கனவுகளைத் திருடி வருகிறேன்....

**rameshnaga** · **rameshnaga** Thu Sep 01, 2011 5:11 pm

First topic message reminder :

உன்னை ஈர்ப்பதற்கான எனது பொய்கள்
திருடப் பட்டுவிட்டன -
இந்தக் கவிதை எழுதுபவர்களால்.
கொஞ்சம் பொறுத்துக் கொள்-
நான் வேறு எவனுடைய கனவுகளையாவது
திருடி வருகிறேன்.
*******************************
என்னிடம்-
காகம் வடை திருடிய கதையைக்
குழந்தை மழலை மொழியில்-
சொல்லிக் கொண்டிருந்தது.
ஏனோ-மரக்கிளையிலிருந்த ஒரு காகம்
கூடு கூட திரும்பாமல்-
அந்தக் குழந்தையிடம் கதறுகிறது..
"நான் திருடன் இல்லை"-என.
***********************************
அகிம்சை...சத்தியாக்ரகம்...
எதுவும் செத்துவிடவில்லை..
உயிரோடுதானிருக்கிறது.
எங்கள் தினசரிகளை நீங்கள்
புரட்டியதே இல்லையா?
சாலை போட...குழாய் நீருக்கு...
கழிப்பறைகளுக்கு...ஊழலை எதிர்த்து..
இப்படி ஒவ்வொன்றுக்கும்...
நாங்கள் உண்ணாவிரதமிருக்கிறோம்..
சத்தியாக்ரகம் செய்கிறோம்...
காந்தி தேசத்தில்...
காந்தி எப்போதும் உயிரோடிருப்பார்.
**************************************

**rameshnaga** · **rameshnaga** Fri Sep 02, 2011 3:38 pm

ரொம்பவும் நன்றி! அய்யம்பெருமாள்.

நிஜமாகவே அதில் "உள்குத்து" எதுவும் இல்லை அய்யம்பெருமாள்.
தனது காதலைப் புதிய வார்த்தைகளில் சொல்ல ஆசைப் படுகிறவன்
வார்த்தைகளுக்காக சிரமப் படுவதைச் சொல்லும் நிலைதான் அந்தக் கவிதை. அவ்வளவுதான்.

நன்றி! அய்யம்பெருமாள்.

**ayyamperumal** · **ayyamperumal** Fri Sep 02, 2011 3:48 pm

[quote]

rameshnaga wrote:
நிஜமாகவே அதில் "உள்குத்து" எதுவும் இல்லை அய்யம்பெருமாள்.
தனது காதலைப் புதிய வார்த்தைகளில் சொல்ல ஆசைப் படுகிறவன்
வார்த்தைகளுக்காக சிரமப் படுவதைச் சொல்லும் நிலைதான் அந்தக் கவிதை. அவ்வளவுதான்.

நீங்க உள்குத்து இல்லை என்றதும் தான் அந்தவரி எனக்கு புரிந்தது. இன்னொரு சம்பவத்தையும் நினைவு படுத்தியது.

'' தமிழ் கடல் நெல்லை கண்ணன். நல்ல இலக்கியவாதி, கவிஞரும் கூட.

அவருடைய வீட்டிற்க்கு சென்று , யாரோ ஒருவர், கவிதை எழுதியிருக்கிறேன் பாருங்கள் அய்யா என காண்பித்தாரம். அவரிடம் நெல்லை கண்ணன்,, இத எப்படிப்பா எழுதின என்றாராம் ....

அதற்க்கு அந்த நபர் ' எல்லாம் கலைவாணி கொடுத்தது என்றாராம்.

பிறகு, அதை படித்த நெல்லை கண்ணன் ,, இது கலைவாணி கொடுத்ததா ,,, களவாணி கொடுத்ததா என்று கேட்டாராம். ஏனென்றால் அவர் காண்பித்த கவிதைகள் " நெல்லை கண்ணன் கவிதை புத்தகத்தில் இடம் பெற்ற கவிதைகளாம்"

இதைப் போல நீங்கள் எங்கேயோ பாதிக்க பட்டிருக்கிறீர்கள் என எண்ணுகிறேன்.

**rameshnaga** · **rameshnaga** Fri Sep 02, 2011 6:40 pm

செய்தி சுவாரஸ்யமாய் இருந்தது அய்யம்பெருமாள்.
ஆனால்..இதுவரை நான் யாராலும் பாதிக்கப்படவில்லை அய்யம்பெருமாள்.

ரொம்பவும் நன்றி! அய்யம்பெருமாள்..செய்திப் பகிர்வுக்கு.

Sponsored content · Sponsored content

கனவுகளைத் திருடி வருகிறேன்....

கனவுகளைத் திருடி வருகிறேன்....

Re: கனவுகளைத் திருடி வருகிறேன்....

Re: கனவுகளைத் திருடி வருகிறேன்....

Re: கனவுகளைத் திருடி வருகிறேன்....

Re: கனவுகளைத் திருடி வருகிறேன்....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக