உங்கள் வலைப்பூவிற்கு வாசகர் எண்ணிக்கையை அதிகரிப்பது எவ்வாறு?

பிளாக்கர் ரிப்ஸ் 1

வணக்கம் வாசகர்களே! உங்கள் ஆதரவினால் என்னைப்போன்ற பதிவர்களுக்கு மேலும் எழுத வேண்டும் என்ற தூண்டுதல் கிடைக்கிறது. நன்றி. உங்கள் பின்னுட்டக்கருத்துக்களே எங்களை புடம் போடுவதால் தயவு செய்து பின்னுட்டக்கருத்துக்களை எந்த தளம் சென்று வாசித்தாலும் பதியுங்கள்!

சரி இன்றைய பதிவை பார்ப்போம்.

வழமையைப் போல இது ஒரு மென்பொருள் பதிவல்ல நண்பர்களே. மாறாக கூட்டம் சேர்க்கும் பதிவு. பிளாக்கரில் followers என்ற பெயரில் நமக்கென ஒரு நட்பு வாசக வட்டாரம் இருப்பதை நீங்கள் பதிவராக இருந்தால் அறிந்திருப்பீர்கள். அதுவும் அதன் முக்கியத்துவத்தை அதிகம் உணர்ந்தும் இருப்பீர்கள். ஆனால் தேர்தல், சினிமாவுக்கு காசு, போத்தல், உணவு பொட்டலம் கொடுத்து சேர்க்கும் கூட்டத்திலும் பார்க்க இக் கூட்டம் சற்று வித்தியாசமானது.

ஒன்று நமக்கு தெரிந்த நண்பர்கள் முகம் முறிக்கக் கூடாது என்பதற்காகவே எமது இம்சையை பொருட்படுத்தாமல் சேர்ந்திருப்பார்கள். ஏனையோர் நிச்சயம் நம் எழுத்தினால் ஈர்க்கப்பட்டவர்களாகவே இருப்பார்கள். அவ்வாறு ஈர்க்கப்பட்டு வருபவர்களை தொடர்ந்து தக்கவைப்பது நம் கெட்டித்தனம். மனைவி கூட கழட்டிவிட தயங்குவாள் காரணம் டிவோஸ் பயம்(?) ஆனால் இவங்கள் உங்களை எப்பவேனுமானாலும் கழட்டி விடலாம். பதிவுலகு அவ்வளவு சுதந்திரம்.

சரி நாம் இப்ப அந்த நண்பர் கூட்டத்தை எவ்வாறு அதிகரிப்பது என்று பார்ப்போம். ஏனென்றால் சில சக்கைப் பதிவுகள் மொக்கை என்ற பெயரில் கவர்ச்சியான பெயரிட்டு ஏதோ நமக்கு உபயோகமான கருத்துக்களை சொல்லப்போறவங்கள் மாதிரி நம்மை தம் தளத்திற்கு அழைத்து நமது நேரத்தை வீணடிக்கும் சில பதிவுலக மொக்கையர்கள் (Bloggidiots) கையாளும் இந்த கள்ள தந்திர உத்தியினால் அதிக வாசகர்கள் இணையத்தில் வாசிப்பதற்கென ஒதுக்கும் நேரத்தில் பெரும்பகுதியை இழந்து நல்ல கருத்துக்கள் எதையும் பெற முடியாமல் ஏமாற்றத்துடன் திரும்புவதால் பயனுள்ள ஆனால் கவர்ச்சிப் பெயரிடாத பதிவுகள் இடும் பதிவர்கள் ஈ ஓட்டுவதை விட வேறு வழியில்லை.

இவ்வாறு மனம் நொந்த கூட்டத்தில் நானும் சில காலமாக இருந்து வருவதால் தான் இந்த பதிவு எழுத வேண்டிய உந்துதல் ஏற்பட்டது. ஏன் இவ்வாறு நொந்த கூட்டத்தில் உள்ள எல்லோரும் சேர்ந்து நம் வாசகர் எண்ணிக்கையை அதிகரிக்க கூட்டம் சேர்க்க ஏதாவது உத்தி பண்ணலாமா என்று யோசித்த போதே பிளாக்கரே இதற்கு வழி சொல்வதை கண்டு கொண்டேன். இந்த சிபார்சு செய்யும் பொறிமுறை பலருக்கு தெரிந்திருந்தாலும் ஆனால் பயன்படுத்தியிருக்க மாட்டோம்.

அந்த பொறிமுறையை எவ்வாறு பயன்படுத்தலாம் என்று பார்ப்போம்.

