ராமராஜனின் மகள் திருமணம்

by jesudoss Wed Aug 24, 2011 3:45 pm

நடிகரும், அதிமுக., முன்னாள் எம்.பி.யுமான ராமராஜனின் மகள் திருமணம், நவம்பர் மாதம் சென்னையில் நடக்கிறது.

இந்த திருமணத்திற்கு முதல்வர் ஜெயலலிதா நேரில் வருவார் என்று கூறப்படுகிறது. எங்க ஊரு பாட்டுக்காரன், கரகாட்டாக்கான் உள்ளிட்ட பல்வேறு படங்களில் நடித்தவர் நடிகர் ராமராஜன்.

அதிமுக., கட்சி சார்பில் போட்டியிட்டு எம்.பி.,ஆகவும் பதவி வகித்தார். நடிகை நளி‌னியை திருமணம் செய்து, பின்னர் 13ம் ஆண்டு கழித்து விவாகரத்து பெற்று பிரிந்தார்.

இவர்களுக்கு இரண்டு குழந்தைகள் உள்ளனர். இவர்களில் அருணா என்ற பெண்ணுக்கு, வருகிற நவம்பர் 30ம் தேதி சென்னையில் திருமணம் ‌நடைபெற இருக்கிறது.

அருணாவுக்கும், குவைத்தில் ஒரு நட்சத்திர ஓட்டலில் மானேஜராக இருக்கும் ராமச்சந்திரன் என்பவருக்கும் திருமணம் நிச்சயிக்கப்பட்டுள்ளது.

திருமண ஏற்பாடுகளை ராமராஜனும், நளினியும் சேர்ந்தே கவனித்து வருகிறார்கள். இந்த திருமணத்திற்கு முதல்வர் ஜெயலலிதா நேரில் வருவார் என்று கூறப்படுகிறது.