தமிழ் புத்தாண்டு மாற்றம்: டாக்டர் ராமதாஸ் எதிர்ப்பு

Thiraviamurugan · Thiraviamurugan Tue Aug 23, 2011 4:39 pm

பா.ம.க. நிறுவனர் டாக்டர் ராமதாஸ் வெளியிட்டுள்ள அறிக்கையில் கூறி இருப்பதாவது:-

தை முதல் நாளை தமிழ்ப் புத்தாண்டாகக் கொண்டாடும் வழக்கத்தை மாற்றி சித்திரை முதல் நாளையே மீண்டும் தமிழ்ப் புத்தாண்டாகக் கொண்டாட வகை செய்யும் மசோதாவை சட்டமன்றத்தில் தமிழக அரசு தாக்கல் செய்துள்ளது.

இது தமிழ் உணர்வாளர்களை வேதனைப்படுத்தும் வகையில் அமைந்துள்ளது. தமிழ்ப்புத்தாண்டு எது என்பது அரசியல் விருப்பு வெறுப்புகளின் அடிப்படையில் தீர்மானிக்கப்பட வேண்டிய ஒன்றல்ல. சிந்து சமவெளி நாகரீக காலத்திலேயே தை முதல் நாளை தமிழ்ப் புத்தாண்டாக கொண்டாடியதற்கான வரலாற்றுக் குறிப்புகள் உள்ளன.

மிக நீண்ட போராட்டத்திற்குப் பிறகே கடந்த 2008 ஆம் ஆண்டு தை முதல்நாளை தமிழ்ப் புத்தாண்டாக அறிவிப்பதற்கான சட்டத்திருத்தம் சட்டமன்றத்தில் நிறைவேற்றப்பட்டது. இதன் மூலம் நீண்ட நாட்களாக இருந்து வந்த வரலாற்றுப் பிழை நீக்கப்பட்டது.

தமிழக மக்களும் தை முதல் நாளை தமிழ்ப் புத்தாண்டாக கொண்டாடத் தொடங்கி வந்த நிலையில், திடீரென தமிழ்ப் புத்தாண்டை மீண்டும் சித்திரை மாதத்திற்கு மாற்றுவது முறையல்ல. இது மிகப்பெரிய வரலாற்றுப் பிழையாக அமைந்து விடும்.

எனவே தமிழ் உணர்வாளர்களின் உணர்வுகளை மதித்து, தமிழ்ப் புத்தாண்டை மாற்றுவதற்கான மசோதாவை தமிழக அரசு திரும்பப் பெறவேண்டும்.-நன்றி மாலை மலர்

**ராஜா** · **ராஜா** Tue Aug 23, 2011 4:40 pm

Thiraviamurugan wrote:சிந்து சமவெளி நாகரீக காலத்திலேயே தை முதல் நாளை தமிழ்ப் புத்தாண்டாக கொண்டாடியதற்கான வரலாற்றுக் குறிப்புகள் உள்ளன.

ஐயோ ஐயோ என்னா காமடி தமிழ் புத்தாண்டு மாற்றம்: டாக்டர் ராமதாஸ் எதிர்ப்பு 677196

**பிளேடு பக்கிரி** · 01/03/2010

இப்படி ஒரு ஆள் நம்ம தமிழ் நாட்டுக்கு தேவை தான்... வடிவேலு வேற இல்ல.... இப்ப இவரால தான் கொஞ்சம் சிரிப்பு வந்து மனசு சந்தோஷமா இருக்கு... நன்றி காமெடி பீசு தமிழ் புத்தாண்டு மாற்றம்: டாக்டர் ராமதாஸ் எதிர்ப்பு 745155