என்ன விளையாட்டு இது?

by **rameshnaga** Wed Aug 24, 2011 6:03 pm

First topic message reminder :

என்ன விளையாட்டு இது?
நீதான் வந்து ஒளிந்து கொண்டாய்...
எனது இதயத்தில்.
இப்போது பார்...
நான் காணாமல் போய் விட்டேன்.
***************************************
நீ
தெருவில் நடந்து செல்கையில்
உன் விழியைத் திருப்பாதே.
உன் விழிமீன்கள்...
தரையில் விழுந்துவிடக் கூடும்.
மீன்களால்...
தரையில் வசிக்க முடியாது
என்று படித்ததில்லையா நீ?
******************************************
உன்னைக் காதலித்ததால்
எனக்கு ஒரு நன்மை நிகழ்ந்திருக்கிறது.
உனக்குக் கடிதம் எழுதி...எழுதித்
திருந்திய என் தமிழால்
நான் தமிழில் மட்டும்
ஃபைலாகவில்லை..
********************************************
உன்னைக் காதலித்ததால்
நான்
அழகானவனாய் இருக்கிறேன்.
என்னைக் காதலிக்காததால்
நீ
அழகானவளாய்க் காட்டிக் கொள்கிறாய்.
*********************************************
காதல்....
கிருஷ்ணனாகும் போது
நான்...கர்ணனாகி விடுகிறேன்.
எனது இளமையின்
எல்லா இன்பங்களையும்
வழித்து வரமாக வாங்கிக் கொண்டுவிட்டு..
தனது கண்ணீரையும்
என்மேல் சுண்டி விட்டுப் போகிறதே....
காதலில்...
நான் கர்ணனாகி விடுகிறேன்
அது கிருஷ்ணனாகும் போது.
*********************************************