முதலில் இந்த வழிமுறையை பயன்படுத்தி நீங்கள் அடுத்தவர் தளத்திற்கு உங்கள் தளத்திலுள்ள நண்பர்களை அறிமுகப்படுத்துங்கள். அதாவது நீங்கள் செல்லும் தளங்களை உங்கள் நண்பர்களுக்கும் சிபார்சு பண்ணி அவங்களையும் அந்த தளங்களுக்கு செல்ல வையுங்கள். இன்னும் விரிவாக சொன்னால் நீங்கள் செல்லும் தளங்களுக்கு நண்பர்களை சேர்த்து விடும் முகவராக முதலில் நீங்கள் மாறவேண்டும்.
அதற்கான வழி

நீங்கள் செல்லும் தளங்களின் நட்பு வாசகர் வட்டாரத்தில் உங்களை .முதல் இணையுங்கள்.
பின் உங்கள் சொந்த தள நட்பு வாசகர்களுக்கு குறித்த தளத்தில் இணைவதற்கான அழைப்பிதழ் அனுப்புங்கள்.
கிழே உள்ள படத்தை பாருங்கள் நண்பர் மதி சுதாவின் மதி ஓடை தளத்திற்கு என் நண்பர்களை அழைத்ததை படம் காட்டுகிறது.







இலக்கம் 1 நான் அவரின் தளத்தில் எனது பிளாக்கர் கணக்கை பயன்படுத்தி நுழைந்துள்ளதை காட்டுகிறது.
இலக்கம் 2 இருவர் தளத்திலும் இணைந்துள்ள பொதுவான வாசகர்களை காட்டுகிறது.
இலக்கம் 3, இதில் தான் விசயமே தங்கியிருக்குது. Invite your friends என்ற லிங்கை சொடுக்குங்கள்
புதிய பொப் அப் வின்டோ கீழே உள்ளது போன்று வரும்.



வந்த வின்டோவில் உங்கள் நண்பர்கள் காட்டப்படுவார்கள். இதில் நீங்கள் விரும்பிய நண்பர்களுக்கோ அல்லது அனைவருக்குமோ அழைப்பிதழ் அனுப்ப முடியும்.கீழே உள்ள படத்தை பாருங்கள்.



அல்லது உங்கள் நண்பர்கள் அல்லாத ஏனையோருக்கும் மின்னஞ்சல் முகவரிக்கு அழைப்பிதழ் அனுப்ப முடியும். கீழே உள்ள படத்தை பாருங்கள்.





இதே போன்று உங்கள் கருத்துக்களையும் அவர்களுக்கு அழைப்பிதழில் உள்ளிட்டு அனுப்பலாம். கீழே உள்ள படத்தை பாருங்கள்.



இறுதியில் Send invitations என்றுள்ள பொத்தானை சொடுக்கி அழைப்பிதழை அனுப்பி விடுங்கள்.

இதே போன்று உங்கள் Twitter மற்றும் Facebook உட்பட ஏனைய சமூக தளங்களில் உள்ள நண்பர்களுக்கும் அழைப்பிதழை அனுப்பி விடுங்கள்.கீழே உள்ள படத்தை பாருங்கள்.







இவ்வாறு பொறுமையாக நீங்கள் மற்றவர்களுக்கு கூட்டம் சேர்த்து கொடுத்தால் அவங்களும் உங்களுக்கு கூட்டம் சேர்த்து தர முயலுவாங்கள்.

விளைவு உங்கள் பதிவுகள் பிரபல்யமாவதுடன் உங்கள் தள Rank உம் கூடும். நல்ல தகவல்களை தேடி வரும் வாசகர்களின் பொன்னான நேரமும் காக்கப்படும்.

அப்படா ஒரு மாதிரி நானும் பெரிய பதிவொன்று போட்டிட்டேன்.

இந்த பதிவை எழுதிய எனக்கு நீங்கள் பரிசளிக்க வேண்டாமா? ஆம் வாசகர்களே உங்கள் கூட்டம் சேர்க்கும் நற்பணியை என் தளத்திலிருந்தே தொடங்குங்கள்.

நன்றி: மதிசுதா தங்கள் தள படங்கள் அழகாக இருக்கா?

முக்கிய குறிப்பு:வாசகர்களே தவறுதலாக படங்கள் இந்த பதிவில் வரவில்லை. படங்களை காண கீழே உள்ள லோகோவை சுட்டுங்கள்





தங்கள் வரவு நல்வரவாகட்டும்[center]