ஈகரை ஒரு புரிதல் !

**ayyamperumal** · **ayyamperumal** Mon 29 Aug 2011 - 12:24

First topic message reminder :

ஈகரை ஒரு புரிதல் :

இது ஈகரையின் சிறப்பு பதிவாளர் ரேவதி அவர்கள் கேட்ட
கேள்விக்கான பதில் தான் . அந்த திரியில் பதியாமல், தனியாய் பதிவதற்க்கு, எல்லோரும் என்னை மன்னிக்க வேண்டும். அதில் வர கூடாத சில தகவல்களை நான் இதில் கூறுவதால் தான் தனி திரியில் பதிகிறேன்.

"ஈகரையை பற்றி உங்கள் கருத்து "

இந்த கேள்வியை வாசித்து விடுவதை போல அவ்வளவு
எளிதாய் பதில் சொல்ல முடியவில்லை. ஆகவே சில தகவல்களை புரிந்து கொண்டு பதில் தருகிறேன். சற்று பந்தாவாக சொல்ல வேண்டுமானால் " an observation study, to have a better understanding about eegarai " என்று சொல்லலாம். இதன் அடிப்படையில் எனது பார்வையில் ஈகரை இதோ ....

ஈகரை உறவு பாலமா ?

ஈ + கரை = ஈகரை
ஈ = கொடு , தா , அளி என்றெல்லாம் பொருள் படும்.
கரை = எல்லை , ஓரம் என்று பொருள் படும்.

நம்முடைய எண்ணங்களை. எல்லைகள் கடந்து, உலகின் எந்த
ஓரத்திலும் உள்ள உறவுகளிடம் சேர்ப்பதால் ஈகரை உலக தமிழர்களின் உறவு பாலம் தான். தமிழர்கள் என்றால் தமிழ் கற்றவர்கள்.

எனது ஈகரை :

ஈகரை வயலில்
உணர்வுகளை விதைத்து
உறவுகளை வளர்க்கிறோம் ;
இங்கு அறுவடை செய்வது
தமிழாய் இருந்தாலும் ,,,
மனது சமைந்து விடுவதால்
மகிழ்ச்சியை உண்கிறோம்:

ஈகரையின் நிறைகள் :

*
இங்கு கவிதைகளுக்கு இணையாக கட்டுரைகள் படிக்கபடுகின்றன.அதிலும்
தேசியம் தொடர்பான பதிவுகள் எல்லோராலும் விரும்ப படுகிறது. இது நாம்
தேசபக்தியை கட்டுகிறது. நம்மவர்களுக்கு அரட்டை எல்லாம் இரண்டாம்
பட்சம் தான்.

* புதுமைகள் போற்ற படுகின்றன. திறமைகள் ஊக்கு விக்க படுகின்றன.

* சகிப்பு தன்மை, உண்மை, வெளிப்படை இயல்பாகவே அமைந்து விடுகிறது.

( இன்னும் இருந்தாலும் இது போதும் )

குறைகள்

நெல்லுக்கும் உமியுண்டு
நீருக்கும் நுரையுண்டு : - நம்
ஈகரையிலும் சில குறை உண்டு..

ஆயிரக்கணக்கில் பதிவு செய்திருக்கும் ஜாம்பவான்களும், சிறப்பு
உறுப்பினர்களும் அமைதியாக இருக்கும் போது, 500 பதிவுகள் செய்த நன் ஈகரையை குறை கூறுவது நாகரீகம் இல்லை. ஆனாலும் இந்த குறைகளின் அடிப்படையில் சில பரிந்துரைகளை முன் வைத்திருக்கிறேன்.

பரிந்துரைகள்;

உறுப்பினர்கள் பதிவாளராய் இருக்கும் போது ;

உறவுகள் விரும்புகிற பதிவை மட்டும் கொடுத்தால் ரசிக்க படுவீர்கள்.
நீங்கள் எதை கொடுத்தாலும் உறவுகள் விரும்புகிற வகையில் கொடுத்தால் போற்ற படுவீர்கள். இந்த இரண்டில் எதை செய்தாலும் உங்களுக்கென தனி நடையை அமைத்து கொள்ளுங்கள்.

பதிவுகளின் வடிவம் :

கட்டுரைகளை பதியும் போது, (para ) பத்தி அமைப்பில் கவனம்
செலுத்த வேண்டும். உதாரணமாய் 5 லிருந்து 7 வரிகளை ஒரு பத்தியாய் அமைப்பது நலம். 20 வரிகளை கூட ஒரே பத்தியாய் எழுதினால், அது சலிப்பை தரும்.

