பொல்லாதவன்

by மரகதமணி1980 Sat Sep 19, 2009 6:45 pm

First topic message reminder :

கடந்த வாரம்தான் இந்த படத்தைப் பார்க்க ஒரு வாய்ப்பு கிடைத்தது. பொதுவாகவே தனுஷ் படம் என்றால் பார்க்க கொஞ்சம் யோசிப்பேன். ஆனாலும் வேறு வழியில்லாமல் பார்த்தேன். சிறிது நேரத்திலே இது அட்டாகாசமான படம் என்பதை உண்ர்ந்தேன். வெற்றிமாறன் யார் இவர்?
யாருடைய அசிஸ்டென்ட் ? அப்பப்பா ஒரு அருமையான் படத்தைத் தந்துள்ளார். நம் ஈகரையில் இந்த படத்தைப் பற்றி எந்த விமர்சனமும் இல்லை. என் அனுபவத்தில் சென்னையை மையமாகக் கொண்டு இவ்வளவு யதார்த்தமாக எந்த ஒரு இயக்குனரும் படம் எடுத்ததில்லை. சென்னைத் தமிழை இவ்வளவு கரெக்டாக, இயல்பாக‌ எல்லா கேரக்டர்களும் உச்சரித்து எந்த படமும் வந்ததில்லை. வில்லன் செல்வமாக வருபவர் சூப்பர் என்றால் அவருடைய மனைவியாக நடித்திருப்பவர் அட்டகாசம். தனுஷைத் தவிர வேறு எவரும் இந்த கேரக்டருக்குப் பொருந்த மாட்டார்கள். இயல்பான வசனங்கள், சென்னையின் உண்மையான அனுபவங்கள் என மொத்தத்தில் படம் சூப்பர்.படத்தின் சென்னை வட்டார வசனங்களுக்காகவே நிறைய காட்சிகளைத் திரும்பத் திரும்ப பார்த்தேன். செல்வம், அவர் மனைவி, அவர் தம்பி, அவர் மகன் சிறுவன் நடித்த காட்சி அவ்வளவு சூப்பர். "அவன் ஒரு சப்படி, அவன் கண்ண பாத்தியா..." என செல்வம் பேசும் அந்த சீன் ரொம்ப இயல்பாக அமைந்திருக்கும். இதே படத்தை வேறு யாராவது முன்னணி இயக்குனரோ முன்னணி நடிகரோ முன்னணி தயாரிப்பாளரோ கொடுத்திருந்தால் இப்படம் விளம்பரம் மூலம் எங்கோ போயிருக்கும்.
வெற்றிமாறன் உங்களுக்குப் பெரிய எதிர்காலம் இருக்கிறது. வாழ்த்துக்கள் பல கோடி.

by **ராஜா** Tue Sep 29, 2009 5:19 pm

சென்னை தமிழை படங்களில் , லூஸ் மோகன் , மற்றும் கமல்ஹாசன் சிறப்பாக பேசுவார்கள் என்று கேள்விபட்டிருக்கிறேன்.

by மரகதமணி1980 Tue Sep 29, 2009 5:33 pm

கமலஹாசன் சிறப்பாகப் பேசுவார். அவரே லூஸ் மோகனிடமிருந்துதான் கற்றுக் கொண்டதாகக் கூறுவார். ஆனால் நீங்கள் பொல்லாதவன் படத்தைப் பாருங்கள் அதில் சென்னைத் தமிழ் இயற்கையாகவே அமைந்திருக்கும். படத்தின் எல்லா கேரக்டர்களுமே சென்னைத் தமிழை அழகாகப் பேசுவார்கள். அதுதான் இதில் ஸ்பெஷல்.