இதற்குப் பெயர் வேண்டாம்....

by **rameshnaga** Wed Aug 24, 2011 8:22 pm

எத்தனை நக்க்ஷத்திரங்கள் கூடி
ஒவ்வொரு நாளும்
இந்த நிலவைக் கடித்துக் காயப் படுத்துவது?
பாவம்! ஒவ்வொரு நாளும்
கொஞ்சம் கொஞ்சமாக
இறந்து கொண்டிருக்கிறது அது.
*********************************************
குழந்தைகள்
தரையிலிருந்து வீசியெறிந்த
முத்தங்கள்தாம்
அந்த நிலவின் காயங்களை
ஆற்றிக் கொண்டிருக்கிறது.
நாளை.........அந்த நிலவு
முழு நிலவு ஆகி விடும்.
**********************************************
வானத்திலிருந்து மழை பெய்கிறது.
அது-
யாருடைய கண்ணீர் என்று தெரியவில்லை.
ஒருவேளை-
பூமியில் வதைபடும் திக்கற்றவர்களைக்
காப்பாற்ற முடியாத
ஒரு கடவுளின் கண்ணீராய் இருக்கலாம்.
*************************************************
மின்னலும், இடியும்....
மழையின்
புன்னகையும்..சிரிப்பும் என்று
எழுதி வைத்திருக்கிறீர்கள்.
எனக்கென்னவோ....
தினசரிகளைப் புரட்டுகையில்
என் காதில் வெகுண்டு ஒலிக்கும்...
வன் புணர்வுகளுக்கு ஆளாகும்
ஏழைச் சிறுமிகளின்...
சமூகத்தின் மீதான
கோபமும்...அழுகையுமாய்த் தோன்றுகிறது.
**************************************************
பணம் தராத மரங்களை
மனிதர்கள் வளர்ப்பதில்லை.
என்றாலும்-
நிழல் தரும் மரங்கள்
ஒருபோதும் எதிர்பார்ப்பதில்லை
மனிதர்களின் தயவை
தாங்கள் வளர்வதற்கு.
****************************************************

by **krishnaamma** Wed Aug 24, 2011 8:34 pm

இதற்குப் பெயர் வேண்டாம்.... என்று நீங்கள் சொன்னால் சரி புன்னகை

ஆனால் கவிதைகள் அருமை , அருமை ரமேஷ் புன்னகை

( என்று நான் சொன்னால்? )

by **rameshnaga** Wed Aug 24, 2011 8:42 pm

ரொம்பவும் நன்றி! கிருஷ்ணம்மா.

by **rameshnaga** Thu Aug 25, 2011 10:08 am

rameshnaga wrote:ரொம்பவும் நன்றி! கிருஷ்ணம்மா.

by ரேவதி Thu Aug 25, 2011 10:10 am

by **rameshnaga** Thu Aug 25, 2011 10:12 am

ரொம்பவும் நன்றி! ரேவதி.

by ரேவதி Thu Aug 25, 2011 10:13 am

rameshnaga wrote:ரொம்பவும் நன்றி! ரேவதி.

by SK Thu Aug 25, 2011 10:14 am

by **rameshnaga** Thu Aug 25, 2011 10:15 am

ரொம்பவும் நன்றி! எஸ்.கே.

by **ராஜா** Thu Aug 25, 2011 11:02 am

rameshnaga wrote:
வானத்திலிருந்து மழை பெய்கிறது.
அது-
யாருடைய கண்ணீர் என்று தெரியவில்லை.
ஒருவேளை-
பூமியில் வதைபடும் திக்கற்றவர்களைக்
காப்பாற்ற முடியாத
ஒரு கடவுளின் கண்ணீராய் இருக்கலாம்.

வித்தியாசமான சிந்தனை , கவிதைகள் அருமை ரமேஷ் இதற்குப் பெயர் வேண்டாம்.... 678642