பா.ம.க. தனித்து போட்டியிடும் என்றதும் கேலியும் கிண்டலும் செய்கிறார்கள்: டாக்டர் ராமதாஸ்

பாட்டாளி மக்கள் கட்சியின் திருவள்ளூர் மாவட்ட பொதுக்குழுக்கூட்டம் மணவாளநகரில் (21.08.2011) நடந்தது. கூட்டத்தில் பா.ம.க. நிறுவனத் தலைவர் டாக்டர் ராமதாஸ் கலந்து கொண்டு கூறியதாவது:


திருவள்ளூர் மாவட்டத்தில் உள்ள திருவள்ளூர், திருத்தணி, மதுரவாயல், அம்பத்தூர், ஆவடி, பூந்தமல்லி சட்டசபை தொகுதிகளில் கட்சியை வலுப்படுத்தவும் இளைஞர் படையை உருவாக்கவும் தொகுதி வளர்ச்சிக்காகவும் இளைஞர் படையை உருவாக்கவும் ஆட்களை தேடினோம். அப்போது பாலா என்ற பாலயோகி திறம்பட செயல்படுவார் என்ற நம்பிக்கையுடன் இந்த புதிய பொறுப்பான மாநில துணைப் பொது செயலாளர் பதவி வழங்கப்பட்டுள்ளது. நீங்கள் அனைவரும் அவருக்கு முழு ஒத்துழைப்பு அளிக்க வேண்டும்.


தமிழ்நாட்டில் மிக பெரிய மாற்றத்தை பாட்டாளி மக்கள் கட்சி உருவாக்க போகிறது. அது என்ன மாற்றம்? எப்படிப்பட்ட மாற்றம்? வறுமையின் பிடியில் மக்களை தள்ளி இலவசங்களை கொடுத்து ஏமாற்றி, தமிழ்நாட்டை சீரழித்த திராவிட கட்சிகளை ஒழித்து கட்ட ஒவ்வொரு இளைஞனும் இளம்பெண்களும் சபதம் ஏற்க வேண்டும். வர இருக்கிற பாராளுமன்ற தேர்தலில் பாட்டாளி மக்கள் கட்சி தமிழ்நாட்டில் குறைந்தது 13 இடங்களிலாவது வெற்றி பெறும்.


நடைபெற உள்ள உள்ளாட்சி மன்ற தேர்தலில் பாட்டாளி மக்கள் மிக பெரிய வெற்றியை பெற்று முத்திரை பதிக்க போகிறது. 1989 ம் ஆண்டு கட்சியை ஆரம்பித்த நாம் தனித்து நின்று 17 லட்சம் வாக்குகளை பெற்றோம். 1991 ல் தனித்து நின்று 1 எம்.எல்.ஏ.வை பெற்றோம். 1996 ல் தனித்து நின்று 4 எம்.எல்.ஏ.க்களை பெற்றோம். அதன் பின்னர் கூட்டணிக்கு சென்றோம். இப்போது 3 எம்.எல்.ஏ.வாக சுருங்கி விட்டது. தற்போது பா.ம.க. தனித்து போட்டியிடும் என்றதும் கேலியும் கிண்டலும் செய்கிறார்கள். இனிமேல் தனித்து போட்டி என்ற பேச்சில் மாற்றம் இல்லை. இவ்வாறு அவர் கூறினார். நக்கீரன்

ஹா... ஹா...
ஹ்ய்யோ ஹ்ய்யோ ஹ்ய்யோ ஹ்ய்யோ ஹ்ய்யோ
முடியலடா... போய்யா... போய்யா

நகைச்சுவை பகுதியில் போடணும் இதை

இன்னுமா எங்கள நம்பிட்டு இருக்கீங்க..!

அப்புறம் சிரிக்காம என்ன செய்வாங்க.அந்த நிலைமைக்குதான் நீங்க வந்துட்டீங்களே