மதுரை நகைக் கடைகளில் தராசுகள் பறிமுதல்

**இளமாறன்** · **இளமாறன்** Tue 30 Aug 2011 - 17:31

மதுரை : மதுரையில் நகைக் கடைகளில் எடையளவு அதிகாரிகள் திடீர் சோதனை நடத்தி எலக்ட்ரானிக் தராசுகளை பறிமுதல் செய்தனர். தொழிலாளர் நலத்துறை கூடுதல் கமிஷனர் ராஜா, இணை கமிஷனர் ராதாகிருஷ்ண பாண்டியன் உத்தரவின் பேரில் உதவி கமிஷனர் என்.கோவிந்தன் தலைமையில் நேற்று 65 நகைக் கடைகளில் திடீர் சோதனை நடந்தது. பல கடைகளில் எலக்ட்ரானிக் தராசுகள் மறு முத்திரையிடாமல் இருந்தன. எடையை அதிகமாக காட்டும், அங்கீகாரம் பெறாத வெளிநாட்டு தராசுகள் பறிமுதல் செய்யப்பட்டன. ஒரு மி.கி., முதல் 3 கிலோ வரை எடைக் கற்களை சோதனை செய்ததில், 17 தராசுகள் கூடுதல் எடையை காட்டியது தெரிந்தது. அவற்றை பறிமுதல் செய்து, உரிமையாளர்கள் மீது நடவடிக்கை எடுக்கப்பட்டது. அதிகாரிகள் கூறுகையில், "வருங்காலங்களில் ஆய்வுகள் மேற்கொள்ளப்படும். வியாபாரிகள் தராசு, எடைக் கற்களை ஆண்டுக்கு ஒருமுறை மறுமுத்திரையிட வேண்டும். இல்லையெனில் கடும் நடவடிக்கை எடுக்கப்படும்,' என்றனர்.

தினமலர்