குழந்தையாய் மாறுங்கள்

உங்களால் பதியப்பட்ட ஒன்று 0 பின்னூட்டத்தில் இருந்தால்
நிச்சயம் வறுத்த படுவீர்கள். இது கவனிக்க படாமல் இருப்பது சகஜம். அப்போது நீங்கள் நினைக்கிற ஒரு நபருக்கு தனி அஞ்சல் எழுதி படிக்க சொல்லுங்கள். அதெப்படி வழிய சென்று ஒருவரை படிக்க சொன்னால், சரியாய் வருமா ? என்று கேள்வி கேட்டாள் நீங்கள், கர்வத்தையும், வெட்கத்தையும் சுமக்கிறீர்கள் என்று பொருள். அதை தூக்கி போடுங்கள்.

அ, ஆ , வை எழுதிய குழந்தை, அதை தான் தாயாரிடம் காட்டுவதை போல
நீங்கள் ஈகரையில் இருப்பவர்களை தாயக கருதி, உங்கள் பதிவுகளை படிக்க சொல்லுங்கள்.

தாய்மை உணர்வுடன் இருங்கள் :

பதிவாளர் @ படைப்பாளி தாயாய் இருக்க வேண்டும். ஈகரை
உறுப்பினர்கள் எல்லோரும் குழந்தையை போல, விரும்பியதைத்தான் (படிப்பார்கள்) உண்பார்கள். பதிவாளர்கள் தான் தாயாய் இருந்து, உறுப்பினர்களுக்கு சரிவிகித உணவை தர வேண்டும். இதற்கு நீங்கள் என்ன உத்தியை கையாண்டாலும் சரி.

நன்றி சொல்லுங்கள் :

நமக்கு நாமே நன்றி சொல்வது சரி இல்லை தான். ஆனாலும் இங்கு
நன்றி சொல்வதை, பின்னூட்டம் தந்தவர்கள் எதிர் பார்க்கிறார்கள்.

உறுப்பினர்கள் வாசகராய் இருக்கும் போது :

பிரதி எடுத்து படியுங்கள் :

பெரிய அளவிலான கட்டுரைகளையும், செய்திகளையும்,
சமையல் குறிப்புகளையும் பிரதி எடுத்து கொண்டு வீட்டிற்கு சென்று படியுங்கள். பொறுமையை பின்னூட்டம் தந்தாள் போதுமானது. உங்கள் பின்னூட்டத்தின் தரம் தான் பேசப்படும். நீங்கள் பின்னூட்டம் அளித்த வேகம் பேசப்படாது.

ஏமாற்ற கூடாது :

எந்த ஒரு பதிவினையும் முழுமையாய் படிக்காமல் பின்னூட்டம் தர கூடாது. அப்படி செய்தால் அது நாம் ஈகரைக்கு செய்யும் துரோகம். ஒருவகையில் நமக்கு நாமே செய்கிற சுய துரோகம்.

குறியீடுகள் :

அரட்டைகள் அல்லாமல் மற்ற பதிவுகளில் குறியீடுகளை தனியே ,
பின்னூட்டமாக தர கூடாது.அதனுடன் எதாவது எழுதுவதுதான் சிறப்பு. குறியீடுகள் 0 வை போல. தனியே இருந்தால் மதிப்பில்லை. மேலும் அது உங்களுக்கும், பதிவாளருக்கும் நெருக்கத்தை ஏற்படுத்தாது.

மகளிர் அணிக்கான பரிந்துரைகள் :

உறவுகளை பேணிகாப்பது , பெண்களுக்கு மட்டுமே உரிய தனி
சிறப்பு. நாம் உறுப்பினர்கள் இன்னும் சிறப்பாய் உறவுகளை மேம்படுத்த வழிவகை செய்யுங்கள். எல்லோரும் , எல்லோர் மீதும் சரிசமமாய் கவனம் வையுங்கள். அது மனோவியல் சார்ந்து எல்லோரையும் உற்சாக படுத்தும்.

நன்றி.

dsudhanandan · dsudhanandan Mon 29 Aug 2011 - 14:48

அருமையான உங்கள் புரிதலுக்கும், அதை இங்கே பகிர்ந்தமைக்கும் என் நன்றிகள் பல...

**ஜாஹீதாபானு** · **ஜாஹீதாபானு** Mon 29 Aug 2011 - 15:31

நல்ல அருமையான கருத்து சொல்லி இருக்கீங்க....
இதை அனைவரும் புரிந்து செயல்பட்டால் நன்று சூப்பருங்க

**ஸ்ரீஜா** · **ஸ்ரீஜா** Mon 29 Aug 2011 - 15:55

உண்மையிலேயே உங்களது கருத்து முற்றிலும் எர்ப்புடையது......... மிக்க நன்றி நண்பரே ........... இதனை நாம் அனைவரும் ஏற்று செயல் படுவோம்........ ஈகரைக்கு இன்னும் சிறப்பு சேர்ப்போம் ............ சூப்பருங்க

**ayyamperumal** · **ayyamperumal** Mon 29 Aug 2011 - 18:06

அருண் ,
ஹாசிம்,
பாலாஜி,
உமா அக்கா,
ராஜா அய்யா,
கல்யாண சுந்தரம்,
mass fareeth,
ரேவதி
வின்சீலன்,
சுதானந்தன்,
ஜாகீதா அக்கா,
ஸ்ரீஜா.

உங்கள் அனைவருக்கும் நன்றி . உண்மையில் ஈகரை பற்றிய உங்கள் கருத்து என்கிற கேள்வியை கேட்டவருக்கும், ஒரே வரியில் பதியாதீர்கள் என்று அறிவுரை வழங்கிய நண்பருக்கும் நாம் எல்லோரும் நன்றி சொல்ல வேண்டும்.

**கே. பாலா** · **கே. பாலா** Mon 29 Aug 2011 - 19:52

இந்த திரிக்கு என் மதிப்பெண்
[You must be registered and logged in to see this link.]

**ayyamperumal** · **ayyamperumal** Mon 29 Aug 2011 - 19:59

கே. பாலா wrote:இந்த திரிக்கு என் மதிப்பெண்
[You must be registered and logged in to see this link.]

நன்றி பாலா சார் ! 3 ஆம் வகுப்பில் சூழ்நிலையியல் பாடத்தில் 100 மதிப்பெண்கள் வாங்கினேன். அதற்க்கு பின்பு இப்பொழுதுதான் வாங்குகிறேன். டி‌என்‌பி‌எஸ்‌சி தேர்வுகளில் கூட தமிழில் 85 கேள்விகளுக்கு தான் சரியாய் பதில் தர முடிந்தது. (ஆனால் எழுத்து பிழைகள் அதிகமாக உள்ளனவே)

**பிஜிராமன்** · **பிஜிராமன்** Mon 29 Aug 2011 - 20:13

அய்யம் பெருமாள் . நா அவர்களே இது ஒரு மிக சரியான புரிதலை அனைவருக்கும் ஏற்படுத்தும் என்பதில் எந்த விட ஐயமும் இல்லை......மிக்க நன்றிகள் இது போன்ற பதிவினை இட்டதற்கு [You must be registered and logged in to see this image.]

sino · sino Mon 29 Aug 2011 - 20:17

**Admin** · **Admin** Mon 29 Aug 2011 - 21:08

நான் கூட இதுவரை இவ்வாறு நினைத்துப் பார்த்ததில்லை. மிகவும் அழகாக அன்பாக நிறை குறைகளை எடுத்துக் கூறியுள்ளீர்கள். தரமான கட்டுரையை வழங்கியதற்கு என் பாராட்டுக்கள் அய்யம் பெருமாள்.

மேலும் உறவுகள், ஒருவர் குறிப்பிட்ட இலக்கான பதிவை அடையும் முன்னரே அவருக்கு வாழ்த்துத் திரி துவங்கி அந்தப் பதிவாளரை விரைவில் அந்த இலக்கை அடைய நெருக்கடி தருவது போல் செயல்படுவதைத் தவிர்த்தால் நல்லது.

உதயசுதா · உதயசுதா Mon 29 Aug 2011 - 21:30

ரொம்ப அழகா அருமையா எழுதி இருக்கீங்க அய்யம் பெருமாள்.
நன்றி உங்கள் புரிதலுக்கு

Sponsored content · Sponsored content

ஈகரை ஒரு புரிதல் !

ஈகரை ஒரு புரிதல் !

Re: ஈகரை ஒரு புரிதல் !

Re: ஈகரை ஒரு புரிதல் !

Re: ஈகரை ஒரு புரிதல் !

Re: ஈகரை ஒரு புரிதல் !

Re: ஈகரை ஒரு புரிதல் !

Re: ஈகரை ஒரு புரிதல் !

Re: ஈகரை ஒரு புரிதல் !

Re: ஈகரை ஒரு புரிதல் !

Re: ஈகரை ஒரு புரிதல் !

Re: ஈகரை ஒரு புரிதல் !

Re: ஈகரை ஒரு புரிதல் !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக