இந்தியாவின் புதிய அணுஆயுத போர்க்கப்பல் ஐ.என்.எஸ். கொச்சி

**சிவா** · **சிவா** Sat Sep 19, 2009 12:04 pm

இந்தியாவின் புதிய அணுஆயுத போர்க்கப்பல் ஐ.என்.எஸ். கொச்சி : கடற்படை பலம் மேலும் அதிகரிக்கும்

மும்பை : அணு ஆயுத ஏவுகணைகளை ஏவும் வல்லமை கொண்டதும், எதிரியின் ரேடாரில் எளிதில் சிக்காத திறன் கொண்டதுமான ஐ.என்.எஸ். கொச்சி என்ற புதிய போர்க் கப்பல் இந்தியக் கடற்படையில் சேர்க்கப்பட்டது. ஸ்டீல்த் மிசைல் டெஸ்ட்ராயர் என்றழைக்கப்படும் வகையைச் சார்ந்த தாக்குதல் கப்பலான ஐ.என்.எஸ். கொச்சி, முழுமையாக இந்தியாவின் உள்நாட்டு தயாரிப்பாகும். மும்பையில் உள்ள மஸ்கான் கப்பல் கட்டுமானத் தளத்தில் இக்கப்பல் கட்டப்பட்டது. 6,800 டன் எடை கொண்ட இக்கப்பல், 15-ஏ, கோல்கட்டா கிளாஸ் ஸ்டீல்த் மிசைல் டெஸ்ட்ராயல் வகையிலான கப்பல் வரிசையில் இரண்டாவதாகும். இந்தியக் கடற்படையில் தற்போது சேவையில் உள்ள ஐ.என்.எஸ். டெல்லி, ஐ.என்.எஸ். மைசூர், ஐ.என்.எஸ். மும்பை ஆகியவற்றிற்கு இணையான எதிரியின் கப்பல்களை அழிக்கும் திறன் கொண்டது ஐ.என்.எஸ். கொச்சி.

4 கேஸ் டர்பைன் மூலம் இயங்கும் இக்கப்பல், மணிக்கு 30 நாட்டி மைல் வேகத்தில் இயங்கக்கூடியது. நீண்ட தூர, தரையிலிருந்து வானில் உள்ள இலக்கைத்தாக்கும், பிரம்மோஸ் ஏவுகணைகள் மற்றும் நிலம் மற்றும் வான் இலக்குகளை அறியும் மல்டி பங்சன் ரேடார் அமைப்பை இக்கப்பல் கொண்டுள்ளது. இக்கப்பல் இந்தியக் கப்பற்படையின் கப்பல் வடிவமைப்பு இயக்குனரகத்தால் வடிவமைக்கப்பட்டது. இக்கப்பலை இந்திய கடற்படை தளபதி அட்மிரல் நிர்மல் வர்மாவின் மனைவியான மதுலிகா வர்மா முறைப்படி துவக்கி வைத்தார்.

ஸ்டீல்த் வகை கப்பல்: இக்கப்பல் ஸ்டீல்த் வகையைச் சேர்ந்த தாக்குதல் கப்பலாகும். ஒன்று அல்லது அதற்கும் மேற்பட்ட ரேடார்களாலும், சோனார் மற்றும் இன்பரா ரெட் முறைகளாலும் கூட எளிதில் கண்டறிய முடியாத படியான தொழில்நுட்பத்துடன் கட்டப்பட்ட கப்பல்கள் ஸ்டீல்த் வகை கப்பல்களாகும்.

இந்தியாவின் புதிய அணுஆயுத போர்க்கப்பல் ஐ.என்.எஸ். கொச்சி

இந்தியாவின் புதிய அணுஆயுத போர்க்கப்பல் ஐ.என்.எஸ். கொச்சி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக