததால் 2 நாளில் 10 குழந்தைகள் துடி துடித்து
இறந்து போயின.

இதையறிந்ததும் பொது மக்கள்
ஆஸ்பத்திரியை முற்றுகையிட்டனர். இதையடுத்து அங்கு பலத்த பாதுகாப்பு
போடப்பட்டது. ஆஸ்பத்திரி இயக்குனர் சுதர்சன், கூறும் போது,ஆஸ்பத்திரியில்
போதுமான ஆக்சிஜன் சிலிண்டர்களை இருப்பு வைத்துள்ளோம். 6 குழந்தைகளும் உடல்
நலக் குறைவு காரணமாகத்தான் இறந்து போயினர் என்றார்.

மாலைமலர்

by **சிவா** Fri Sep 02, 2011 7:23 pm

///கடுமையான மூச்சுத் திணறல் ஏற்பட்டதால் ஆக்சிஜன் அளிக்கப்பட்டது. ஆனால் சிலிண்டர்களில் ஆக்சிஜன் தீர்ந்து போனது.///

அரசும், அரசு மருத்துவர்களும் வெட்கப்பட வேண்டிய செய்தி. இதுபோன்ற அலட்சியங்கள் தொடர்ந்து கொண்டுதான் உள்ளது. தீர்த்து வைக்கத்தான் யாருமில்லை.

by **இளமாறன்** Fri Sep 02, 2011 7:31 pm

வாரம் ஒருமுறையாவது சோதனை செய்யவேண்டும்

by **krishnaamma** Fri Sep 02, 2011 7:35 pm

இவங்களுக்கு உய்ரின் விலை ரொம்ப மலிவாய் போய்விட்டது சோகம்

பாவம் குழந்தைகள் அழுகை

by dsudhanandan Fri Sep 02, 2011 7:39 pm

ஆஸ்பத்திரி இயக்குனர் சுதர்சன், கூறும் போது,ஆஸ்பத்திரியில்
போதுமான ஆக்சிஜன் சிலிண்டர்களை இருப்பு வைத்துள்ளோம். 6 குழந்தைகளும் உடல்
நலக் குறைவு காரணமாகத்தான் இறந்து போயினர் என்றார்.

-- வழக்கமான ஒரு பம்மாத்து பதில்...

by kitcha Sat Sep 03, 2011 2:01 pm

கர்னூல்: ஆந்திர மாநிலம் கர்னூல் அரசு மருத்துவமனையில் ஆக்ஸிஜன் சப்ளையில் குறைபாடு ஏற்பட்டதால் கடந்த இரு நாட்களில் 11 குழந்தைகள் பலியாகியுள்ளன.

புதன்கிழமை 4 குழந்தைகளும், வியாழக்கிழமை 7 குழந்தைகளும் ஆக்ஸிஜன் பற்றாக்குறையால் பலியாகியுள்ளன. இந்தக் குழந்தைகள் அனைவருமே 5 வயதுக்குட்பட்டவர்கள்.

பல்வேறு உடல் நல பிரச்சனைகள் காரணமாக குழந்தைகள் நல வார்டில் சேர்க்கப்பட்டிருந்த இவர்களுக்கு செயற்கை சுவாசம் அளிக்கப்பட்டு வந்தது. ஆனால், ஆக்ஸிஜன் சப்ளை செய்யும் சிஸ்டம் சரியாக செயல்படவில்லை என்று கூறப்படுகிறது.

இது குறித்து விசாரணைக்கு மாநில அரசு உத்தரவிட்டுள்ளது. முதல்கட்ட விசாரணையில் ஆக்ஸிஜன் வழங்கும் 4 வென்டிலேட்டர்களில் 2 செயல்படவில்லை என்பதும், இந்த வார்டில் பணியில் இருக்க வேண்டிய 25 நர்சுகளில் 5 பேர் மட்டுமே பணியில் இருந்ததும் தெரியவந்துள்ளது.

இந்த மருத்துவமனையின் குழந்தைகள் வார்டில் மாதத்துக்கு 50 குழந்தைகள் வரை பலியாவதாக ஏற்கனவே புகார் உள்ளதும் குறிப்பிடத்தக்கது.

thatstamil

by kitcha Sat Sep 03, 2011 2:10 pm

by **உமா** Sat Sep 03, 2011 2:12 pm

என்ன கொடுமை....காக்கும் இடமும் இப்போ உயிரை எடுக்கிறதே....
சோகம்

மிகவும் வேதனையான செய்தி கிச்சா....

by dsudhanandan Sat Sep 03, 2011 2:45 pm

ஏற்கனவே இந்த செய்தி உள்ளது

http://www.eegarai.net/t68723-10

திரியை இணைத்துவிட்டேன்

by **ந.கார்த்தி** Sat Sep 03, 2011 8:52 pm

கர்னூல்: ஆந்திர மாநிலம் கர்னூல் அரசு மருத்துவமனையில் ஆக்ஸிஜன் சப்ளையில் குறைபாடு ஏற்பட்டதால் கடந்த இரு நாட்களில் 11 குழந்தைகள் பலியாகியுள்ளன.

புதன்கிழமை 4 குழந்தைகளும், வியாழக்கிழமை 7 குழந்தைகளும் ஆக்ஸிஜன் பற்றாக்குறையால் பலியாகியுள்ளன. இந்தக் குழந்தைகள் அனைவருமே 5 வயதுக்குட்பட்டவர்கள்.

பல்வேறு உடல் நல பிரச்சனைகள் காரணமாக குழந்தைகள் நல வார்டில் சேர்க்கப்பட்டிருந்த இவர்களுக்கு செயற்கை சுவாசம் அளிக்கப்பட்டு வந்தது. ஆனால், ஆக்ஸிஜன் சப்ளை செய்யும் சிஸ்டம் சரியாக செயல்படவில்லை என்று கூறப்படுகிறது.

இது குறித்து விசாரணைக்கு மாநில அரசு உத்தரவிட்டுள்ளது. முதல்கட்ட விசாரணையில் ஆக்ஸிஜன் வழங்கும் 4 வென்டிலேட்டர்களில் 2 செயல்படவில்லை என்பதும், இந்த வார்டில் பணியில் இருக்க வேண்டிய 25 நர்சுகளில் 5 பேர் மட்டுமே பணியில் இருந்ததும் தெரியவந்துள்ளது.

இந்த மருத்துவமனையின் குழந்தைகள் வார்டில் மாதத்துக்கு 50 குழந்தைகள் வரை பலியாவதாக ஏற்கனவே புகார் உள்ளதும் குறிப்பிடத்தக்கது
தட்ஸ் தமிழ் நன்றி