சிறுவாபுரி திருப்புகழ்

**Admin** · **Admin** Sun Aug 28, 2011 7:56 am

சீதன வாரிஜ பாதா! நமோ நம
நாரத கீத விநோதா நமோ நம
சேவல மாமயில் ப்ரீதா! நமோநம மறைதேடுஞ்

சேகரமான ப்ரதாபா! நமோநம
ஆகம சார சொரூபா நமோநம
தேவர்கள் சேனைம கீபா! நமோநம கதிதோயப்

பாதக நீவுகுடோரா! நமோ நம
மாவசு ரேசர்க டோரா! நமோ நம
பாரினி லேஜய வீரா! நமோநம மலைமாது

பார்வதி யாள்தரு பாலா நமோ நம
நாவல ஞான மனோலா நமோ நம
பால குமார சுவாமி! நமோ நம அருள்தாராய்

போதக மாமுகன் நேரான சோதர
நீறணி வேணியர் நேயா! ப்ரபாகர
பூமக ளாமரு கேசா மகோததி இகல்சூரா

போதக மாமறை ஞானா! தயாகர!
தேனவிழ் நீபநறா வாரு மார்பகா
பூரண மாமதி போல்ஆறு மாமுகா! முருகேசா

மாதவர் தேவர்க ளோடமு ராரியும்
மாமலர் மீதுறை வேதாவு மேபுகழ்
மாநிலம் ஏழினும் மேலான நாயக! வடிவேலா

வானவர் ஊரினும் வீறாகி வீறள
காபுரி வாழ்வினு மேலாக வேதிரு
வாழ்சிறு வாபுரி வாழ்வே! சுராதிபர் பெருமானே

பொருள்:

குளிர்ந்த தாமரை போன்ற பாதங்களை உடையவனே வணங்குகிறேன். நாரதரின் இசையில் லயித்திருப்பவனே உன்னை வணங்குகிறேன். அசுரர் தலைவர் அஞ்சும் வீரனே உன்னை வணங்குகிறேன். நற்கதி காட்டும் நாயகனே வணங்குகிறேன். தேவர்களின் சேனாதிபதியே உன்னை வணங்குகிறேன். பார்வதியின் குமாரனே உன்னை வணங்குகிறேன். எப்பொழுதும் என் மனதில் ஞான உலா வருபவனே உன்னை வணங்குகிறேன். தவக் கோலத்தில் காட்சி தரும் பாலகுமார சுவாமியே வணங்குகிறேன். யானைமுக நாயகனின் அருமைத் தம்பியே! முனிவர்களின் அன்பனே! லட்சுமியின் மருமகனே! திருமறை வேதங்களின் தலைவனே! பிரம்மனுக்கு உபதேசம் செய்தவனே! தேன் நிறைந்த மாலைகள் அணிந்த மார்பினனே! பவுர்ணமியின் முழு நிலவு போன்ற ஆறுமுகங்கள் கொண்ட முருகேசா! மாபெரும் தவம் செய்த முனிவர்கள், தேவர்கள், திருமால், மலர் மீது அமர்ந்திருக்கும் பிரம்மா, இவர்கள் புகழும் ஏழு உலகத்திற்கும் மேலான நாயகனே! வானுலகில் சிறந்த இந்திர லோகமான அழகாபுரியின் வாழ்வைக் காட்டிலும் வாழ்க்கை வாழும் சிறுவாபுரி வாழ் பெருமானே.

சிறுவாபுரி திருப்புகழ்

சிறுவாபுரி திருப்புகழ்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக