கடன் கொடுக்க மறுத்த வங்கி மேலாளருக்கு 35 ஆயிரம் அபராதம்

**இளமாறன்** · **இளமாறன்** Fri 26 Aug 2011 - 14:53

Print | E-mail
வியாழக்கிழமை, 25, ஆகஸ்ட் 2011 (17:23 IST)

கடன் கொடுக்க மறுத்த வங்கி மேலாளருக்கு 35 ஆயிரம் அபராதம்

பெரம்பலூர் மாவட்டம், அரும்பாவூரில் உள்ள பஜனை மடம் தெருவில் வசிக்கும் சந்திரசேகரன் என்பவர் தான், சிறுதொழில் தொடங்க வேண்டும் என்று திருச்சி மாவட்ட கதர் கிராம தொழில் வாரியத்தில் விண்ணப்பம் செய்துள்ளார்.

இவரது விண்ணப்பத்தை ஏற்றுக்கொண்ட கதர் வாரிய உதவி இயக்குனர் 22.5 இலட்சம் ரூபாய் கடனுதவியும், அதற்கு அரசு மானியமாக 7.5 இலட்சம் ரூபாயும் ஒதுக்கியுள்ளதாகவும், சொல்லி அரும்பாவூர் பாங்க் ஆப் இந்தியா வங்கிக்கு பரிந்துறை செய்துள்ளார்.

சந்திரசேகரன், வங்கி மேலாளர் வெங்கட்டராவை சந்தித்து கடன் கேட்டுள்ளார். காதர் வாரியம் ஒதுக்கியுள்ள மானியத்தொகையில் பத்து விழுக்காடு தனக்கு கமிசனாக கொடுத்தால்தான் கடன் கொடுக்க முடியும் என்று சொல்லியுள்ளார் வங்கி மேலாளர்.

சந்திரசேகரும் ஐந்து விழுக்காடு கமிசன் கொடுத்து வேலையை முடிக்க பார்த்திருக்கிறார். ஆனால், ஐந்து விழுக்காட்டு தொகையை வாங்கி வைத்துக்கொண்ட வெங்கட்டராவ், இன்னும் ஐந்து வந்தால் தான் லோன் என்று சொல்லிவிட்டார்.

பலமுறை வங்கிக்கு நடந்த சந்திரசேகரனால் லோன் வாங்கவே முடிய வில்லை... வேறு வழியில்லாம, பெரம்பலூர் மாவட்ட நுகர்வோர் நீதிமன்றத்தில், அரும்பாவூர் பேங்க் ஒப் இந்தியா வங்கியின் கிளை மேலாளர் வெங்கட்டராவ் மீது வழக்கு தொடர்ந்தார்.

வழக்கை விசாரித்த நுகர்வோர் நீதிமன்ற நீதிபதி நந்தன், உரிய தகுதியிருந்தும், சந்திரசேகருக்கு கடன் கொடுக்க மறுத்த வங்கி மேலாளர் வெங்கட்டராவ் புகார் தாரரான சந்திரசேகரனுக்கு ஏற்பட்ட வழக்கு செலவுக்கு ஐந்து ஆயிரமும், மன உளைச்சலுக்கு இருபத்தி ஐந்து ஆயிரமும், முறையாக வழங்க வேண்டிய கடனை வழங்காமல், தாமதப்படுத்திய காரணத்திற்காக ஐந்து ஆயிரம் அபராதம் என மொத்தம்35 ஆயிரம் ரூபாய் அபராதம் விதித்து தீர்பளித்தார்.

சந்திரசேகரனுக்கு கதர் வாரியம் பரிந்துறை செய்த 22.5 இலட்சம் ரூபாய் கடன் தொகையை மூன்று மாதத்திற்குள் வழங்க வேண்டும் என்றும் உத்தரவிட்டார். நக்கீரன்