எதற்க்கும் தயாராய் இரு !

by **ayyamperumal** Mon Aug 22, 2011 10:41 am

எதர்க்கும் தயாராய் இரு!

கையில் வைத்திருந்த புத்தகங்களை அலமாரியின் மீது மெதுவாய் தூக்கி போட்டாள்.அவளின் முகத்தை பார்த்ததுமே ஏதோ பிரச்சனையில் இருக்கிறாள் என்பதை புரிந்து கொண்டார் அவரின் தாய். இருந்தும் அவளை சொல்லட்டுமென அமைதியாய் இருந்தார். மகளும் ஏதும் சொல்லாமல் அமர்ந்தாள். பல நேரங்களில் தாய்க்கும் பிள்ளைகளுக்கும் இடையே நடக்கிற ஈகோ வில் தாயை தோற்க்க வைத்து தாய்மை வென்றுவிடுகிறது. இதைப்போல சில நிமிடங்களுக்கு பிறகு ....அபி, ஏதும் பிரச்சனையாடா? என்றார்.

இதற்காகவே காத்து கொண்டிருந்தால் போல அம்மாவின் தோலினை கட்டி கொண்டாள். அவளின் தலையை வருடியவரே என்ன என்று சொல் என்றார். அம்மா, எனக்கு எல்லாமே பிரச்சனைதான், படிப்பு, பாடம், மாணவர்கள் எல்லாமே என்றாள். இதை கேட்ட அம்மா , நடந்ததை மட்டும்சொல் அபி என்றார்.

அம்மா நான் எல்லோருடனும் போல்தான் அவனிடமும் பழகினேன். ஆனால் அவன் என்னிடம் , என்னிடம் ......

அதற்க்கு நீ என்ன சொன்னாய் ?

நான் எல்லோருக்கும் பிரியமானவளாய் இருக்க விரும்புகிறேன். நீ என்னிடம் எப்பொழுதும்போல பழகலாம் , ஆனால் உன் எண்ணத்தை மாற்றி கொள்ள வில்லை என்றாள் என் பெயரை கூட சொல்லாதே என்று சொல்லிவிட்டேன்.
சரியாய் தான் அபி சொல்லியிருக்கிறாய். இதற்க்கு என் சோகம் ?

இல்லை அம்மா நாகரீகம் இல்லாமல் எப்படி இவர்களால் நடந்து கொள்ள முடிகிறது. இவர்கள் என் இப்படி இருக்கிறார்கள்?.

தவறான புரிதலுக்கு பாலின பேதமில்லை அபி, அவன் உன்னிடம் நேருக்கு நேர் பேசியது கூட நல்லதுக்குதான். தவறான எண்ணத்தை மனதில்கொண்டு பழகியிருந்தால், உனது பழக்க வழக்கம் எல்லாத்தையும் கொச்சை படுத்தியிருப்பான். இனி நீ அவனிடம் பேசினாலும் பேசாவிட்டாலும், உன் மீது இருக்கும் மரியாதையை அவன் அதிக படுத்தி கொள்வான்.

இலக்கியத்திலிருந்து, இன்றைய சினிமா வரையில் காதலைத்தான் அச்சாணியாய் வைத்து இயக்கியிருக்கிறார்கள். இதையெல்லாம் கற்பனை என்று புரிந்து கொள்ளாமல், தனக்கான வாழ்க்கைதுணையை தானேதேடுவதுதான் ஹீரோயிசம் என்று தவறாக புரிந்து கொண்டிருக்கிறார்கள்.

அவர்களுக்கு ,,
இந்த உலகத்திற்க்கு கொடுப்பதற்காக ஒவ்வொரு மனிதனிடமும் ஏதோ ஒன்று இருக்கிறது. அது என்ன என்பதை கண்டறிவதுதான் ஹீரோயிசம் என்பது இன்னும் தெரியவில்லை.
இதை எல்லோரும் புரிந்து கொள்ளும் வரை படிக்கிற இடம் பணிசெய்கிற இடம், ஏன் பொழுது போக்குகிற இடத்தில் கூட இதைபோன்ற சிக்கல்களை எல்லோரும் சந்தித்து தான் ஆக வேண்டும். இதையெல்லாம் பொருட் படுத்தாமல் நீ உன் இலக்கை நோக்கி பயணி. எதர்க்கும் தயாராய் இரு அபி என்றார்.
மறுநாள் மகள் புத்தகம் எடுக்கிற விதம் ,செப்பல் மட்டுகிற விதம்,சென்று வருகிறேன் என சொல்லுகிற விதம் எல்லாத்தையும் கவனித்த அம்மாவால், தன் மகளை எண்ணி கர்வம் கொள்ளாமலிருக்க முடியவில்லை.

by ரேவதி Tue Aug 23, 2011 3:09 pm

வாழ்வின் நிகழ்வுகளை அப்படியே பிரதிபலித்துள்ளீர் சூப்பருங்க

by முகம்மது ஃபரீத் Tue Aug 23, 2011 3:14 pm

by **ayyamperumal** Tue Aug 23, 2011 4:25 pm

massfareeth wrote:

ரேவதி wrote:வாழ்வின் நிகழ்வுகளை அப்படியே பிரதிபலித்துள்ளீர்

நன்றி !

சில நிகழ்வுகள் சித்தாந்தம் தரும் தன்மையுடையவை!

by **உமா** Tue Aug 23, 2011 4:36 pm

இப்படி பட்ட எண்ணங்கள் அனைவருக்குமே தோன்றாது தம்பி....
நல்ல தொகுப்பு.... மகிழ்ச்சி

by **ayyamperumal** Tue Aug 23, 2011 4:43 pm

உமா wrote:இப்படி பட்ட எண்ணங்கள் அனைவருக்குமே தோன்றாது தம்பி....
நல்ல தொகுப்பு....

தொட்டிலுக்கு அன்னை
....................... கன்னி
பட்டினிக்கு தீனி
கெட்ட பின்பு ஞானி ---- கண்ணதாசன்

பட்டால்தான் அக்கா புத்தி தெளியும் !

by **உமா** Tue Aug 23, 2011 4:47 pm

அய்யம் பெருமாள் .நா wrote:
உமா wrote:இப்படி பட்ட எண்ணங்கள் அனைவருக்குமே தோன்றாது தம்பி....
நல்ல தொகுப்பு....

தொட்டிலுக்கு அன்னை
....................... கன்னி
பட்டினிக்கு தீனி
கெட்ட பின்பு ஞானி ---- கண்ணதாசன்

பட்டால்தான் அக்கா புத்தி தெளியும் !

உன் மனதில் ஏதோ ஒரு வலி இருக்கிறது...
அது என்னவென்று எனக்கு தெரியவில்லை....ஆனால், ஒன்று மட்டும் சொல்ட்றேன்...
யாரும், யாருக்கும் நிரந்தரமில்லை...
யாரும், யாருக்காகவும் பிறக்கவுமில்லை....

என்றுமே நிலையான உறவு அம்மா....
நிலையில்லா உறவு காதல்....