அப்சல் குருவையும் உடனடியாக தூக்கில் போட வேண்டும்

பாராளுமன்ற தாக்குதல் வழக்கு குற்றவாளி அப்சல் குருவையும் உடனடியாக தூக்கில் போட வேண்டும் : பா.ஜனதா தலைவர் பொன்.ராதாகிருஷ்ணன் பேட்டி

திருவாரூர் மாவட்டம் மன்னார்குடியில் பா.ஜனதா மாநில தலைவர் பொன்.ராதாகிருஷ்ணன் நிருபர்களுக்கு பேட்டி அளித்தார். அப்போது அவர் கூறியதாவது:-

ஊழல் ஒழிக்கப்பட வேண்டும். அயல் நாடுகளில் குவிக்கப்பட்டு உள்ள கறுப்பு பணத்தை மீண்டும் இந்தியாவிற்கு கொண்டு வர வேண்டும். அந்த பணத்தை ஏழை, எளிய மக்களின் வாழ்க்கை மேம்பாட்டிற்கு பயன்படுத்த வேண்டும் என்று பாரதீய ஜனதா கட்சி நீண்ட காலமாக போராடி வருகிறது.

இந்த போராட்டத்துக்கு வலு சேர்க்கும் வகையில் பாபா ராம்தேவ், அன்னா ஹசாரே ஆகியோர் ஊழல் எதிர்ப்பு போராட்டத்தில் முன்னணியில் இருக்கிறார்கள். இதை பாரதீய ஜனதா கட்சி வரவேற்கிறது. மத்திய அரசு வலிமையான லோக்பால் மசோதாவை கொண்டு வர வேண்டும். இது பிரதமர் உள்பட அனைவரையும் விசாரிக்கும் திறன் படைத்ததாகும். இதனால் சாதாரண மக்கள் கூட பயனடைய வேண்டும் என விரும்புகிறோம். ஆதலால் இந்த பாராளுமன்ற கூட்டத்தொடரிலேயே இதை நிறைவேற்ற வேண்டும்.

ராஜீவ்காந்தி கொலை வழக்கில் 3 பேருக்கு தூக்கு தண்டனை வழங்கப்பட்டுள்ளது. பாரதீய ஜனதா கட்சியை பொறுத்தவரை தவறு செய்தவர்கள் தண்டிக்கப்பட வேண்டும் என்பதில் மாற்று கருத்து கிடையாது. தவறுக்கு உண்மையான காரணமானவர்களை முழுமையாக கண்டுபிடித்துவிட்டார்களா? என்ற கேள்விக்கு விடை காண வேண்டும்.

மேலும், நீதிமன்றத்தில் பல நிலைகளில் விசாரிக்கப்பட்டு தீர்ப்புகள் வழங்கப்பட்ட பாராளுமன்ற தாக்குதல் வழக்கில் குற்றம் சாட்டப்பட்ட அப்சல் குருவை உடனடியாக தூக்கிலிட வேண்டும். தமிழக சட்டமன்றத்திலும் அப்சல் குருவை உடனடியாக தூக்கிலிட வேண்டும் என ஒரு தீர்மானம் இயற்ற வேண்டும்.

மரண தண்டனை அகற்றப்படுவதை நாங்கள் ஆதரிக்கவில்லை. நில அபகரிப்பு சம்பந்தமாக தவறு செய்தவர்கள் மீது தமிழக அரசு நடவடிக்கை எடுப்பதை பாரதீய ஜனதா கட்சி ஆதரிக்கிறது. அதே சமயம் அ.தி.மு.க. சட்டமன்ற உறுப்பினர்கள், அமைச்சர்கள் மீது உள்ள குற்றச்சாட்டுகள் மீதும் நடவடிக்கை எடுக்க வேண்டும். 1991-ஆம் ஆண்டில் இருந்தே நில அபகரிப்பு செய்தவர்கள் மீது நடவடிக்கை எடுக்க வேண்டும்.

இவ்வாறு அவர் கூறினார்.

மாலைமலர்

பாராளுமன்ற தாக்குதல் வழக்கில் குற்றம் சாட்டப்பட்ட அப்சல் குருவை உடனடியாக தூக்கிலிட வேண்டும்.

அவனோடு சேர்த்து மும்பையில் தாக்குதல் நடத்திய கொடூர மனம் படைத்த கசாப்பையும் தூக்கிலிடவேண்டும்

நம்ம நாட்டுல தான் வெளி நாட்டுல இருந்து வந்து இங்க இருக்கிறவங்களை கொன்னா நல்லா சாப்பாடோடு பாதுகாப்பும் கொடுத்து அரசே காப்பாத்தி வச்சு இருக்குமே.அவனே சாகுற வரை அவனுக்கு நமது அரசு தண்டனை தர போவதில்லை.அவனாச்சும் அனுபவிக்கட்டும்

இங்கு கூட கைதிகளுக்கு நல்ல சாப்பாடு கிடைக்கும் அக்கா !!

பேட்டரி ஓயர் வாங்கி கொடுத்ததுக்கு மரண தண்டனையா..இந்தியா முன்னேறுவதற்கு இது ஒரு சாட்சி..

இவரு மட்டுமல்ல மும்பையில் பல்லாயிர கணக்கான மக்களை கொன்று குவித்த கசாப்க்கும் தூக்கிலிட வேண்டும்