ஒரே காட்சியில் ஒரு திரைப்படமா?

ஈகரை தமிழ் களஞ்சியம் :: பொழுதுபோக்கு :: சினிமா

Page 1 of 1 •

ஒரே காட்சியில் ஒரு திரைப்படமா?

#615083

ந.கார்த்தி
வி.ஐ.பி: பதிவுகள் : 6112
இணைந்தது : 06/04/2011

Post ந.கார்த்தி Sun Aug 28, 2011 7:34 pm

தனக்கென்று தமிழ் சினிமாவில் 'புதிய பாதை' போட்ட ரா. பார்த்திபன் தற்போது 'வித்தகன்' என்ற படத்தில் நடித்து வருகிறார்.

தமிழில் மட்டுமின்றி, மலையாளத்திலும் இவர் நடித்து வருகிறார். மலையாளத்தில் இவர் கதாநாயகனாக நடித்த 'மேல்விலாசம்' எனும் திரைப்படம் தமிழில் 'உள்விலாசம்' என்ற பெயரில் மொழிமாற்றம் செய்யப்பட்டுள்ளது. இப்படம் விரைவில் திரைக்கு வர இருக்கிறது. இந்திய ராணுவத்தில் அடிக்கடி நிகழும் உண்மை சம்பவங்களை அடிப்படையாக வைத்து இப்படத்தின் கதை பின்னப்பட்டுள்ளது. இப்படத்தை மாதவ் ராமதாஸன் என்பவர் இயக்கியிருக்கிறார். பார்த்திபனுடன் சுரேஷ் கோபி, 'தலைவாசல்' விஜய், 'நிழல்கள்' ரவி ஆகியோர் நடித்திருக்கிறார்கள்.

இப்படத்தின் கதை என்னவென்றால் ஜவான் ராமச்சந்திரனாக வரும் பார்த்திபன், தனது ராணுவ உயரதிகாரிகள் இரண்டு பேரை சுட்டுக் கொல்கிறார். இதையடுத்து அவரை ராணுவ நீதிமன்றம் விசாரிக்கிறது. இந்த விசாரணையின் முடிவு என்ன? பார்த்திபன் ஏன் அவரது உயரதிகாரிகளை கொன்றார்? என்பதை உருக்கமாக சொல்லியிருக்கிறார்கள். இப்படத்தின் விளம்பரத்தில் 'இந்திய திரை உலக வரலாற்றிலேயே ஒரே காட்சியில் ஒரு திரைப்படம்' என குறிப்பிட்டிருக்கிறார்கள். இப்படம் விரைவில் திரைக்கு வர இருக்கிறது.

இந்த புதுவிலாசமாவது மீண்டுமொரு நல்ல அடையாளத்த தரட்டும்.....
TMT