கேரி பேக் டேஞ்சர்

**Admin** · **Admin** Wed 24 Aug 2011 - 12:00

சாலையோர கையேந்திபவன்கள் முதல் ஹோட்டல்கள் வரை உணவு மடித்துக் கொடுக்க பிளாஸ்டிக் பேப்பர்கள், பைகளையே (கேரி பேக்ஸ்) பயன்படுத்துகிறார்கள். எடை குறைவு; விலை மலிவான இந்தப் பொருட்கள் உயிருக்கு உலை வைப்பவை என்பதுதான் ரத்தத்தை உறைய வைக்கும் பகீர் தகவல்.

முழுவதும் ரசாயனம் கொண்டு செய்யப்படும், இந்த பிளாஸ்டிக் பைகள், பேப்பர்களில் உணவுப் பொருட்களை வைப்பதால் அலர்ஜி முதல் கேன்சர் வரை வரும் ஆபத்து உண்டு என்கிறார்கள். இது உண்மையா? என்பது குறித்து பிரபல பிளாஸ்டிக் தொழில்நுட்ப நிபுணர் ஒருவரிடம் பேசினோம்.

"பிளாஸ்டிக் பேப்பர், பைகளுக்கு பாலிஎதிலீன் (பி.இ.) தான் மூலப் பொருள். குறிப்பிட்ட வெப்பநிலை, அழுத்தத்தில் இந்தப் பைகள் உருவாக்கப்படும்.

எண்ணெய், பால் உணவு வகைகளை "பேக்' செய்யப் பயன்படும் கவர்களை அதிக அழுத்தம் கொடுத்து தயார் செய்வார்கள். அதனால் அந்தப் பொருட்கள் கெட்டுப் போகாது. ஆனால் குறைந்த அழுத்தம் கொடுத்து தயாரிக்கப்படும் பேப்பர், பைகளால் நிச்சயம் பிரச்னைதான்!' என்று சொல்லும் அந்த நிபுணர், சூடான உணவுப் பொருட்களை வைக்கும்போது, பிளாஸ்டிக் பேப்பர், கேரி பேக்குகளில் கலந்துவிடும். தொடர்ந்து உணவு விஷமாக மாறிவிடும் ஆபத்து உண்டு, என்கிற எச்சரிக்கையையும் பதிவு செய்கிறார்.

பொதுவாக, 60 டிகிரி சென்டிகிரேட் வரை சூடு தாங்கும் பேப்பர், கேரிபேக்குகளை மட்டுமே பயன்படுத்தவேண்டும் என்பது நடைமுறை விதி. ஆனால் கையேந்தி பவன்கள், ஹோட்டல்களில் அத்தகைய கேரி பேக்குகளைத்தான் பயன்படுத்துகிறார்களா என்பது சந்தேகம்தான்.

"உண்மைதான். வெப்பநிலை மட்டுமல்ல. கேரிபேக், பேப்பர்களின் தடிமன் அளவும் முக்கியம். அதாவது 40 முதல் 60 மைக்ரான் அளவுள்ள கேரி பேக்குகள் என்றால் பாதிப்பு இருக்காது. மாறாக அளவு 20 மைக்ரான் என்றால் போச்சு. பிரச்னை பெரிதாகிவிடும்!' என்று சொல்கிறார் பிளாஸ்டிக் ரசாயன பகுப்பாய்வு நிபுணர் ஒருவர்.

சரி! பிளாஸ்டிக் பைகளின் ஆபத்து குறித்த விழிப்புணர்வை ஏற்படுத்தி வரும் "இந்திய கன்சர்ட் நுகர்வோர் அமைப்பின் தலைவர் சந்தானராஜன் என்ன சொல்கிறார்?

"கேரி பேக், பிளாஸ்டிக் பேப்பர்கள தயாரிப்பதில் பாலிஎதிலீன் மட்டுமல்லாமல் சில வகை அமிலங்களையும் பயன்படுத்துகிறார்கள்.

இப்போதெல்லாம் கடைகளில் சூடான் டீயைக் கூட பல மணி நேரங்களுக்கு முன்பே கேரி பேக்குகளில் அடைத்து விற்பதுதான் கொடுமையின் உச்சக்கட்டம். இதனால் உடலில் ஏராளமான பாதிப்புகள் உண்டாகும்!'' என்கிறார் சற்றே எச்சரிக்கை கலந்த குரலில்.

தடை:
பெரும்பாலான மாநிலங்கள் 40 மைக்ரானுக்கும் குறைவான அளவுள்ள பாலிஎதிலீன் கேரி பேக், பேப்பர்களுக்குத் தடை விதித்துள்ள. இருந்தாலும் கடுமையான சட்டங்களை அமல்படுத்தவில்லை. அதனால் 15 முதல் 20 மைக்ரானுக்கும் (80 காஜ்) குறைவான அளவுள்ள கேரிபேக்குகள் தயாரிக்கப்பட்டு, சந்தைக்கு அனுப்பப்படுவதாக புகார்கள் எழுந்துள்ளன.

