நண்பரின் விரலை கடித்து துப்பிய வாலிபர் கைது

**Admin** · **Admin** Wed Aug 24, 2011 9:33 am

பெரியபாளையம் போலீஸ் நிலையத்தை பெண்கள் முற்றுகையிட்டதால் நண்பரின் விரலை கடித்து துப்பிய வாலிபர் கைது செய்யப்பட்டார்.

விரல் துண்டிப்பு

பெரியபாளையம் எம்.ஜி.ஆர்.நகரை சேர்ந்தவர் சுதாகர் (வயது 28). ஓட்டல் நடத்தி வருகிறார். இதே ஊரை சேர்ந்தவர் சித்திக் மற்றும் அன்சாரி. 3 பேரும் நண்பர்கள். சுதாகர் கடந்த சனிக்கிழமை நள்ளிரவு 1 மணிக்கு தனது ஓட்டலை மூடிக்கொண்டு வீட்டுக்கு வந்து கொண்டிருந்தார். தனது வீட்டின் அருகே குடிபோதையில் சித்திக் மற்றும் அன்சாரி விழுந்து கிடந்தனர். இதனால் சுதாகர் தனது நண்பர்கள் 2 பேரையும் தூக்கி ஓரமாக படுக்க வைத்தார்.

அப்போது நண்பர்களில் ஒருவரது செல்போன் கீழே விழுந்தது. இதனால் அவர்கள் 3 பேருக்கும் இடையே தகராறு ஏற்பட்டது. தகராறு முற்றியதில் சுதாகரின் விரலை அன்சாரி கடித்து துப்பி விட்டார். மேலும் அன்சாரியும் நிலை தடுமாறி கீழே விழுந்து படுகாயம் அடைந்ததாக கூறப்படுகிறது.

போலீஸ்நிலையம் முற்றுகை

அருகில் இருந்தவர்கள் உடனடியாக சுதாகரை சென்னை அரசு ஆஸ்பத்திரியிலும், அன்சாரியை சென்னை ஸ்டான்லி ஆஸ்பத்திரியிலும் அனுமதித்தனர். இந்த நிலையில் சுதாகர் தரப்பிலும் அன்சாரி தரப்பிலும் தனித்தனியாக ஒருவர் மீது ஒருவர் பெரியபாளையம் போலீஸ் நிலையத்தில் புகார் செய்யப்பட்டது. இதுகுறித்து பெரியபாளையம் சப்-இன்ஸ்பெக்டர் சுப்பிரமணி வழக்குப்பதிவு செய்து விசாரித்து வந்தார்.

சுதாகருக்கு ஆதரவாக அந்த பகுதியை சேர்ந்த பெண்களும் அவரது நண்பர்களும் அன்சாரி மீது உடனடியாக நடவடிக்கை எடுக்கவேண்டும் என்று கூறி பெரியபாளையம் போலீஸ் நிலையத்தை முற்றுகையிட்டு போராட்டத்தில் ஈடுபட்டனர். இதையடுத்து அன்சாரியை போலீசார் கைது செய்து விசாரித்து வருகின்றனர்.

தினதந்தி

ரேவதி · ரேவதி Wed Aug 24, 2011 10:08 am

நண்பரின் விரலை கடித்து துப்பிய வாலிபர் கைது

நண்பரின் விரலை கடித்து துப்பிய வாலிபர் கைது

Re: நண்பரின் விரலை கடித்து துப்பிய வாலிபர் கைது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக