மாஜி அமைச்சர் பொன்முடி கைது : விழுப்புரத்தில் பரபரப்பு!

by மகா பிரபு Wed Aug 31, 2011 5:22 pm

முன்னாள் அமைச்சர் பொன்முடி இன்று பகல் திடீரென கைது செய்யப்பட்டார். அவரது வீட்டு முன்பு திரண்டிருந்த தொண்டர்கள், கைதுக்கான காரணம் கேட்டு போலீசாருடன் வாக்குவாதம் செய்ததால் பெரும் பரபரப்பு ஏற்பட்டது. தமிழகம் முழுவதும் நிலஅபகரிப்பு புகார்களின் பேரில் திமுக முன்னணி தலைவர்கள், நிர்வாகிகள் கைது செய்யப்பட்டு வருகின்றனர். இந்நிலையில், விழுப்புரம் மாவட்ட திமுக செயலாளரும், முன்னாள் அமைச்சருமான பொன்முடி வீட்டு அருகே இன்று காலை போலீசார் குவிக்கப்பட்டனர். அவரை கைது செய்ய இருப்பதாக தகவல் பரவியதால் ஏராளமான தொண்டர்கள் விழுப்புரம் கிழக்கு சண்முகாபுரத்தில் உள்ள அவருடைய வீட்டின் முன்பு குவிந்தனர். போலீசாரை வீட்டுக்குள் செல்ல விடாமல் தடுப்பு அரண் அமைத்தனர். இதனால் அங்கு பெரும் பரபரப்பு ஏற்பட்டது.

நீண்ட நேர போராட்டத்துக்கு பிறகு விழுப்புரம் டிஎஸ்பி சேகர், நிலமோசடி சிறப்பு பிரிவு டிஎஸ்பி ஜெயராம் மற்றும் 4 இன்ஸ்பெக்டர்கள் தலைமையிலான போலீசார் பொன்முடி வீட்டுக்குள் அதிரடியாக நுழைந்தனர். அவர்களை திமுகவினர் தடுத்ததால் இரு தரப்பினருக்கும் தள்ளுமுள்ளு ஏற்பட்டது. தொண்டர்களை விரட்டிவிட்டு உள்ளே நுழைந்த போலீசார், பொன்முடியை கைது செய்தனர். கைதுக்கான காரணத்தை கேட்டு போலீசாருடன் திமுக நிர்வாகிகள் கடும் வாக்குவாதத்தில் ஈடுபட்டனர். இதனால், பொன்முடியை வெளியே அழைத்துவர முடியாமல் போலீசார் திணறினர். இதைத் தொடர்ந்து அங்கு பதற்றம் உருவானதால் கூடுதலாக போலீசார் குவிக்கப்பட்டுள்ளனர்.

தினகரன்

by **சிவா** Wed Aug 31, 2011 6:47 pm

நல்லவராக இருந்திருந்தால் ஏன் கைது செய்கிறார்கள். இதில் பரபரப்பு ஏற்படவோ, மக்கள் அச்சம் கொள்ளவோ அவசியமில்லை.

சட்டம் தன் கடமையைச் செய்யட்டும். சிரி

by **ரா.ரமேஷ்குமார்** Wed Aug 31, 2011 7:09 pm

பரபரப்பு என்பது எல்லாம் வெறும் பொய் அவரை கைது செய்யும் வரை தான் தொண்டர்கள் இருப்பார்கள் அதற்கு பின் அவர் அவர் வேலையை பார்க்க சென்று விடுவார்கள் கொள்ளை அடிப்பது இவர் கொள்கை மட்டும் தொண்டர்களுக்கா...

by smcsuresh Fri Sep 02, 2011 10:47 am

பரபரப்பு என்பது எல்லாம் உண்மை தான் , ஒன்று இரண்டு அல்ல பூரா கூட்டமே கொள்ளை கும்பல் என் தெரிய வரும்ப்தோ பரபரப்பு வருவதில் ஒண்றும் ஆச்சர்ய படுவதற்கில்லை. இந்த கொள்ளை கூட்ட தலைவனை எப்பொளுதூ கைது செய்ய போகிறார்கள் அதை இந்த நாடே எதிபார்த்து கதிருக்கிறது

by Sponsored content

மாஜி அமைச்சர் பொன்முடி கைது : விழுப்புரத்தில் பரபரப்பு!

மாஜி அமைச்சர் பொன்முடி கைது : விழுப்புரத்தில் பரபரப்பு!

Re: மாஜி அமைச்சர் பொன்முடி கைது : விழுப்புரத்தில் பரபரப்பு!

Re: மாஜி அமைச்சர் பொன்முடி கைது : விழுப்புரத்தில் பரபரப்பு!

Re: மாஜி அமைச்சர் பொன்முடி கைது : விழுப்புரத்தில் பரபரப்பு!

Re: மாஜி அமைச்சர் பொன்முடி கைது : விழுப்புரத்தில் பரபரப்பு!