பாதிப்புகள்?
* உடலில் அரிப்பு, தடிப்புகள், கொப்புளங்கள்
* மூச்சு விடுவதில் சிரமம்
* ஹார்மோன் சமச்சீரின்மை
* உணவுக் குழாயில் கேன்சர்

- எஸ். அன்வர்
குமுதம்

dsudhanandan · dsudhanandan Wed 24 Aug 2011 - 12:11

மொத்தமாக அனைத்து வகை பிளாஸ்டிக் கேரி பாக்களையும் தடை செய்ய வேண்டும்

மகா பிரபு · மகா பிரபு Wed 24 Aug 2011 - 12:40

நல்லத்தகவல்.

உதயசுதா · உதயசுதா Wed 24 Aug 2011 - 13:54

இத்தகைய கேரி பேக்க்கு எதிரா கடுமையா நடவடிக்கை எடுக்கணும்.மக்களாச்சும் விழிப்புணர்வோடு இந்த கேரி பேக் களை
தவிர்க்கணும்.ஆனா இரண்டுமே நடக்க மாட்டேங்குதே

**krishnaamma** · **krishnaamma** Wed 24 Aug 2011 - 14:11

விழிப்புணர்வு ஊட்டும் தகவல் அட்மின் குமார், நன்றி புன்னகை

டெல்லி இலும் சுற்றுப்புற நகரங்களிலும் ( ஃபரிதாபாத் , கூர்காவுன் போன்ற நகரங்கள் ) கடைகளில் காகித பைகளை உபயோகிக்க் ஆரம்பித்துவிட்டார்கள். நாம் கடைக்கு போனால் நாமே பை எடுத்துப்போகும் கலாசாரம் வந்துவிட்டது. அல்லது, மெல்லிய துணி போன்ற ஒன்றினால் ஆன பைகள் அல்லது காகிதபைகளை கடைகளில் விற்கிறார்கள் அதை வாங்கிக்கொள்ளலாம். சாமான்களை அட்டை பெட்டிகளிலும் பாக் செய்து தருகிறார்கள். புன்னகை

டோட்டல், ரிலையன்ஸ் போன்ற கடைகளில், கறிகாய் செக்ஷன் இல் கூட, பிளாஸ்டிக் கோவேர்கள் கிடயாது. அதற்க்கு பதில் வலை போல் உள்ள நைலூன் பைகள் உள்ளன.

இங்கு பங்களூரிலும், ஒரு வருடமாக டோட்டல் கடைகளில், நாம் வாங்கும் சாமான்களை கவரில் போடவேண்டுமானால் ஒரு கவருக்கு 2 ருபை தரவேண்டும் சோகம்

இதனால் கவர்கள் உபயோகம் குறையும் என்று எதிர்பார்க்கிறார்கள் . நடை முறை படுத்த வெகு காலம் ஆகும் ஏன் என்றால் நாம் அவ்வளவு பிளாஸ்டிக் கவர் கள் உபயோகிக்க ஆரம்பித்துவிட்டோம் சோகம்

SK · SK Wed 24 Aug 2011 - 14:38

நல்ல தகவல் பிளாஸ்டிக் பைகள் பயன்படுதுவதை மக்கள் குறைக்க வேண்டும் இது நமக்கு நல்லது அல்ல என்று அவர்கள் உணர்ந்தால் தான் பிளாஸ்டிக் பைகள் குறையும்

kitcha · kitcha Wed 24 Aug 2011 - 14:42

மக்களிடத்தில் விழிப்புணர்வு வர வேண்டும்.

**krishnaamma** · **krishnaamma** Wed 24 Aug 2011 - 14:46

SK wrote: நல்ல தகவல் பிளாஸ்டிக் பைகள் பயன்படுதுவதை மக்கள் குறைக்க வேண்டும் இது நமக்கு நல்லது அல்ல என்று அவர்கள் உணர்ந்தால் தான் பிளாஸ்டிக் பைகள் குறையும்

ஆமாம் SK

SK · SK Wed 24 Aug 2011 - 14:50

krishnaamma wrote:
SK wrote: நல்ல தகவல் பிளாஸ்டிக் பைகள் பயன்படுதுவதை மக்கள் குறைக்க வேண்டும் இது நமக்கு நல்லது அல்ல என்று அவர்கள் உணர்ந்தால் தான் பிளாஸ்டிக் பைகள் குறையும்

ஆமாம் SK