திரிபோலி நகரில் யுத்தம் நீடிக்கிறது. கடாபியின் சுகாதார மந்திரி புரட்சிக்காரர்களுடன் சேர்ந்தார்

லிபியா நாட்டின் தலைநகரான திரிபோலியில் புரட்சிப்படைகளுக்கும், கடாபி ஆதரவு ராணுவத்துக்கும் இடையே போர் நீடிக்கிறது. கடாபியின் உறவினர்களை புரட்சிப்படை வேட்டையாடி வருகிறது. இதற்கிடையில் கடாபியின் மந்திரிசபையில் சுகாதார மந்திரியாக இருந்த முகமது ஹிஜாசி, உளவுத்துறையின் துணை டைரக்டர் கலீபா முகமது அலி ஆகியோர் புரட்சிக்காரர்களுடன் சேர்ந்தனர்.

கடாபி தலைமறைவு

ஆப்பிரிக்காவில் உள்ள லிபியாவில் 41 ஆண்டுகளாக ஆட்சி நடத்தி வரும் கடாபி பதவி விலகக்கோரி அந்த நாட்டு மக்கள் போராட்டம் நடத்தி வருகிறார்கள். கிட்டத்தட்ட 4 மாதங்களாக நடந்து வரும் இந்த புரட்சி முக்கியமான கட்டத்தை அடைந்து உள்ளது. நாட்டின் பிறபகுதிகளை கைப்பற்றிய புரட்சிப்படை கடந்த சனிக்கிழமை தலைநகர் திரிபோலிக்குள் புகுந்தது. புரட்சிப்படை புகுந்ததும், கடாபி தலைமறைவாகி விட்டார். அவர் எங்கே இருக்கிறார் என்பது தெரியவில்லை.

கடாபியின் மகன்கள் இருவரை கைது செய்து விட்டோம் என்று புரட்சிப்படை அறிவித்தது. ஆனால் அன்றைய தினமே இரவு நேரத்தில் மூத்த மகன் சயீப் அல் இஸ்லாம் ஒரு 5 நட்சத்திர ஓட்டலுக்கு சென்று நிருபர்களுக்கு பேட்டி அளித்தார்.

யுத்தம் நீடிக்கிறது

கடாபி தலைமறைவாகி விட்டபோதிலும், அவரது ஆதரவாளர்கள் நகரின் பல பகுதிகளில் பதுங்கி இருக்கிறார்கள். அவர்கள் அவ்வப்போது வெளியே வந்து புரட்சிப்படைகளை தாக்கி வருகிறார்கள். இதனால் யுத்தம் நீடிக்கிறது.

நேற்று காலை நகரின் மத்திய பகுதியில் கோரிந்திய ஓட்டல் அருகே துப்பாக்கிச் சண்டை நடந்தது. சண்டை நடந்த இடத்தில் இருந்து கனத்த புகை வெளிப்பட்டது.

கடாபியின் ராணுவ தளபதி அப்துல் ரகுமான் அல் சயத். இவர் தனக்கு சொந்தமான பண்ணையில் ராணுவ வீரர்களுடன் பதுங்கி இருந்தார். அங்கு இருந்தபடி அவர் புரட்சிப்படையுடன் யுத்தம் செய்து வருகிறார். அங்கு யுத்தம் கடுமையாக நடக்கிறது.

கடாபியின் உறவினர்களை வேட்டையாடும் சம்பவமும் நடந்தது. ஆயுதங்களுடன் ஒரு ஓட்டலுக்கு வந்த புரட்சிப்படையினர் அறைஅறையாக சென்று கடாபியின் மகன் இருக்கிறாரா என்று தேடினார்கள்.

புரட்சிக்காரர்கள் பக்கம் சாய்ந்த மந்திரி

இதற்கிடையில் புரட்சிக்காரர்கள் கை ஓங்கத்தொடங்கியதும், அவர்கள் பக்கம் பல முக்கிய தலைவர்கள் சாய்ந்து வருகிறார்கள். நேற்று அப்படி சாய்ந்தவர்களில் ஒருவர் முகமது ஹிஜாசி. இவர் கடாபியின் மந்திரிசபையில் சுகாதார மந்திரியாக இருந்தவர் ஆவார்.

இவருடன் உளவுத்துறை துணை டைரக்டர் ஜெனரல் கலீபா முகமது அலியும் கடாபியை கைவிட்டு விட்டு புரட்சிக்காரர்கள் பக்கம் சேர்ந்தார்.

தினதந்தி

லிபியா புரட்சிக் குழுவுக்கு அமெரிக்கா உள்பட 40 நாடுகள் அங்கீகாரம்

லிபியாவில் 41 ஆண்டுகளாக சர்வாதிகாரியாக இருந்து ஆட்சி நடத்தி வந்த கடாபிக்கு எதிராக புரட்சி வெடித்தது. தேசிய டிரான்சிஷனல் கவுன்சில் என்ற பெயரில் அழைக்கப்பட்டு வரும் புரட்சிக்குழு தலை நகருக்குள் புகுந்தது. இதை அடுத்து கடாபி தலைமைச் செயலகத்தை விட்டு வெளியேறி விட்டார். அவர் இப்போது எங்கு இருக்கிறார் என்றே தெரியவில்லை. இந்த நிலையில் புரட்சிக்குழு ஆட்சியை பிடிக்க இருக்கிறது.

கடந்த மார்ச் மாதம் 5-ந் தேதியே இந்த குழு நாங்கள் தான் லிபிய மக்களின் சட்டப்பூர்வமான பிரதிநிதிகள் என்று பிரகடனம் செய்தது. இதை தொடர்ந்து அதே மாதம் 23-ந் தேதி இடைக்கால அரசாங்கம் அமைக்கப்பட்டது. அதன் தலைவராக மக்மூத் ஜிப்ரில் நியமிக்கப்பட்டார். இந்த புரட்சிக்குழுவை அமெரிக்கா, பிரான்சு, ஜெர்மனி, இங்கிலாந்து, எகிப்து, ஈரான், ஈராக், இத்தாலி, ஜப்பான், கனடா, ஆஸ்திரேலியா, லெபனான், கத்தார், உள்ளிட்ட 40-க்கும் மேற்பட்ட நாடுகள் அங்கீகரித்து உள்ளன.

செய்திக்கு நன்றி அட்மின் தம்பி

anjali.vanitha wrote:செய்திக்கு நன்றி அட்மின் தம்பி

வாங்க அக்கா. நலமா?

42 ஆண்டுகள் கொடுங்கோல் ஆட்சி செய்தவர் தலைமறைவு ...அவர் இந்நேரம் எங்காவது வெளி நாட்டில் செட்டில் ஆகி இருப்பார்