எல்லாரும் எல்லாமும் பெற வேண்டும்!

**Admin** · **Admin** Wed Aug 24, 2011 10:28 am

ஒருவழியாக இரண்டு மாத இடைவெளிக்குப் பிறகு தமிழகப் பெற்றோர் பெருமூச்சு விட்டிருக்கிறார்கள். பள்ளிக்குப் போகும் தங்கள் குழந்தைகள் எந்தப் பாடத்திட்டத்தின் கீழ் படிப்பது என்பது சிறிது தாமதத்திற்குப் பிறகு முடிவாகியிருக்கிறது.

சமச்சீர் கல்வியை நடப்பாண்டிலேயே அமல்படுத்த உச்சநீதிமன்றம் உத்தரவிட்டு, பாடப்புத்தகங்களும் மாணவர்களுக்கு வழங்கப்பட்டுக் கொண்டிருகிறது.

இந்த சமயத்தில் ஒன்றை மட்டும் பாரபட்சமற்றுப் புரிந்துகொள்ள வேண்டும். சமச்சீர் கல்வி குறித்த இந்தத் தீர்ப்பு மாணவர் நலன் சார்ந்த ஒன்றே தவிர, இந்தத் தீர்ப்பை அரசியல் நோக்கத்தில் கொண்டாட வேண்டியதுமில்லை. தோல்வி என நினைத்து வருத்தப்பட வேண்டியதுமில்லை.

கல்வி விஷயத்தில் எந்த கட்சி ஆட்சியில் இருந்தாலும் பாடத் திட்டத்தில் தங்களை முன்னிறுத்தினால் என்னென்ன விளைவுகள் ஏற்படும் என்பதை உணர வைத்திருக்கிறது இந்த சமச்சீர் கல்வி அனுபவம்.

சமச்சீர் கல்வியில் சில திருத்தங்களைச் செய்ய விரும்பிய தற்போதைய அரசுக்கு இன்னும் அவகாசம் இருக்கிறது. அடுத்தடுத்த ஆண்டில் அதற்கான திருத்தங்களைச் செய்து அவற்றை நடைமுறைப்படுத்தலாம்.

இதே சமச்சீர் அணுகுமுறை மற்றவற்றிலும் தொடர வேண்டும். அடிப்படைத் தேவையான குடிநீரிலிருந்து ஆரம்பித்து, சமச்சீர் ஆய்வகம், சமச்சீர் விளையாட்டு மைதானம், என்று மாணவர்களிடம் துவங்கி, சமச்சீர் மருத்துவம், சமச்சீர் போக்குவரத்து என்று எல்லாவற்றினும் சமச்சீர் நிலையை விரைவில் நாடு எட்ட வேண்டும்.

கவியரசு கண்ணதாசனின் "எல்லாரும் எல்லாமும் பெற வேண்டும்' என்கிற கனவான பாடல் வரிகள்தான் நினைவுக்கு வருகிறது.

குமுதம்

எல்லாரும் எல்லாமும் பெற வேண்டும்!

எல்லாரும் எல்லாமும் பெற வேண்டும்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக