கருணை மனு முடிவுக்கு காத்திருக்கும் 21 தூக்கு தண்டனை கைதிகள்

by **இளமாறன்** Fri Sep 02, 2011 3:20 am

கருணை மனு முடிவுக்கு காத்திருக்கும்
21 தூக்கு தண்டனை கைதிகள்

நாடு முழுவதும் 21 தூக்கு தண்டனை கைதிகள் ஜனாதிபதிக்கு கருணை மனு அனுப்பி வைத்துள்ளனர். அதன் முடிவு இன்னும் அறிவிக்கப்படவில்லை. இவை 5 ஆண்டுகள் முதல் 10 ஆண்டுகள் வரை முடிவு எடுக்கப்படாமல் கிடப்பில் போடப்பட்டுள்ளன.

இதில் பாராளுமன்றத்தின் மீது நடத்தப்பட்ட தாக்குதலில் கைது செய்யப்பட்ட தீவிரவாதி அப்சல் குருவின் கருணை மனுவும் அடங்கும்.

ஜனாதிபதி பிரதீபா பாட்டில் சில மாதங்களுக்கு முன்பு, பல்வேறு வழக்குகளில் மரண தண்டனை விதிக்கப்பட்ட 22 கைதிகளுக்கு தண்டனையை குறைத்து ஆயுள் தண்டனையாக மாற்றினார். இவர்களில் ஒருவர்கூட தீவிரவாதம் தொடர்பான குற்றச் செயல்களில் சம்பந்தப்பட்டவர்கள் கிடையாது.

கடந்த மே மாதத்தில் 2 கருணை மனுக்கள் மட்டும் ஜனாதிபதியால் நிராகரிக்கப்பட்டது. காலிஸ்தான் தீவிரவாதி புல்லார் மற்றும் அசாமை சேர்ந்த கொலை குற்றவாளி மகேந்திரநாத் தாஸ் ஆகியோரின் கருணை மனுக்கள் தள்ளுபடி செய்யப்பட்டன.

கருணை மனுக்கள் மீது மிகவும் தாமதமாக முடிவு எடுத்து அறிவிக்கப்பட்டதை சுட்டிக் காட்டி, சுப்ரீம் கோர்ட்டில் அப்பீல் செய்யப்பட்ட வழக்குகள் சிலவற்றில் மரண தண்டனை, ஆயுள் தண்டனையாக குறைக்கப்பட்ட வரலாறுகள் உள்ளன.

கடந்த 1989-ம் ஆண்டில் குஜராத்தை சேர்ந்த திரிவேணியிபென் என்ற தூக்கு தண்டனை கைதி தனது கருணை மனு மீது முடிவு எடுக்கப்பட்டதில், தேவையற்ற காலதாமதம் செய்யப்பட்டு இருக்கிறது என்று கூறி, சுப்ரீம் கோர்ட்டில், அப்பீல் செய்தார். நக்கீரன்