நகரத்தில் தொலைந்த நந்தவனங்கள்.

by **rameshnaga** Mon Aug 22, 2011 8:04 pm

First topic message reminder :

தீப்பெட்டிகள் வீடுகளாய் அடுக்கப்பட்ட
ஒரு நகரத்தில்...
அடையாளம் சொல்ல முடியாத ஒரு தெருவில்
நசுங்கிக் கிடக்கிறது எங்களின் முகவரி.
ஊர்ந்து செல்லும் மரவட்டைக் கால்களாய் மனிதர்கள்.
இயல்பாய் சிரிக்காத எதிர் முகங்கள்.
ஒப்பனை முகங்களில்..
தெரிந்தே தொலையும் வாழ்க்கை.
தன் வானம் தெரியாமல்..
பூந்தொட்டிக்குள் திமிறத்..திமிற...
கிளைகள் வெட்டப்படும் போன்சாய் மரங்கள்.
எறும்புகள்..இரை தேடி சோர்ந்து போகும்
மாக் கோலமற்ற தெருக்கள்.
காங்க்ரீட் சூடுகளில் ....
கால் கொதித்துப் போகும் பறவைகள்.
ஆற்றின் வயிறு சுருங்கி...
ஐந்துக்கு ...நான்கு ..அறைக் குழாய்களில்
கண்ணீர் சிந்த
புகைகளால் கருப்பாகி விட்ட தெருவில்
இருக்க இடமின்றி...
அபார்ட்மெண்ட்களின் நான்காவது ஃப்ளோருக்கு...
வந்துவிட்ட அருள் பாலிக்கும் கடவுள்.
ஒரு சதுர அடி...பல ஆயிரங்கள்
என்னும் இக்கட்டான காலகட்டத்தில் வசிக்கிறோம்
நாங்கள்.